KS VIRGIN 8

Chapter - 8

GiC: Hriati
Ziaktu: Peter Rinfela

Ka nui saka, phone chu dah pahin Sangtei te in lamah chuan ka in khalh phei a, chumi hnuah car atang chuan chhuakin car ngheng chuan ka ding a, boruaka a daih em avang chuan ka in kuangkuah than bawk, rei vak lo ka din hnu chuan Sangtei pawh chu a rawn thleng thla ve a, ka hmaah chuan rawn dingin, mi en deuh vang vang a, ka thinlung leh ngaihtuah na zawng zawng hriat vek atum hi a ang ber!!
"Enge i sawi duh a?" ka ti ta ngawt a,
"Heti laia i lo awm ngawt chhan hi ka ngaihtuah a!"
"Hahhh.... chuvang mai a khati taka min en kher kha a ngai ami?!"
"Ka hre lo le, thil hriatthiam loh deuh ka neih vang aniang"
"Keimah hi mi?!"
"Umm.."
Rei vaklo kan din hnu chuan carah ka thut luh pui a, Priscilla te leng ka zuiru tih erawh ka hrilh duh bik ta lo,
"I nau nen vawinah kan inhmu a.." arawn tih chuan
"Ohh! ani maw?!" ka ti ringawt a.chutah min rawn en a, "He thil hi engtin nge anih theih le?" a rawn ti leh a,
"Ka nau nen in in hmu chu maw?" "Nilo, Messiana hi..."
"Tinge a?"
"I fapa ngei asin, i awih lo tiraw?"
Ka meng deuh zawk a, ka fapa ani thei lo tih chu hrilh ka zak angreng hle mai, fa ka nei theilo tih hi ka nupui hlui te chhungkua leh kan chhungkaw thuruk ve liau liau ani si a. Ka ngawih roh roh hnu chuan "Umm" ka ti ta ringawt.
"Fa i nei thei lo tih hi a dik lo hul hual" a rawn ti ta mai a, Priscilla hian alo hrilh roh amawni le, "Engtin nge .. ka nauin a hrilh che mi?" ka ti chhuak deuh nawk nawk a,
"Aw, mahse nangmah lo chu tumah ka mutpui silo a, tunge fa i neithei lo ti reng reng a, i nupui hluiin ami?"
Ka thluak chu a let but but a, henu hian thudik asawi angem? min chhaih kual mai mai te hi ani lo maw le? Nge ka test result a dik lo zawk ni ang?
"Nilo, doctor in" ka ti bung hmak a, sawi mai tur pawh ka hre lo, ka nupui nena kan inthen hma chu nise ka la hrethiam a, inthen tawh hnuah kan mudun choh ani si. Sangtei chu ka ena, "KS i ni nange?" ka ti tawl mai a, Min melh rum kher mai. "Tinge chutiang chuan min ngaih tlata?"
"Pawisa kha i la miau sia lawm"
"Ni e"
"KS i nih siloh chuan ka mutpui dawn che khan tinge min hnar loh a" kan ti leh a, ani chu a thaw halh a, "Ngati mah, khatiang thil kha sawi ka duh lo, Messiana choh ka ngaituah tawh tunah chuan" ati deuh hmaka, kan ngawi dun deuh vang vang hnu chuan "He thil ka sawipui na chhan che hi Messiana i rawn beisei theih nan ani lo ania, nang chuan a man i pe tawh a, i ta ani ve tawh lo, Fa nei theilo anga i in ngai kha paih bo turin ka duh mai choh che ni" atih chuan a chawl deuh dat a, Car hawnna chu vawn pahin "Hahdam deuhin i hun hmang tawh rawh, test ti nawn leh la" ati leh a, motor atang chuan min chhuahsan ta a. Sangtei a haw hnu chuan ka inthlahdul ve ta choh a, a sawi kha a dik ve thei tho in ka hre bawk, ka test hmasa kha a diklo anih ka ring ta ber a, mahse a pawi tur zawng zawng a pawi zo tawhin ka nupui nen kan inthen phah hial ani si a. A tukah chuan Mumbai a chhuk tur chuan kan chhuak ta a, a reilo thei ang ber awma, Prisi ka buaipui zawha haw leh nghal ka duh dawn vangin Sangtei hnenah Messiana chu Aizawla lo la cham rih turin ka ti a, "Ka theih chuan" ti ringawtin min la chhang zui. Mumbaiah chuan Prisi te thawhna tur Jaslok hospitalah chuan in test ka tum leh ta zawk a, ka phur bawk si a, ka huphurh bawk si.


(To be continue)

Chapter 1

Chapter 2

Chapter 3

Chapter 4

Chapter 5

Chapter 6

Chapter 7