SIPAI NUPUI

“Lo ding lawk teh, biak lawk che ka duh a ni” a tih ri avang chuan, ka ke pen lai chu ka tawp chawt a! min hmachhawn zawng chuan a rawn ding a, a hnar chu a \awk lek lek a, zu a in nasa tih a hriat, a mitmeng chu a thip ram mai a! a hmuihmul pawh a \o khawng fur mai. A thau lo a, a vun chu a uk khak mai.
“Puii, min hre tawh lo em ni?” a ti tham chhal a, a aw chu a ngenngawl angreng hle.


“Ka hria che lawm; ka damchhungin ka hrereng tawh ang che” ka ti sap a. A kut chu a rawn lekchhuak a, a khur der der mai.
“In chibai ila, i dam \hin maw?” a rawn ti leh hnuhnawh a! keipawh chuan “Dam \hin e, nang zawk?” tih pahin a kut chu ka vawnsak ve a. A kut lum ther ther chuan ka kut chu nghet takin a hum a, ka lo mamichhing ta ngawt a!
“Kum 5 lai a liam tawh a nih hi; i pasal fanaute an \ha maw?”
“Aw, an \ha e” dawt chiang taka ka sawi avang chuan, amitah ka en ngam lova; a nui suk a.
“Ka hmanhmawh deuh a, ka kal tawh mai ang, kan la inhmu leh dawn nia” tiin ka kal ta a, lehhawi chak em em chungin hmalam ka thlir lui tlat a.
Darthlalanga ka hmel lo lang chu rum zetin ka melh kul a, a chang leh keimah leh keimah chu ka innuihsawh thul! Nep leh tlawm hi ka inti ngawih ngawih a; ka inhmusit a ni ber mai. Room-a ka fapa rawn lut pawh chu ka lo hmu lawk lova, “Nu, ka ril a \am” a tih ri-ah chuan ka harhchhuak ta chauh a. Inthiamlo ru takin ka fapa eitur siam sak tur chuan choka lam chu ka pan a, min rawn zui ve zel a, “Nu, vawiinah Thantea’n “i pa hi ka van hmu ve ngai lo; khaw nge a awm?” a tia, Nu, hmana ka zawh che khan, ‘A zin, kha i tia, a va’n lo haw har tawh em em’ a ti a, ka thin chu a phu zawih zawih ringawt.
“Bawiha, i pa chu alo la haw dawn hrih lo a lawm; nghak fan fan rawh” ka ti a, ka thinlung erawh chuan,“Thudik hrilh mai rawh, dawihzepnu” a ti mawlh mawlh thung. Mahse, ka ngam ngang si lo.
Zanah chuan, ka u hmeichhia leh a fanu Bawiha aia upa hlek hi an lo leng a, kan titi a, naupangte chu room-ah an inkhualtelem a.
“Rema chu be \ha rawh, ani anga mipa \ha leh rintlak i tawng tawh lovang, nang a kara nuthlawi leh nghal, a duh ve phawt che chuan lawm hle tur i ni zawk asin” a ti a.
“U, vawiinah Bawiha pa ka hmu a sin” ka lo ti daih a!
“Eng nge a sawi a?”
“Engmah, kan inchibai a, ka kalsan daih, Rema chu maw ka iai hran lo; mahse, ka hmangaih lo, ih e, tumah hi ka hmangaih theih tawh pawh ka ring lo” ka ti a.
“Theilo emaw i inti anih kha, kha mihring ang vek kha an nilo tih hi hre rawh”
Ni e, kha mihring ang vek kha chu anni lovang tih ka hria a ni. Mahse, ‘ni leh tase’ tih ringawt pawh hian min thunun hneh kher mai. Kum 5 liam ta-ah khan ka thinlung chu a kehsawm tawh a, tunah chuan ka mihringpui te hnena hlan tur thinlung pawh ka nei tawh lo, kehsawm leh tur chuang pawh a awm tawhlo a ni.

KA PASAL
Kum 1 leh thla 3 kan inngaihzawn lai khan amah vanga tawrhna hmachhawn ka nei ngai lo; kan hlim dun a, engkimah kan inlungrual \hin a, ka chhungte pawn an ngaina a, an ring a, kan inah pawh tlangnel takin a che tla ngam \hin. Kawnpui khua anni a, Aizawlah hnathawh tur zawngin a rawn awm a, Graduate lai chu ni ve mahse, hna a vang tawh a, tunlaiah chuan BA hna hmu lo chu thil pangngai a ni. Mi inzir peih taka ni a, IGNAU-ah MA a zir chhunzawm leh a, kan \henawmpa te school-ah thla khata cheng 8000 hlawhin a thawk ve a. Kan inngaihzawn dan hi a nuihzatthlak angreng a, ka phone ka ti bo a, ani hian a lo chhar a, min rawn pe vang vang mai a! khatianga tlangval tlawmngai leh rinawm kha ka la hre ngai lo a, ka lawm chu thuhran, ka hmuh tirh phat atangin ka ngaina nghal a ni.
Chuta \ang chuan kan inbe chho a, a putea te inah a awm a, vawi hnih lai chu min lenpui ve tawh nghe nghe. Kawm anuamin a \awng duh a, sawi tur a hre hle \hin. Kan inah pawh a rawn leng fo a, engtiklai khan nge ka lo duha ka thinlung chu ka lo hlan ka hre bik lo, zankhat chu a haw tur ka thlah a, “Puii, ka rilru hi hria ka la ti khawp mai; ka duh che” a ti ta. Diktak chuan a sawi har ka lo ti tawh lutuk zawk a. Mahse, ka ngawi reng a; min rawn kuah a, hnai takah min en a, ka lo nui tawp. Mahse, ka sawi kher ngai lovin ka rilru chu a manthiam vekin ka ring.
Mi \ha tak anih vangin ka chhungte a\ang paw’n dodalna kan tawk lem lo; zantin deuhthaw alo leng a, hna nghet a neih hun hunah inneih kan tum a, keichu Hindi class ka kal \hin a, “Hna ka neih phawt chuan, nang chuan hna neih ve hi \ul ka ti lo, in lamah fate enkawl leh inchhung enkawl kha i tihtur a ni” a ti \hin. Mahse, Hindi chu ka la zir chhunzawm tho a. An khuaah a haw a, kan inngai thei khawp mai, anu te min biaktir a, anu pawh a fel hmel khawp mai. Kum khat kan inngaihzawn champha kan lawm tum in inring lawk lo takin kan chesual ta hlauh mai a! ka virgin hawngtu a nih chu, chuta \ang chuan kan inkarah engemaw neuh neuh a awm ta fo mai! Inrinhlelhna in kan pahnih nunah bu a khuar \an a; kan inhau deuh ta fo mai a, kan inhauh apiang lahin in\hen ka rawt ziah \hin.
“Sex kan hman vang kha a nih hi, hetia innghirngho reng hi a hrehawm, innei vat ila a \ha ang” a ti \hin a; sex chu kan hman chhunzawm tawh chuang lo. Tichuan, zankhat a rawn leng chu ka pate pawh an la men laiin, “I thawmhnaw va pack la, min zui haw mai rawh” sms in a rawn ti tawp a! ka va melh kawk a, thutak deuhin min lo mitmei a. Diktak chuan ka rilru ala puitling vak lo bawk nen, khatia kan han inhau fo kha a hnua ka ngaihtuah hi chuan ka inchhir a, ani hian min \hen tak tak ang tih ka hlau hnuhnawh fo \hin. Mahse, in\hen ka sawi chang chuan, a ngawi reng anga, a chang leh thildangte min sawipui a tum daih \hin.
“In\hen hi i duh tak tak lo tih ka hria, min rinhlelh vangin i sawi ve mai mai \hin a nih kha, ka \hen dawn lo che, ka nei dawn che” ka thinrim reh hnuah hian a ti \hin. Tichuan, chumizan chuan ala len reng laiin ka thawmhnaw chu bag-ah a\hen a zar khungin ka va insiam ta thuai thuai a. Ka pate chuan ngaihngam takin min mutsan a, an muhil ta maw tih awm velah kan chhuak ta ringawt mai a ni. Lehkha them kan hnutchhiah ve ngei kha..
Kan inruk hian kum 26 chauh ala ni a, keilah kum 22 lek bawk! Amah hi unau zinga upa ber anih vang pawh a ni maithei, a puitling riau a! a \awngkam leh chetphung hrim hrim chu a patling thei khawp mai, kei erawh ka puitling lova, ka ni huat huat a, ka ngaih a sam a, ri phawng phawng \hin mi ka ni.
“I mizia hi nangmahah chuan ka duh ber, i rilru a thianghlim a; huat zawng i nei vak lo te hi ka ngainat chhan che a ni” min ti \hin. Mipa sang lam, hmel\ha vura sawi tur chu a ni lova, mahse, “A man tawp” an ti \hin. Ngaizawngtu a hmu thei riau a! sex kan hman hnu a\ang phei kha chuan ka thikthu a chhe thar a, fb-ah te hian a a/c ah ka lut anga, amah lo ngaizawngtu te chu ka block loh leh ka unfriend vek \hin. A nuih a za \hin a, mak ve tak chu min dawhthei em em a, min zahder thiam bawk. Keipawn ka hmangaih a, atan ka rinawm ve thlawt a ni.
A putea te ina kal ka ngam loh vangin a \hianpa, amaha inluah kan pan a, alo mu tawh a, a in chu a zim nasa mai si, puanthuah a nei bawk si lo; tihngaihna awm tawh hek lo le..kan pathum chuan, a khum zim te-ah chuan kan mu ta a. Min rawn kuah a, min rawn fawp a, mahse, a danga pakai ka remti lo; a \hianpa chu ka zah ve bawk si, ani pawn kan dinhmun hriain min tilui bik lo; inru ve e ti lo in kan inruk zan chuan sex kan hmang lo. Mahse, ka la naupang bawk a, ka thla hi a muang ve tawp! Ka hlim ru veng veng mai.
A tukah a putea te inah kan phei a, thil awmzia a sawi a, a putea nupui chuan, “In la naupan tehlul nen aw..Puii pawh a chhungte rilru a hrehawm ngawt ang, va hruai leh mai rawh” a ti a. Mahse, a tum bau lo; Ka nuten min lo call a, ka la hreh ngei mai. Ka lak chuan, min hau lova, mahse, khaw nge ka awm min zawt a, ka sawi ve mai a. Tuk\huan kan ei zawh hnu lawkah ka pa leh ka u mipa te an lo kal a, nuam lo ka ti kher mai. Mamawia putea chuan \ha takin alo dawngsawng a.
“Engpawhnise, an lo in la ve tawh si a, amah hi rawn haw phawt se, nakin lamah an awmdan turte pawh kan la ngaihtuah ho turah ngai ila” ka pa chuan a ti dap dap a.
“Aaa, ni e, an la puitlin loh vang a ni pakhat a, amaherawh chu, an lo induh a, hei chen an lo kal ve tawh avang in keini chuan rei rial lovin palai kan rawn tir dawn a, nangni lamah pawh remlohna a awm loh hram ka beisei” Mamawia putea chuan a ti a. Mamawia chuan room-ah min kai lut a, “Haw chu i duh ami? Kan innei thei lo ange aw” a ti a, a mangan hmel hle a.
“Ka hre bik nang, haw lo mahila nakinah haw tho tho a ngai dawn a, kan inneih dawn pawn” ka ti a.
Tichuan ka haw ta phawt a, ka haw a\anga kar khat na-ah palai hmel kan hmu ta a, kan inruk vang khan ka chhungte chuan min hau nasa a, Mamawia an duh loh vang nilovin khatiang tut tuta hmanhmawh tur khan min ring lo a, Dan thianghlima inneih kha min duhpui vang zawk a ni, mahse, engkim ka sawi ta vek a, Dan thianghlim kan tlin tawh loh thu te leh sex kan hman hnua kan inhauh zin zia ka sawi a, ka chhungte pawh chuan thudik ka sawi avang chuan min tih vak ngaihna an hre tawh bik lova, chhungkaw inpawh leh lungrual tak, \hian anga inkawm ho bawrh bawrh thei kan ni a, “Pasal ka neih chuan, kan inchhung angah hian ka lawi duh” ka ti thin reng a ni.
September-ah kan innei ta a, a hautak lo thei ang berin. Kawnpui lamah kan awm ta a. Ka chhungkaw tharte chu ka chungah an fel hmel hlein ka hria. Mamawia nau nula leh naupangber mipa, ka nu leh pa leh ka ni (Mamawia pa farnu, nuthlawi), chung zawng chu kan ni a, ka ni hi an pa nen an in\hen a, a fate chu an pa ten an awmpui a, a lung a leng thei hlein ka hria. Min ti tlangnel hmasa bertu a ni nghe nghe a; a \awng duhin nuih te a heh a, a bula awm a nuam ka ti hle, hmeichhiate hi kan lo huaisenin kan lo chhel khawpin ka hria, kan la hriat ngai miah loh te inchhungah kan va cheng ve tawp chu a nia! Mahni inchhunga lal tak leh nuamsa taka awm ve theite pawh pasalte avangin mi hrang kan han hrawn ta \hin chu a nia; mipa te hian min zah der ve tur chu anni chiang a lawm.
Ka pasal chu ka chungah a \ha em em a, min duat a,min tihlawm a thiam takzet a ni. An chhungkaw khawsak a sang lutuk bik lova, ka pa chuan huan a nei a, ka nu chuan kan inbul maiah eichawp dawr a nghak ve \hin, Mamawia farnu chu Hotel-ah a thawk a, a naupangber erawh Aizawlah college a kal a, weekend-ah alo haw \hin. Ka ni leh ka pa chu an feh \hin a, Mamawia pawh a hna a zawm tawh loh hnuah a feh ve zeuh zeuh, kei erawh ka pa in feh a phal ngai lo.

SIPAI
Kan inneih atanga thla 3–na velah sipaiah kan pa chu a intlar ve a, vaneihthlak takin a tling ve hlauh mai a! Assam Regiment a ni a, lehlamah chuan ka lungngai lawk angreng, min kalsan daih anga, ka khawhar dan tur leh hrehawm ka tih dan tur ka hmu lawk vek. Mahse, ka nu ten kal ngei se an duh si a, a kal dawn zanah chuan, ani pawh a lungleng ve deuhin ka hria, kan han mu chu mutthilh a har viau!
“Zep loh chuan ka peih lo lawk e, ka ngai dawn che sia” a ti sar sar a.
“Ni reng e, ngah nge i tih ve kher?” ka lo ti hlur a. Ka dul a rawn chul a, “Tah hian naute awm tawh se ka ti; i khawhar alo hnem thei anga” a ti a. Chu chu ka duhthusam a ni.
“Sipai nupuite hi an uire duh riau anti a! Mahse, nang chu ka ringtawk che” a ti leh a, a vei zawng chu ka hre nghal mai. Ka nui deuh a, “Sipai nupui an nih vanga uire kher an ni bik dawn mi? sipai lo pawh nei se, reilote inhmuh loh lek chhungin an uire tho vang, chutiang hmeichia chu ka nilo tih i hriat kha” ka ti a. Ka sam a zut heuh heuh a, “Nia, ka ring che a lawm, mahse, ka awm loh chuan ila naupang ve sia; hrehawm i tih ka ring, i duh leh I nute bulah te i han awm zeuh zeuh dawn nia” ati a, ka chhungril hi a lawmru veng veng mai, chutiang taka min ngaihtuahtu pasal ka nei chu vannei ka inti khawp mai. Mahse, alang apau chuan, “Hrehawm mahse, hei hi ka in a ni tawh lawm, i chhungte hi ka chhungte anni tawh a, i ai ka lo awh a ngai a ni” ka ti ve a.
Min rawn fawp a, duhthawh zetin ka lo chhanglet ve nghal a, chumizan chuan kan inneih a\anga vawikhat nan thawm bengchheng tak kan siam ve ngei a ni! ka nuten an hriat loh hram ka beisei.
A chang chuan kan inbe lo vang vang a, a chhan chu ama lamah harsatna a neih \hin vang a ni. Kan inbiak tawh chuan phone kan dah phal tawh lo \hin a, kan titi a, kan nuidun a, kan vawiin chanchin inhrilhtawnin, a chang leh min ringhlel der anga, kei ka lo titau anga..chutiang reng reng chuan hun kan hmang \hin. A kal tirh khan ka lunglen em vangin ka pain ka chhungte bula zin hrih turin min ti a, ka lawm ru kher mai. Kar 3 dawn ka han awm a, lunglen pawh a ziaawm ta deuh; mahse, ka paten, “Zuk chhuk tawh rawh, i cham rei thawkhat tawh alawm, i pate pawh an \ul lai a nia, puih te pawh an ngai ang” anti a, ka phur lem lo khawp mai. Ka nu\a in min zuk thlah a, tichuan ka khawvel chu alo danglam \an ta.
Ka nu (Kan pa nu) hi mi khak fek fek ching a ni a, ka pa erawh ka pa tak tak nen ka ngainat dan a danglam vak lo, a \awng tam lem lova, mahse, min ngaihtuah em em a, ka nu in min hauh chang paw’n ka thlavang a hauh vat \hin. Kohhranah rawngbawltu a ni a, ka nu pawh SS–ah junior Department zirtirtu a ni, khawtlangah pawh MHIP treasurer ni lai a ni. Ka ni erawh a inhmang vak lova, khawm pawh a inkhawm khat viau! Mamawia kal hnu hian ka nu chuan min hmu mawh riau ni hian ka hria a; keichuan huat nachhan tur ka hre lo, diktak chuan khawpuia seilian, ram hna thawk ngai lo ka ni a, ram lama hnathawh chu ka chak lo em em, mahse, ka inthlahrun a vangin ka pa leh ka ni chu ka zui ve \hin. Ka pa leh ka ni chuan an phallo \hin lutuk, mahse, ka nu in engmah a sawi ve ngai loh vangin ka zui lui fo..
Ram atanga hawn lahin eirawng bawla phet leh char char a ngai \hin a, hahthlak thei ve tak chu a ni. Ka chhungkua an nih tawh vangin ka tihtur reng a ni tiin ka infuih ve nasa \hin. Zankhat chu zanriah kan ei laiin, ka nu chuan, “Puii hi hotelah sawn thawk ve se a \ha ang, ram hnathawh a zeihawi vak si lo a, mami hian an hotela thawk pakhat a ban thu a sawi a” a ti a. Ka ngawi reng a, “Nia, thawk ve rawh se, kan hnathawh hahthlak zia te pawh hi hre ve se a \ha ang” Mami chuan a ti hlawng hlawng a, a \awng chuan mei a nei tih ka hria.
“Hotela thawh te chu a hahthlak tho naa in awl laite chuan nuam intih thin em kha” ka ni chuan alo ti vat a.
“Ka thawk hreh hleinem, Mami chuan an Manager lo bia sela, ka thawk ve anga ni mai lawm, nia, ka nu sawi ang khan ram hna chu ka thawk zei lo lutuk a” ka ti a.
“Tunlai thangthar inti khawpui mi ho hi chuan ram hnathawh thiam loh te hi uanah an la a, changkang sawtin an inhria mawni le” ka nu bawk chu! A \awngkam hman dan chuan ka thin a khei ve hle, mahse, a hma pawhin mei nei deuh deuha \awng a chin vangin menah ka thlak mai zel a, tun tum pawh hi ka ngai thutak duh lo lui tlat a. Inti khawpui mi ka ni lova, khawpuia cheng leh seilian ka nih miau avangin han intih khawpui mi vak dan pawh ka hre lo; chutih rualin a sawi \henkhat kha chu a dikna chen pawh a awm ve mahna. Nula \henkhat inti no lutuk te chuan ram hnathawh thiam loh chu changkanna emaw an ti fo ve \hin reng a! mahse, ram hnathawh ngai miau loh chuan thiam taka thawh bawrh bawrh kha a awlsam biklo tih ka nu hian a hre lo a niang e.
Ka pa chuan ka nu melh rawlh pahin, “Awww.. engemaw Puii chu in han phut viau le aww, a thawh theih tawk chu a thawk ve bawk a lawm” a ti nghat a. Mahse, engmah an sawi zawm tawh lo. Kan pa nen kan inbiak chuan ka hrilh ve a, ka rinloh deuhin, “Thawk tak rawh, i khua te pawh a har lo deuh ang chu” ati ta daih a! ka sawi zawm ngam tawh lo. Ni hnih hnuah Hotel–ah chuan ka hna thar chu ka thawk ve ta a. Thleng ka sil \hin a, eitur siam lam chu ka la ti lem lo; buai lai chuan buai thei map map tak kan nia, motor an rawn tlan khat deuh chuan kan awl leh veng veng zel a, hnathawkte an fel a, kan inkawm thei ta phian a, ka khawhar pawh a ziaawm ta deuh.
“Lal pi, he nula hi ka va hmu khat ve; ava chhelo reuh ve a” Driver phawkphawhraw deuh te hi chu tiang hi anni chawk zel a! ka lo nui mai a.
“Nula a ni tawh lo, kan nau nupui a nih kha” Kan hotel neitunu chuan alo ti a. Lal-pii hian min duhsak a, a nuam ka tih phah hle.
“Va uiawm reuh ee, Bawihi, tu nge i hming?” ati leh a, ka lo sawi ve mai a, he pa hi heta rawn chawl \hang tak a ni a, Truck bangsang a khalh \hin a, la naupan hmel tak, hmel\ha reuh zet hi a ni a, hotela thawk nula te chuan an star tih ka hria, ka nau Mami ngei pawh alo lan tawh chuan a danglam \hin a, a phi chung zel \hin a nih khaa.. chutia kan inbiak lai pawh chuan min lo thlir reng a, a mitmenga thikna chu ka hmuh hmaih bik lo. Ka kalsawn ta daih a. Hotel a\ang hian tlai dar 5 dawnah te kan haw \hin a, ka nu hian eirawng lo la bawl loh chang a nei \hin, chutak chu a ni hrehawm ka tih a ka chauh phah em em \hin. Ka pa pawh chaw ei hman lova a inkhawm a awm fo \hin.
Zanriah kan ei laiin, “U puii chu mipa in an ngam thei che ee” Mami chuan a rawn ti ta phut a!
“Ngati maw?” ka lo ti vat a.
“Midang an biak loh pawn Driver ho hian an be duh bik che ee” mei nei deuh a a tih lai chuan, “a ho mai mai e, hmel\ha anti a niang chu mawle,saw hotela thawkte chu in chhe ve hlawm em alawm; mithar alo ni bawk nen, hotela thawk tur chuan mi biangbiak thiam te hi a ngai ve lawm” ka ni chuan alo ti sawk sawk a, ka lawm \hin e.
“Pasal nei tawh i ni tih hre reng rawh, mipate hi chuan mitmei hmu lovin min pawng ngam ngawt ngailo a nia” ka nu chuan alo ti hlak a, an \awng duh dan chu ka ngei hle.
“Driver ho chu min an besawm peih thei em a, lo biak \hat loh kha a mawlthlak bawk sia, mahse, pasal ka nei tawh tih ka hrilh vat zel, lo lungngai lutuk suh u” ka ti ve ta ngat a! ka thinrim ve tawh chuan tu hmai eng mah ka zah ngai lo; mahse, thinrim lo turin ka insum thei em em thung, ka duh phawt chuan.
Thla tharah Mamawia alo haw dawn tih ka hriat chuan ka hlim kher mai, mahse, ka cher viau mai! Ka thawkrim ve em bawk a ni, ka pasal tan chuan nalh taka lo awm ka duh hle. Ka nu leh ka nau chuan min do char char ni mai hian ka hria a, Sunday tuk khat phei chu, ka kawr hak chu “A hur herh kawr tawp” min tih sak a, chutiang kawr design chu an uar hle in ka hre sia; ka rilru pawh a na tel ve ta deuh. SS banah ina haw nghal lovin ka pazawnte inah ka lut kawi ve a, ka nuzawn chuan chhangban alo chhum a, kan ei a, ka len khat em avangin min lo hau fiam a, an felin an zau em em a, an fate nen pawh kan inrual khat a, kan inkawm thei viau; ka leng khat em bawk lah taka, kan buai vang a ni pakhat, lenna hun hi ka nei hlawl lo a ni; zanah chiah ka awl ve a, zana len duk duk lah ka duh bik si lo. Tlaiah chaw ei turin min sawm nghal a, ihe lovin ka lo remti ve tawp a.
“I nu saw a khirh phian lo maw? “ An fanu keimah ang rual vel chuan ati a, ka nui ringawt, pasala chhungte rel hi ka duh ngai lo; ka nu leh pate min zilhhauna tam ber pawh a ni reng a, mahse, zinga ka kawr hak an sawisel dan chu ka sawi ve a, mak an tih hmel khawp mai, thil dang phei kha chu sawi vek phei ila chuan min khawngaih ngawt ang.
“Ka nu, vawiin tlai chu ka pa Tluanga te inah chaw ka ei dawn a, min sawm nasa ve sia” ka ti a.
“Min rawn hmasa lovin ilo remti ve ngawt a ni maw? saw mite chhungkua saw mi rel hrat an nih saw, keipawh hi min rel nasa ngawt ang” ati ta daih a!
“Va ei rawh, a tlawh pawh i tlawh khat lutuk reng reng” ka pa chuan alo ti thung a.
“Tlawh vak an ngai lo, min rel anga, chu zawng chu a ni mai” alo ti leh hlawih hlawih a, a rilru hi a mak ka ti.
“Ka nu, ka rel ngai lo che u, anni pawn an rel che u ka hre ngai lo” ka ti a, room-ah ka luhsan ta daih a. Amah ang tura min ngai chu ka thinrim ru \euh a, amah zawk hian min rel chamchi a, kan \henawmnu phei chuan, “Inpa hian i nu hi a hlau sia, in inneih hlen pawh ka ring lo” min ti hial tawh a ni. Min relna te chu min hrilh lehzel \hin si a, “Kan mo ve hi chu aww.. engmah thiam a nei silo, thatchhe bawk si, in chhung te hi mami tihfel vek a nih hi; a tho tlai thei si, a inti no em em ringawt a, hotela a thawhna hlawh te hi pakhatmah kan hmu ngai reng reng hleinem” tiin dawt ngial ngan lutukin min rel thei a nih chu!! A tir phei chuan ka awih lo hial zawk; min hrilhtu te pawh hian ka nu thusawi chu an rinloh em vangin min hrilh \hin, ka hah ve zia leh ka mo atanga kan inchhung fai theih zia chu \henawm khawvengte hian an hai bik lova, ka lawi tirh kha chuan nula awmna in ve si a \awp lutuk kha ka awih lo hial zawk. Mahse, inchhung tihfel chu ka thiam ve zawng tak a ni bawk a, phur takin ka tifai a, parda thar ka nute ka chah a, ka zar \ha a, bungraw bal uk khak lutuk te chu ka nawtfai hlarh a, ka chinglet nasa khawp mai.
“Kan in chu a thar ava ang ve mawle” ka pa paw’n a ti ve hial a nih kha. Kohhrana inhmang leh khawtlangah pawh nihna pawimawh tak chelh si ka nu chu mak ka ti \hin hle, Mamawia awm lai kha chuan min be \ha huam a, nelawm tak a ni \hin.
“Ka pasal chhungte kha ka chungah an sual thei lutuk a, mo ka neih ve pawn keichuan ka hrehawmna tawrh ang kha tawrhtir ve ka duh miah lo” ka ni thung chuan ati \hin, ani hi chu a fel tawp hi a ni mai, mahse, a thu lo ve em a, engmah hi a sawi vak ngam lo zawk a, Mami hi a lal em em a, nula dulkiar deuh, hang lam, sam sei zet a ni a, a hmel chu chhe fahran a ni lo a, make up a hman loh erawh chuan phungpuinu a nih duh hmel thei tawp! Ka make up te hi min \awm vek \hin a, thawkkhat lai phei kha chuan, ka wardrop hi a duh duhin a hawng a, ka kawr te hi a ha chhuak hmiah hmiah zel a, mahse, ka nau a nia tiin engmah ka sawi ngai lo, lerh ve tak a ni a, \awngkam pawh a thiam khawp mai.

KA NGAI CHE..
Mamawia chu Aizawlah ka han hmuak a, hringtu nu te meuh bulah chuan pangchan alo awl ve bawk nen, ka nute min tih dan chu ka hrilh vek a, min lainat hmel hle na a engmah a sawi zawm duh lo. Ka u hmeichhia erawh chuan min rel pui hrep a, kan han nui leh rih a. Kan pa nen kan inah zankhat kan riak a, a tukah kan chhuk leh a, kan inngai tawh bawk a, kan insi reng hi a ni mai e, ka chhungte pawn min fiam duh khawp mai.
“Lo nghahhlelh ve tawh tehreng che nen, han riah leh vel kha a ngai em maw ni le” ka nu chuan alo ti nghal bawrh bawrh a! kan ngawi reng a. Zanriah kan ei lai chuan, “U pui, Lawma nen khan inla in be ngai em? A number ka delete palh a, ka va’n duh” mami chuan a ti a.
“Tu Lawma maw?” ka lo ti hu a!
“Aww, Driver kha, ngaizawngtu che kha” ati a! ka so bulh bulh hian ka hria, ka pasal awmlaia chutianga dawt hmanga min han bei chu na ka ti ve khawp mai. Kan pa chuan maktih hmel deuhin min rawn melh a, hrilhhai hmel takin ka lo melh let thung.
“Kan in be ngailo, a number pawh ka nei lo, chuan min ngaizawng lo bawk, nangmah nen in inngaizawng emaw ka tia” ka aw chu a chang mah mah pawh a ni maithei, pawi ka ti bik lo.
“In nu hi a luck riau a nia aw, Driver ho in an chhaih nui uar uar zel an tih chu” ka nu chuan a rawn ti ve leh a. Ka thinrim takzet tawh, mak ka ti bawk, Mamawia pawh chu nuamlo tih hmel deuhin a awm a, chaw chu ka lem thei tawh lo, ka tho a, thleng ka dah tau sawk a, “Ka nu, tu sawi nge? Ka chhuah chhal dawn” ka ti leh ngat a.
“Mi zawng zawngin an sawi a lawm, pasal nei lai nisi, ava za reuh ve te an tia, hnar a lian \hin khawp mai”
“Thani, a tawk, ka awih miah lo; an pa alo haw a, hetianga han intih hi nuam i ti bik ang em? Khatiang dawt chiang lutuk kha sawi tawh suh” ka pa a ni.
“Mamawi, in nu hi maw Driver ho in hmel\ha anti thei lutuk a, an fiam ve \hin alawm, mahse, pasal nei lai ka nia a ti vat zel a, Driver ho chuan an ngaihsan thu an sawi an sawi zawk a sin, i nau Mami hian Lawma kha a ngaizawng a, mahse, Lawma khan innu hi hmel\ha ati lutuk a, a ngaizawng chuang lo, chu chu Mami hian a thik a, an sawichhe ta ngawt a nih kha” ka ni pawh a thin a thawk ve ta aniang e.
Boruak nuamlo tak kalsan nan tiin mut hma ka rawt a, kan pa chu enghelh nei tih hriat zet hian a ngawi ngal a.
“I nute thusawi khan a tibuai che em ni?” ka ti a. A kut chu ka la a, ka pawm a.
“Awih leh awih loh tur pawh ka hre chuang lo; ka ring che ka tih kha, mahse, Hotelah chuan thawk tawh lo la a \ha ang” a ti a.
“Chu chu ka duhthusam a ni zawk, ka ning lutuk zawk asin, ka pa leh ka nite nena huana feh kha nuam ka ti daih zawk” ka ti sam et a.
“Ka bula i awm reng chung pawh hian ka ngai che, duat” a ti sap a, a lungawi leh hmel tawh khawp mai.
Kan nupa hian kan inpawh a, kan inkarah chuan zahna tih vel hi a awm lem lo; lehkhabu te ka chhiar ve nasa a, pasalte tihlawm dan tur te hi ka apply hreh ngai lova; sex-ah ngat phei chuan zah hi ka duh lo; ka pasal a nia, zah kual vel kha \ul ka ti vak lo, chuvang a ni ve pakhat ang, kan pa hian min thlakhlelh em em, sex hi inneihna tinghettu ber chu a ni lo na a, hmangaihna lanchhuahtir nan chuan a pawimawh a, a duhawm a, a hmantlak bawk a ni. Chu chu ka hre ve tlat!
Sipai tih takah nupa nun kan hmang pawh chu a fit lutuk nge, min zawh san daih a! mahse, ani pawh hi a fing ve a, “i la zo ve si lova, start leh mai ang” a rawn ti sur sur a, inchawhthawh tawn hi chuan engkim hi a dik vel vek zel mai a ni.
Thla khat erh awrh chauh chawlh a neih vangin kan hun neihchhun chu am takin kan hmang a, Hotela thawh a phal tawh loh vangin huanah kan feh \hin. Mahse, ka hmangaihber bulah chuan hah ka hre ngai lova, ka bula alo nuih ver ver tawh chuan engkim a nuam a ni mai, min duattu neih hi a nuam ve em bawk a ni.
“Tun \um chu naute siam tawh ang aw”
“A theih ringawt dawn ami? |awng\ai hmasa ila”
“Awle, hawh \awng\ai ang” ka chungah a bawk reng tawh chu a tho a, kan han \awng\ai leh rih! Ka rai theih nan. Kan \awng\ai zo a, min rawn kuah nghal a; “Mipa nge i duh hmeichhia?” a ti a.
“Engpawh, dam\ha leh fuke kim an nih phawt chuan”
“Keipawh, hehe” a bak chu ngawi rengin kan sawidun a, boruakah kan thlawk dun \hin.

FAPA
“Nu, i hmel\ha ber” tih pahin min rawn pawm chuk chuk a, a awh ber cycle ka leisak avang chuan a thiam ang tawkin lawmthu min hrilh ve a ni, ka fapa hlim hmel chu hmuh nuam ka ti kher mai; a lu chu a kawlh deuh mal a, a mitmengah chuan min chhun, a bak chu a pa siar apa siar a ni mai; a vun erawh a ngo lam a pawl zawk a, ka neihchhun a nih tawh vangin ka duat a, ka hau phal ngai lo. Fa enkawl hi alo har a nih hi..tih lungawi tum reng rengin nun kan hmang a, a tihsual rengah pawh hau phal lo in ka ngawihsan fo! A mittui tla ka hmu thei lova, a \hianten an hauh chang paw’n ka chhan \hin, ka pain min hau nghe nghe, fate chhan ching nu chuan a fa chu mi \ha takah a chhuah ngai lo tiin. Mahse, a han \ap a, lungchhe takin. Chu chuan ka thinlung a dek a, amah tinatu te tihnat ve duhna in ka khat a, pawisak ka nei tawhlo thin.
Mahse, ka fapa hi a sual lo, fing ker chi a ni lo a, a phuang mai, chhawnchhaih nuam deuh a ni a, a thinrim changte hian a pute inlamah a tlan anga, mut dawnah min lo bia anga, “Ka ngai lo che, nangmah in riak rawh” a rawn ti anga, min ngai tih ka hriat vangin ka va lam leh nge nge \hin. Apa chungchangah zawhna a nei fo a, mahse, chhanna dik pe ngam lovin ka la pehhel lui tang tang \hin. A muhil laite hi ka thlir ngawih ngawih thin, ka va duatin ka va hmangaih tak em. Ka pa te in atanga hla lo teah kan inhmunah tho in ka sa ve a, ka pawisa khawl hmangin kan nufa chen theihna khawp chu ka khawr pum ve thei hram a; ka pate remti lo chung ka indang a, a chhan chu ka unau ten nupui an nei ve a, ka u hmeichhia lah a pasal in boralsan a, alo let leh bawk si, kan chhangchhe lutuk deuhin ka hria a, nitin school ka kal a, Hindi teacher ka ni a, lehkha zirtir chu nuam ka ti a, ka nun pawh a hlim ve khawp mai.
Ka fapa pawh Kan veng English medium–ah nursery atangin ka \antir ve a, lehkha lam hi a tihmi tak a ni dawnin ka hria a, ka lawm hle. Tlaiah a putea’n emaw a nupuii (ka u) emaw ten an va hruai a, ka nute inah a lo awm \hin, ka school ban rualin ka lam nghal a, a chang chuan apite hian an ngai a, a riak fo, keimaha ka riah chang chuan ka ngai lutuk hi ka muhil thei lo ve ziah zel. Ani pawn min ngai a, min hmuh loh hlek chuan min lam chul \hin.
“Puii, khawivengah nge pasal chu i neih a?” min hmuh tumin min lo chang a ni ngei ang. Vawiin chu a lo inmet fai vang tawh a, a hmel pawh hmuh anuam ta deuh.
“Kan vengah” ka ti mawl tawp a.
“Min biak hi nuam i tilo tih ka hria a lawm, mahse, ka be duh tlat si che a ni “
“Ti nge min biak duh a?”
“Ngaihdam dil che hi ka ba a ni”
‘A tlai tawh’ ka rilru chuan a lo ti a. Mahse, “A ho lutuk, ka theihnghilh vek tawh, kan nunhlui kha chu ka nawtreh tawh a lawm” ka ti a, ka la nawhreh loh zia erawh ka thinlung kehsawm themte chuan min hrilh luai luai ni hian ka hria a.
“Puii” a aw thawp sat chu hmanah khan ngaihthlak ka ning ngai lo a, a mawi kha ka ti \hin a sin.
“Ka kal ange, nangpawn engkim kha theihnghilh rawh”
Ka fapa tuitaka a muhil lai chu mittui tling \euh chungin ka thlir a, “Bawihte, i pa chuan hmu che sela a duat ngawt ang che” ka ti chhuak hlawl a. Ti nge khapa kha ka huat theih loh a? pangngai taka ka la dawnsawn theih le..tlawm hi ka inti a ni. Thinrim taka ankhum phiar phiarte kha ka lo suagtuah ve thin si a, mahse, a taka ka han hmachahwn takah chuan ka nem suai suai a, tihnat kha ka hlau leh si..hmangaihna hi chu aww..
“Anu, Peka silai ang kha min lei ve rawh, hawh helamah hian an zuar” tiin min kai dawr dawr a; silai lem an zawrh lai chu kan enkual a, a duhzawng chu a kawk kual zut zut a, ka fapa neihchhun tan chuan a\ha ber ka duh \hin, a man chu to engang mah se. A man pek ka tum lai chuan, “Kha ka pu, ka lo peksak ange” tiin a kutah pawisa a sik va a, silai lem zuartupa chu ava pe a. Hrilhhai takin ka va en ringawt a, min lo nuih a, “Rema, angai lo, iti zahthlak e mai” tih pahin ka purse a\ang chuan pawisa lakchhuah ka tum a,” Ka leisak ve duh alawm” a ti a, Bawihtea chu a kai a, min kalsan ta daih a, ka um a, Restauranat-ah kan inzui lut a.
“I ti ho ee, a zahthlak lutuk, a man a tam bawk si, ka pe leh ang che” ka ti a, ka ti tak tak, alaka bat nei anga lan ka duh lo.
“Puii, i ngaithiamlo a nih khaa, a ho lutuk, thil engmah ka la leisak lova, leisak ve ka duh mai chauh a ni, i ngaithiam lo lui tlat dawn anih chuan nuam lo ka ti viau ang” a tih takah chuan, ka sawizui duh ta bik lova. Bawihtea hian a nel em em a, alo len chang lahin an inbuan thul! Vawikhat phei chu, “Anu, apa hi alo haw har sia, apa Rema hi apa ni tawh maise ka ti” a ti reuh a! chhan ngaihna pawh ka hre bik lo.
Fa ka nei tih hrereng chung paw’n min ngaihzawn hi a \hulh ngailo a, School-ah kan thawk ho bawk nen, pumpelh a har \hin. Ka chhungte pawn min duhpui hlawm hle, ruihtheihthil ati lo a, KTP-ah a inhmang em em a, kan veng \henawm lawkah an awm a, an veng te pawn an fakin an chhuang ve hle, sang \ha tawk tak, ria deuh lam, tarmit vuah a ni a, a ngo a, a fresh hle, a hmelchhe lo, a rilru pawh a \ha, an chhungkua lah an awmthei a, a nu leh pate pawn min be \ha thei khawp mai, kei a kar nuthlawi fa pawm tawh lehnghal hetiang taka min duh hi inchhuanna tham te pawh a tling ve reng, mahse, ka thinlung hi mipakhat tan ka lo hlan tawh si a! chu ka thinlung chu Rema hian thinlung thar hmangin a thlak leh thei angem, ka hre lo.
Kan nufa chuan min thlah haw a, kan kawt zawnah a ding a, Bawihtea chu a chhuk nghal a, “Lo leng lut ve rih la” ka ti satliah a, “A tlai tawh e mai, zanah ka rawn leng zawk ang” a ti a.
Ka chhuk chiah chu kan in kawta Mamawia leh Bawihtea lo inbe mek chu ka va hmu ta a! ka hamhaih vek, rang lutukin ka tlan phei a, Bawihtea chu ka va pawm lawp a, rum elkhenin Mamawia chu ka va melh a, Rema chu ka au tuarh tuarh a, a ngaih\halo chu a rawn chhuk ve mai a.
“Puii, tihnat ka tum hleinem, i fapa chu chibai ve ka duh mai a lawm” a ti sap a.
“Ti nge a? Puii”, Rema chuan a rawn ti a, a hmelhriat ngailoh mikhual chu a melh pah a.
“Rem, hei hi Mamawia a nia, ih, kan pa hlui chu a nia, Mamawi, Hei hi ka pasal chu a nia, Rema a nih hi” ka aw khur thup chung chuan ka ti zung zung a, an pahnih hrilhhai hmel chu nidang chu nise ka nuih leh khiah khiah tawh ang, mahse, tunah erawh ka nuih a za lo tlat!
An inchibai laia Mamawia hmel landan chuan ka chhungril hi a khawih tel a ni. Thuk takin a hliam ani tih hi ka va hmu thei, inthunun a tum hle tih pawh. Mahse, a mit chuan hnuai lam a bih tlat a, “Chhungkaw \ha tak in din dawn nia, in inhmeh hle mai” a rawn tih rual chuan min rawn en a, tilui tih hriat zetin a nui bawk a, ka dawt sawi avang chuan ka inchhir hial a ni.
“Puii, ti nge khatianaga dawt i sawi kher a?”
“Kawng dang ka nei lo a lawm, min hrethiam rawh aw”
“Ka lawm zawk a lawm”
Zanriah kan ei lai chuan, “Nu, mikhualpa kha i pasal hlui maw?” ka thiltih pawizia ka hrechhuak chiah, kan bulah ka fapa alo ding ve reng tih ka lo hrechang tawhlo a ni.
“Bawihte, sawi tur hi a va tam em..” ka ti ta ngawt a. Makti zetin min melh kiau a!

SMS DENGKHAWNG..
Ka pasalin a hna lama min kalsan leh tak avang chuan kan inchhung chu a reh in hrehawm leh \an tawh a, kan pa awmlai kha chuan, ka nu pawhin \hat a chhuah a, mami lah a sual vak ngam lo bawk, mahse, ka awmloh hlan hian kan pa chu eng thu nge an fah thin ka hre lo na a, ka chunga lungawiloh thut thut a ching hle, ka nghahhlelh ang hu in kan pa lo haw chu ka hmang nuam lutuk lo, mahse, hman loh ai chuan a nuam tho mai.
Tun \um a kal leh chu a hma angin kan in be tam lo a, keimah zawk hian ka be reng zawk a, fb lamah alo che na ve hle tih ka hmuh chuan ka thinrim khawp mai a; ka chhuahchhal nghe nghe a, nui huau huau chungin engmah a nih loh thu a sawi a. Hmeichhe dang kawp lamah phei chuan ka ringhlel phal lo.
Zankhat chu ka pum a nuam lo deuh a, ka pate thlai lo hawn pawh ka siamfel pui thei lo a, ka mu a.
“Kan lalnu chu a mu leh ringawt a ni maw?” ka nu chuan a ti a, ka hre phak reng a, kan \henawmpa lo len lai a nih vangin ka ngei khawp mai, a \awngkam chhe deuh deuh ho hi chu ngaiah ka nei deuh tawh a, chhan pawh ka chhang ngai tawh lo, mahse, mi awmlaia min han tiel kher \hin hi chu tawrh a har ve \hin.
“Hlawih hlawih \hin che hian, a pum a nuam lo a, a mu anih kha” ka pa chuan a lo ti a.
Kan room-ah mami alo lut a, “U pui, i phone ka lo hmang” a ti a, ka chhan hma hmain ala a, a chhuak nghal daih a, top up hi ka chhungten min rawn thunsak reng \hin a, ka nghei ngai lo. Reivaklo hnuah a rawn dah veleh mai a, kan pa ka zuk text a, min reply thei lo. Ka call tlang thei bawk si lo a. Ka nachhawkna ei in min chhawk a, ka muhil zui ve nghal a. Ka harh chuan ka phone kan en a, sms pathum alo awm a, kan hawng chu, number ka hriat ngai loh atang hian, “Mamawia nen hian inneih kan tum a! mualpho taka i chhuah hma hian \hen mai rawh, inpa hian thih huamin min hmangaih” tih te, “Kan inbe zo chiah, ka khawngaih zawk, min duh lutuk hi” “Inpa chu i duh leh i hrilh dawn nia’ tih te hi a lo ni a!!
Ka khur zawih zawih a, awmngaihna tak pawh ka hre lo; ka hrilhhai takzet a ni, ka awih loh viau dawn chuan a rawn confi nasa si a! ka thinlung nat zia chu sawiin a siak lo a ni ber e. Kan pa chu ka call nghal a, a pick up thei silo, ka tho a, eirawng ka bawl a, ka zawi ngawih ngawih mai, ka tha te a khur zova, din pawh ka ding ngil thei lo. A bialnu inti chu call ka tum a, a phone a off tlat bawk si..
“Mamawi, ka thu hriat hi a dik em? A va mak ve” ka ti thei tawk, ka hnuk a ulh a, ka mittui chu dan rual lohin a rawn luang zung zung a.
“Eng chu maw?” awki ngaihnobei vak lo hian a rawn ti a.
“Ngaihzawng i nei tih hi”
“chutiang engmah a awm lo”
“I bialnuin sms min rawn thawn a ni”
“Tumah bialnu ka nei lo, an rawn fiam che aniang, ka \hianten”
“Min namnul tum suh aw, a rawn confi danah khan i bialnu a ni tih a lang reng”
“Nakinah kan inbe dawn nia, ka buai hrih” a ti hmuk a, a dah ta daih a! ka phone chu ka vawm darh lo chauh a ni. Ka nu leh Mami chu an inmelh hrek hrek a, roomah ka va \ap ta ringawt a.
Kan pa chu ka va call leh a, waiting…!! Tu nge a biak ang le..ka call leh ngat ngat a, ala waiting ngat ngat, a bialnu inti kha ka call leh ngat a, a lo busy ve chiah! A chiang e.. Mamawia chuan min rawn call ngei ka ring a, mahse, nilengin ka phone chu a ngawi ta veng veng a! puahdarh vek hi ka va chak tak em…
Zanah chuan, ka theihnghilh tawh ngai loh tur leh ka damchhung ka thinlung tina leh \hin tur sms ka dawng a, Ka pasal hnen a \angin, “ Puii, i uire tih hi dawt nise ka ti ngawih ngawih, mahse, min hrilhtu hi a daw lovang tih ka ring, chuvang chuan ka rawn haw hmain, i bungrua te kha lo la fel la, nang leh kei chu mi hrang kan ni tawh tih i lo hre dawn nia; tih mualpho che ka duh lova, tihian in\ha \hen tawp mai ang, min lo be tawh suh ang che, chuan bialnu ka nei a ni, rawn betu che kha ka bialnu chu a ni e” ka phone chu ka thlauh tawp a! inawhhlum mai hi ka rilruk hman hial a ni. Ka buai nuaih nuaih a, eng nge ka tih ang ka hre lo.
“Khawngaih takin ka thusawi hi ngaithla rawh, ka uire lo a sin” ka ti lawm lawm a, ka \ap bawk a, thil thleng chu a rang lutuk a, ka hamhaih takzet a ni. Ka pate anlo tlan lut a, Thil awmzia chu ka sawi a, Mamawia chu min biaksak turin ka ngen ngawih ngawih a, ka ni chuan a call a, mahse, a pick up duh silo. Ka pa chuan min pawm a, ka \ah khum ta zawih zawih ringawt a! mak hi ka ti lutuk em a ni, a chhuk atangin thla hnih ala tling lo deuh a, khami chhung lek khan ngaihzawng alo nei hman a maw? nge a hma khan a lo nei tawh zawk? Bum ka lo ni reng tawh tihna em ni? uire tih chungchang kha chu thiamchan nan a chhuanlam a ni tih ka ring thlap.
Ka khua a sik vut vut a, ka pum lah a na ngut ngut reng bawk a, ka luak reng bawk nen, chumizan chuan ka tlaivar chiang hle. Ka pate pawn tihngaihna an hre bik lo hle, Mamawia lah biak theih a ni silo. A bialnu kha ka call a, a lo la mial a! “Khawngaih takin Mamawia khan ka call la turin min lo hrilh sak hram ta che, reilote biak ka duh a ni, ka chhuak dawn, mahse, vawikhat chauh biak ka duh a ni” ka ti ngawih ngawih a! chutiang khawp mihring tlawm chu i hre ngai bik lovang tiraw?
“Ka bulah a awm hleinem, mahse, ka lo hrilh ang” a ti a, a dah ta hmak a, a aw chu nula puitling ve thawkhat aw a ang.
“Tu in nge uire min ti? Chu tal chu min hrilh la, chuan ka chhuak ang, uire chhuaha chhuah hi ka duh lova, thudik hriat ka duh, a \ul anih phawt chuan Court thlen hial pawh ka duh” ka ti a.
“Driver Lawma khan min rawn hrilh a ni, a tawk em? Nang biak nan hian hun ka nei tawh lo, tunah pawh ka bialnuin min ngen vang chauha bia che ka ni” a ti a, a tawp leh ta..ka thinlung na chu huatnain a rawn thlak a, ka intifai sawk sawk a, ka khawsik pawh ngaihthah luiin Hotel lam ka pan ta nghal a, ka niin min rawn zui a, ka nu leh Mami khan khatia ka awm lai khan hmuhsit hmel zetin min en a, an \awng lova, mahse, ka uire ang tih chu an ring hmiah tih a lang reng.
Vanneihthlak takin Lawma chu a motor a\angina lo chhuk mek a, ka va pan a, mi an awm em awmlo em ka ngaihven hman tawh lo, “Lawma, ka pasal bulah ‘ka uire’ tiin i lo sawi em ni?” ka ti nghal thawr a! a tir chuan a nui deuh a, mahse, hrilhhai hmelina rawn thlak nghal a, ka thutak zia a hmuh chuan mak tih hmel zet hian, “Ehee! Eng nge i sawi? “ a ti hu a!
Ka ni chuan felfai takin a lo sawi fiah a, ka kut chu ka humruh tlat a, a \ul phawt chuan tualthah pawh ka hreh hauh lo.
“Ngawi teh u, in thusawi chu engmah a awmzia ka hre lo, i pasal pawh ka hre ve mang silo a, a number neih te chu khawilamah, chubakah ka la mutpui lo che a, hmuh pawh kan inhmu ngai tawh bawk si lo, a mak hle mai, keipawh hetianga puh hi ka duh miah lo, khawi i pasal chu ka lo bia a nge” a ti a, a thinrim ve hmel kher mai, Mi chuan min thlir \hup a, ka zak lo; thudik hi a hlu a, uire a puh nih ai chuan ka uire loh zia fiah ka duh zawk .
“|hianpa, Lawma ka nia, hei innu in min rawn chhuahchhal a, engtik laiin nge i nupui hi ‘ka uire’ tia i bulah chuan ka lo sawi? Hetianga inpuh hi ka duh lo tih hre rawh, i nupui hi vawikhatmah ka la mutpui lova, mutpui ka tum hek lo, kan inkarah engmah a awm lo bawk” a sehchilh nawk nawk a.
“A ni tak ka hre tawh lo, “Lawma ka nia, i nupui thawh thinna hotela chawl \hin kha, i nupui hi vawithum lai ka mutpui tawh tih lo hre ve mai mai rawh” tiin sms min rawn thawn kha mawle, ava mak dawn ve; chutia a i \an der leh si a!”
“Eee, khawi chu number chu min rawn pe rawh le, ka lo fiah ange, thudik chu haichhuah zel tur”
“Awle,” tiin number chu a rawn sawi a, Lawma chu amengphawk kher mai, “Khai a! ka number anih chu! A va mak ve leh, engtikah maw alo thawn, han en \ha teh”
“Ka delete tawh ka tih kha, i number erawh ka la save a nih kha, a chiang em?”
“Pathian hmingin keimah ka nilo tih i lo hre dawn nia, i nupui nen hian sex kan la hmang lova, kan hmang ngai bawk lovang”
“Hahaa, i duh leh nei rawh, ani aia \ha kha ka hmu tawh” a rawn tih ri chu ka hriat phak ve a vangin na tiin ka lo khur ngawt ngawt a! Lawma chu hrehawm tih hmel em em in a chal a dawm a, dawt a sawi ka ring lo, tu emawin a phone atangin sms kha an thawn tih a hriat mai, tudang nilovin Mami a nih ngei ka ring bawk.
Ka pasalin min duh tawh loh miau chuan awm ve reng ngaihna a awm lo a, ka pa pawn a zuk hrilhfiah \hin a, mahse, bialnu a neih miau vangin ka chhuah tho chu a ngai ani. Ka chhungte ka han bia a, ka lungchhiatna chu ka thup hram hram a, an lo thleng a, ka bungrua te chu kan hlang fel a, ka pasal te in chu ka thlir reng a, ka pa leh ka ni chu ka ngai hle dawn tih ka hria, ka nu leh Mami chu engthawl hmel fahranin an kal lawh lawh a!
“Bungrua kha lak hmaih palh te in lo nei ange, uire bungrua kawl chu an tluang ngai lo an tih kha” ka nu in a tih chuan, ka puakkeh ve ta a, ka chhuahsan tawh dawn tho a lawm..
“Ka nu, ka uire lo tih chu kan khawtlang hian an hria e, nang leh i fanu min phiarrukna a ni tih pawh hi nakinah a rawn lang mai ang, i fanu hian Lawma a ngaihzawn avang leh Lawma’n a duh siloh avangin kan pahniha min tihmualpho nan hetiang hi a ti anih ka ring thlap; chuan maw, ka nu, ka hrilh ve mai mai ang che, SS zirtirtu a \ang hian bang ngam la, MHIP Treasurer i nihna pawh hi inhnukdawk ngam ang che, i tling lo, i piangthar lo, mi dawthei leh mo te rel hmang, mo pawh ngeih thei lo, sum ringawt atchilh i nih kha, i chenpui kei hian i mizia chu ka hrechiang lutuk, i thusawi te kha tuman an ring lo; a rukin an hmusit zawk che tih lo hria ang che, vanram i kai a nih chuan tumah hremhmuna tla tur an awm lovang, ih maw, ka nu, ka hmusit lutuk che, ka nuihzat che, nu rapthlak tak i ni” ka ti ve ta hrep mai a! min chhan ngaihna a hre lo nge a zak ve zawk? A ngawi ta reng a.
In chhungah ka zuk lut a, Mami room-a Laptop ka zuk la a, “Khate chu ka u in min pe tawh, ka ta a nih kha” a lo ti a.
“Zak theilonu, ka ta liau liau, ka rawn chhawm luh a nih hi, uire bungraw kawl in duh silo a, ka la mai ang” nui lui chungin ka ti a, ka pa bulah ka va kal a, “Ka pa, mi\ha tak i ni, demna tur che ka hre lo, i fapa in ka chunga a thiltih hi ka tana a nat zia erawh min lo hriatsak rawh aw” ka ti a, ka ni lam ka hawi a, mittui tling piau in min lo en a, ka tan a \ha a, a awm ve avanga ka nun nawm phah zia ka hria ani, “Ka ni, engemaw tak ka la tihsak ang che, min enkawlnaah khan ka lawm e aw” ka ti sap a. Lehhawi tawh miah lohin Kawnpui khua chu ka chhuahsan ta a ni.
Ka nun chuan mu leh mal anei lova, ka awm tawp ani mai, ka chhungte pawn min hrethiam em em a, min duat khawp mai, kum khat leh thla 8 chiah kan innei anih chu! Ka la naupang a, pasal chu ka hmu leh em em ang, mahse, phatsan leh bum nih leh ka hlauhna hian englaipawhin min chenchilh a, khawvel chu hlauhna nen ka hmachhawn a ni ber, ka chhuah atanga kar1-na ah nau ka pai thu k’n hre zui a! ka lawmna leh natna chu a inzatthuak awm e, mahse, beiseina min neihtirtu a ni ta thung a. Thinlung na chungin ka raipuar a, phuba lak chakna leh duhthusam inchawhpawlh in ka mu a, min phatsantu chu ka ngai fo a! min tihnat avanga na ve se ka duh laiin na ve tak tak se ka na ve tho dawn tih ka hre bawk! Ka be chak a, ka ngam silo, Fb-ah te chuan, a bialnu nen chuan an inrelate a, engkim chu ka hmuh ve zel \hin avangin ka tawrhna chu a kiam nep \hin hle, mahse, thutlukna ka siam a, “Ka fa hi chu ka ta a ni anga, ka fa avangin ka damkhawchhuak ang” tiin.
Nau ka vei laite chuan phatsantu ngai in ka \ap a sin..min hmu ve se min khawngaih ve ang em le..ka uire emaw a tih vanga a rilru natna vangin bialnu alo nei pawh a ni thei, a khawhar lungleng lutukhian amah ngaizawngtu chu lo be \ha ve in a lo lutthuk ta pawh a ni thei..chung zawng zawng chu hmangaihna avang chauh pawn hriatthiam ka la tum thei ang, mahse, min hmangaih ta miah lo em ni? min hmangaihna te kha a bo zo ta vek em ni? hei hi a ni ka damchhunga ka hriatthiam ngai loh tur chu..engtin nge min hmangaihna te a phumbo vek theih? !!
Fapa ka hring tih ka hriat chuan, kan in\hen a\anga a vawikhat nan Pathian hnenah lawmthu ka sawi ve a ni, a hmingah pawh ROHLUPUIA tiin ka sak kha.

KA NUI ASIN..
Ka fapa chuan ka mittui luang chu a rawn hru fai a, min rawn kuah a, “Nu, \ap suh,” a ti a.
“Bawihte, ka \ap lo, ka nui asin, nang hi awm lo la chuan i nu hi khawvelah ka awm tawh lovang, nang hi ka damchhan i ni” nghet zeta kuah pahin ka ti a.
Zirtawpni a ni a, school chawlh a nih vangin ka fapa nen inah kan inawm a, chhang ka kan sak a, kawngka kik ri a hriat chuan ava hawng a, min rawn koh vak vak avangin ka va tlan phei a, ka fian ken lai chu ka thlauh bawl a!
“Puii, reilote, khawngaihin” Mamawia a ni.
“Bawihte, i pite inah va kal lawk ta che” ka ti a. thuawih deuhin a chhuak ve mai a. kawngka ka khar a, gas ka va off a.
“Hun ka ngah lova, i sawi duh chu sawi nghal mai ta che” zangkhai vah hian ka ti a!
“Puii, min ngaidam rawh”
“Ka ngaidam tawh che ka tih kha”
“Ka hrehawm takzet a ni”
“Keipawh ka ni \hin a”
“Engkim kha ka thiam loh a ni, engkim kha, mahse, ti nge dawt min hrilh kher? Pasal ila nei si lo a”
“Pasal chu pakhat chu ka nei tawh a, mahse, ani chuan min bum a, min phatsan a, uire hnawhchhuahin min hnawtchhuak a ni”
“Ka farnu rilru chhiat lutuk vanga kan pahnih tawrhna hi ava namai lo em tiraw? Mami kha a piangthar a, ka bulah a inpuang a, atir chuan vuak hlum ka rilruk hial a! mahse, anih tur ang a ni tawh si a, ka inthunun leh ta zawk ani”
“I bialnu kha”
“Puii, bialnu ka nei lo, ka thinlung na leh kehsawm khan phuba lak chaknain min siam a, khanu kha ka \hiannu a nih kha; min khawngaih vangin min pui ve mai a ni, thudik a hriat hnu phei chuan ngaihdam dil che hi a duh ve em em zawk a sin”
“Awih tur chuan min ring lo la, khawngaihin”
“Nia, i tan chuan awih a har ang tih ka ring, mahse, vawiin thlenga nupui aia zu ka thlan zawkna hi chuan a rintir theih che ka ring “
“Fiahna awm miah lova uire a min ngai thei kha chu vawiin thleng hian mak ka la ti”
“Nia, mipa ka tling lo a ni, ka nep em a ni; khatia sms ka dawn atang khan ka danglam vek a, hrilh che kha ka duh a, mahse, khatianga ka na chung pawh khan zak tak leh mualpho taka i awm chu ka la phal chuang lo, uire anga ka hriat hnuah che pawh ka la be tho che a, tihian ka ngaidam mai ang ka ti hman hial! Mahse, ka zu rui lungpuam ka inngaihtuah leh a, ka \hiannu kha sms ka rawn thawntir a, min biak i chak ngawih ngawih laite khan mittui tla chungin i call kha ka reject \hin a sin, sipai ka nih vangin i bulah ka awm tam thei lova, i khawhar lungleng hi i uire anih ka ring a, dem loh hram che pawh ka tum, mahse, ka thinthawk leh thut khan engkim ka ti tawp ta ngawt anih kha..
In i chhuahsan zan te khan ka \ap tlaivar a sin, patling meuh \ahna chu a ho lovang tih i hriat ka ring, mahse, khatia i ngawih tak hmak danah khan i uirena nen chuan in innei ta ah ka ngai a, ka nu ka zawh lahin, an inru an tih thawm chu ka hria a rawn ti bawk si! ka thinrim rilru na khan zu ka in ta nghek nghek a, kanhotuten warning min pe hial a, mahse, ka inbunruah ve theihna awmchhun a nih vangin ka sim thei lova; min ban ta hial a ni. Mizoramah ka rawn haw a, kan khuaah pawh awm rei thei lovin ka zin kual reng a, hlimna ka hmu lo, englaimahin ka theihnghilh ngailo che a, nikhat chu kan khuaa ka awm laiin Lawma nen khan kan inhmu a, i chanchin ka zawt ta rawih a! engmah a hriat loh thu leh nupui a neih tawh thu te a sawi ta a, pasal i la nei lo a nih ringin hmu tur chein ka rawn kal a, mahse, min haw dawn em a ka hriat vangin a rukin ka enthla ta zawk che a, hmanni khan ka insum thei ngang lova, ka be ta che a nih kha..
Kan in\hen a\ang khan tu hmeichhia mah ka la ngaizawng lova, fawh pawh ka la fawp hek lo; hmannia i pasal niawma i chhal kha a tukah ka hmu a, zak chung chungin nangmah enkawl \ha tur leh hlim taka siam tur chein ka chah a, mahse, ani khan thudik min hrilh ta vek a, mi \ha tak a ni”
Rema hian min rawn tlawh tawh ngai miah lo tih ka hrechhuak chiah! Kar 2 lai a ni tawh a. Mamawia thusawi atang chuan ka hrethiam nghal, ni e, mi \ha leh lainatna ngah tak a ni tih ka hmuthiam ta e.
Ka pasal hlui thusawi chu ngawi rengin ka lo ngaithla ngat ngat a, a mak lutuk, a thusawi chu ka ring vek! Dawt a sawi ka ring lo.
“Puii, i tan chuan engmah ka ni tawh lovang tih ka hria e, mahse, thil pakhat chiah ka zawt ang che aw, i fapa hi tu fa nge?”
“Ka fapa hi sawn a nilo, a pa chu sipai a ni a, nitin hian, ‘anu, apa chu alo haw dawn tawh em?’ tih thu hi min zawt \hin” ka tih lai chuan a hmai a hup tlawk tlawk a, a \ap ta a! kei erawh ka mittui a hul hlauh thung.
“Ka fapa chuan ka lo haw hun tur alo thlir \hin a maw? kum kha leh chen kha ka lo pumpelh a, fapa ka nei tih hria ila chuan, pa \ha tak ka ni ve thei tur”
“Uire fa a ni sia, apa nih i duh ka ring lo a”
“Khatiang thu kha sawi tawhlo hram rawh, min ngaidam rawh” a ti leh a, pasal tlawm tak a ni. Kum engzah nge ka lo \ah tawh a, zan engzat nge muhil thei lova ka tawrhna te kha ka lo tlaivarpui tawh..ka hrelo, mahse, hei erawh ka hria, keimah chauhin tawrhna kha ka lo hmachhawn ngai lo tih hi.
“Nuuu, ka ril a \am” ka fapa chu kawngka bulah alo ding reng a, kawngka kha ka kalh emaw ka tia, ka lo kalh lo a nih dawn hi..
“Nu, apu hi ti nge a \ah a?”
“Bawihte, apu hian a fapa a rawn kan anih hi”
“Maw?”
“I pa zin kha alo hawng tawh a, Bawihte,”
“Nu, hei hi apa chu maw” a hlim hmel chuan a hmel chu a rawn kap eng a, a va hmel\ha tak em…
“Ka fapa, i pa ka lo haw e, lo kal teh, ka lo fawp teh ang che”
“Apa, min zinsan tawh suh aw, ilo haw har thei si”
Min rawn melh a, mangang deuhin ka \anpuina a rawn dil a,.
“A zin tawh lovang, tunah chuan tuman ‘khaw nge i pa’ tiin an zawt leh tawh lovang che.



( He thuziak hi a thamral mai loh nan kan han dahtha a ni. A ziaktu hming kan hriat mai loh avangin kan dah thei lo.)

2 Comments

He post chungchanga i ngaihdan lo sawi ve rawh:

  1. Ka chiar zawh hian ka mittui atla tih ka che

    ReplyDelete
  2. Sipai nupui...Thawnthu tha tak ani e,atal a tawng tawh ngei tepawh an awm ang.Thinlung akhawih taker,more tan pasal nu leh fanu sual hrawn hi chu ahreawm dawn em mai.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post