ZONUNMAWII - 2




(True Story)

BUNG-2 NA


By:- Rs Thangluah✍🏻



Ka nu min vuakna chu a duk chur mai a,zanah pawh ka muhil thei lova hrehawm ka tiin ka rilru a na takzet a ni. Khawvela ka neihchhun leh ka innghahna awmchhun ka nu chuan a fanu thusawi chu a ring tlat si lo. Ka tan chuan ngawi renga tawrh tlawk tlawk bak chu tih theih dang a awm lo a ni.

Ka nu chuan a hna avangin min zin bo san reng ṭhin a. A zin dawn hi chuan ka hlauin ka huphurh em em ṭhin,a chhan pawh ka pahrawn chuan min khawih leh ngei dawn si a. Zan a lo thleng a,ka room-ah chuan ngawi rengin a rawn lut a. Kei lah chu hlau hlawpin ka khur zawih zawih thung a, "I nu bulah te min lo hêk ngam vel a ni maw? Naupang zak thei lo lutuk mai, i nu hian nang aiin kei hi min ring tih hria ang che aw. Eng pawh sawi la, a awih tawh chuang lovang," tih pahin ka hmaiah chuan min beng sawk mai a. A kut hrawl tak chuan ka kekawr chu a rawn zen leh ṭan ta, engang pawn âu in tal chhuah tum mah ila, patling tha leh hmeichhe naupang tha chu a inang si lo. Lungchhe takin ka ṭap a, ka biangah chuan ka mittui chu a rawn luang zung zung a. Ka ṭap ring ngam bawk si lo, a van hrehawm tak êm! Ka pahrawn sual tak mai, ramsa ai pawha nunrawng chuan a duhtawkin min khawih leh ṭan ta.


Hun leh ni a liam a,kum te a lo vei a. Kei pawh ka kum phû lovin ka ruangam chu a lian a,ka rualpui tamtak te aiin ka lian a ni. Naupangte ka nih aṭangin ka pahrawn chuan min khawih ṭhin a,ka nu lahin ka thusawi a awih duh bawk si lo. Ka rilru chuan phuba lak chaknain ka khat tawh a ni,naupangte ka nih lai kha chuan ka rilrute a la dawih a,tun ang hian ka la huaisen lo a. Mahse,tunah chuan keima tawkah huaisenna ka nei ve tawh a ni.

Ka theihtawpin lehkha te ka zir chho zel a,Pathian zarah ka zirnaah pawh ka hlawhtling chho ve khawp mai. Mahse,ka pahrawn chuan a mize ngai bawk a rawn nei leh ta. Ka nu chu a sumdawnna thilah a zin a ngai leh a,ka nu zin tur hi chu ka huphurh thei em em ṭhin. Ka pahrawn tan erawh hun ṭha a ni thung a,he mihring pa hi chu ka la tlanbosan dawn khawp mai.


Zanah chuan ka room-ah chuan a rawn lut leh zal zal a. Ka la mutthilh loh avangin ka lo in ral ring nghal at a; mahse, he ramhuaipa hian min dim lo khawp mai. A tha leh ka tha a inang si lo,ka theihtawp chuan ka bei let ve a. Mahse, ka hneh ngang lo a ni, a tawpah chuan seks tak tak chu tenawm takin min hmanpui ta. A van hrehawm tak êm! Ka ṭah a chhuak em em a; mahse, ka ṭap thei si lo ka thinlung chu vih sawk sawk ang mai hian a nâ a ni. Ka pahrawn chuan a duhtawka min chinkual hnuah,"Kha i thuamhnaw kha inbel rawh, i nu bulah min lo hek tawh miah suh ang che," a ti chhur chhur a, a thuamhnaw chu a inbel a, ka room aṭang chuan a chhuak nghal a. Ring taka ṭah vak vak mai chu ka châk a ni;mahse,ka hrawkah hian a tawt vekin ka hria ka ṭap chhuak thei si lo. Lungchhe takin ka inhnît hlawp hlawp a,ka unaupa neihchhun kha ka ngai khawp mai. Ani chu ka pi te bulah thlamuang takin a awm bik awm si a, kei ve chu ka nu bulah natna tinreng tuar turin ka awm a ni si a.


Ka chunga thil thleng chu ka nu bulah chuan ka sawi duh tawh lo law law a. Sawi pawh ni ila, a fanu aiin a pasal a ring zawk si a,keia thusawi chu a awih leh dawn si lo. Tihsual nei miah lo,a fanu hian engkim ka tawrh leh a ngai dawn si a. Chuvang chuan, ka chunga thil thleng chu keimahin ka tuar ta tlawk tlawk mai a ni. School te chu kal ve bawk ṭhin mah ila,ṭhiante bula awm te chu ka inthlahrung a. Ṭhian kawm aichuan mahni chauha awm chu nuam ka ti zawk ṭhin.


Ka unaupa chanchin chu ka hre ngai ta miah lova. A dam nge a thi tih pawh ka hre lo a ni,ka nu lahin engmah min hrilh ngai bawk si lo. Ka nun chu a hahthlak takzet a ni,khawvelah hian min hmangaihtu tumah an awm ve lo a ni ngei ang. Min hringtu ka nu ngei pawn min ngaithla duh si lo,keimah leh keimah chu ka inkhawngaih takzet a ni.


Ka nu a zin bo apiang chuan ka pahrawn chuan dik lo takin seks min hmanpui ziah ṭhin a. A tawp a tawpah chuan ka pahrawn thil tih rah chu a rawn lang chhuak ta. Hmeichhia ka ni a mi pangngai ka nih angin,hmeichhia te kan puitling tawh a ni tih lantirna turin thla tin hunbi nei a lo awm ṭhin chu ka nei ve lo thei si lo. Ka pahrawn lahin seks min hmanpui a ṭhulh si lo,a tawpah chuan nau ka pai ta ngei a. Mahse, nau ka pai tih chu tuman an hre lo a ni, naupai chung chuan School ka kal a ka theihtawpin lehkha ka zir ṭang ṭang ṭhin. Ka inthup nasa bawk a, tuman nau ka pai a ni tih an hre lo. Ka nu takngial paw'n a hre lo a ni.


Kum 10 chhung tehmeuh ka pahrawn chuan remchang a hmuh apiangin min khawih ṭhin a. Ka thinlung chu a kehsawm vek ni mai hian ka hria a ni, ka naupai erawh tihtlak ka tum lo bur. A chhan chu, ka pum chhunga naute hian chakna thar min pe ṭhin a ni. Ka pahrawn pawh tlemin a mizia a dang ve ta, zan lamah min khawih ngai tawh lo.


Ka nu nen kan inkar chu a zâu ta khawp mai. In khatah chengin nufa ni mah ila, kan inbe ngai meuh lo a ni. A hmingin nufa kan ni a, a hming bawkin kan cheng dun a ni. A tan chuan a fanu hian a nunah dinhmun pawimawh ka luah ve lem lo a ni. Chu aichuan a pasal duhtak hian a nunah dinhmun pawimawh leh sâng tak luah a. Kei a fanu hi chu atan chuan chhiahhlawh ang lek ka ni, School kal chungin In chhung chet engkim ka tih a ngai ṭhin a. Hah pawh ka sawi ngam ngai lo, lehkha zirna hun pawh ka nei tlem thei khawp mai. Mahse, ka hunawl neih chhun chhunah chuan ka zir ve hram hram ṭhin.


Ka naupai chu engtikah nge ka neih dawn tih pawh ka hre lo. Ka pai pai chuan ka pai chho mawp mawp a ni ber mai. Ka neih hunah erawh ka nu in engtin tak min ti ang maw? Ngaihtuah pawh ka ngaihtuah ngam lo.


Class room-a ka awmlai chuan ka pum chu a rawn na ta vak mai a. Kan miss chuan damdawiinah min kalpui nghal a, Doctor leh Nurse ho chuan min lo buaipui nghal vat vat a. An rin loh leh an beisei loh deuhin naute ka nei ta si, kan miss ngei pawh chuan mak a ti a ni. Bialpa nei turin mipa ka kawm ngai si lo, chutianga naute ka nei mai chu mak a ti a. A chhan min zawt nghal mawlh mawlh mai a, "Amawite, i chungah engnge thleng a? Min hrilh vek rawh," a ti nghal mawlh mawlh mai a. Hreh tak chung leh lungchhe tak chungin ka chanchin chu kan miss bulah chuan ka sawi ta a. Kan Miss chuan min kuah a, "Pui tur che in i tan ka awm reng a nia aw," a ti mawlh mawlh mai a. Mahse, kan miss fel tak chu buainaa hnuh luh ka duh lo a ni, "Miss, ka lawm lutuk e aw," ka ti mawlh mawlh mai a.


##A hnuaia fakna hi lo hmet ve rawh.##

2 Comments

He post chungchanga i ngaihdan lo sawi ve rawh:

  1. A lem e mai... Naute hrin hun twh pawha zirtirtu te leh nopag dag pohin a rai tih la hriat loh cu

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post