Sawh chiar nula

- Jimmy Lalhriatpuia Sailo,

College Veng Lunglei

Saikuti Hall phei a Nula Pakhat Bucket sen lehkha khawnga inchhin khai,Jeans Kekawr da lam pang tawh leh T shirt sen ha, pheikhawk sang bun lo nihlip khum a kal phei mek chu ahlimhmel hle mai. Chutih lai chuan a hnungah bike chak tawk arawn tlan a abucket chu arawn sut buak sak vek mai bucket chhunga thil awm chu khawlaiah chuan atla darh ta nuai mai a, chu nula aurin zia leh thinrim rilru natzia chu tumahin ansawi thei lo ang.

Tlangval chu apiah deuh hlekah chuan ading a nula rawn pan pah chuan,”Ka tihpalh lutuk a ni” arwn ti a,”I van mawl ve khatia chak tak tak a tlan tur em ni? I tlanna tur kawngte en uluk ve ta che ka eizawnna a sin” a ti vin hlak hlak a, a mitui chu a tlingpam a,”Ka tihpalh takzet a ni.Min hrethiam rawh i sumdawnna anih chuan..”tih pahin a wallet a phawrh a Rs 2000 arawn phawrh a nula chu pek pahin,” Min ngaidam mawlh mawlh teh ka hmanhmawh sia ka kal nghal mai ang”a ti zung zung a, mite chuan anlo thlir thup a nula chuan,”Bucket man a tello “ an ti tham tiak a tlangval chuan a full face helmet chu a hlip a nula chu aen ngawih ngawih a engmah a sawi lo.

”Hey tinge min en reng a Bucket man atello ka tih ka tih chu” tih pahin ahmaiah chuan abeng sawk a, tlangval chu harh phut ni awm tak hian,”Ka tihpalh a ni” tih pahin Rs 1000/- an pe leh a,”Min hrethiam rawh emergency thil a awm a ka kal nghal mai ang” ati aa bike awmna lampang chu tlangval chuan apan nghal a. Chu nula chuan,”I van zak lo ve a atisual tu zawk i ni a Ngaihdam min dil dawn nange?”a ti teng thak a, tlangval chuan hawi pawh hawi let lo hian a aban a rawn vai a nula chuan thinrim zet hian an au zui a, tlangval chuan abike chu athleng tep tih chuan ading chawt a muangchang hian a inher a, nula pawh chuan,”Rawn phei leh teh a aia nasain ka beng ang che. Mizo ni ve si tlawmngaihna nei lo lutuk leh midangte zahna chang hrelo lutuk mizo ni awm pawh i ni lo”a ma hriat tawk lek hian alo ti a.

 Tlangval chuan nula chu arawn dil chilh a, hnai set sawtah hian arawn en a hmai leh hma insi deuh thawh hian arawn en a nula chu alo eu deuh a,”Eh Hei hei enge itih a?Hei enge ni?” tih pah chuan a a eu zel a tlangval chuan a fawp mai ang tih hlauin alo maimitchhing a,”Ka hmanhmawh ka ti a ni lawm ni?” a rawn ti thum chhak a, tlangval chuan a kal san nghal a nula chuan zak hmel deuh hian mi chu a enkual hrak hrak a ,a sawhchiar tih buak chu arut fai a a rilru tak chuan nuam chu ati tho mai. A chhan chu Rs 3000/- ahmu tho a alawm hle mai.

Thingtlang nula Zampuii chuan a apa thianpa Pu Kapa te inhnuai luahin sawhchiar zuar pahin College a kal ve a, a nu hoin anaute pahnih chu ankhuaah anawm a apa hi kum 7 kalta khan Accident a vangin alo boral tawh a a nu thawh chhuah ringin ankhawsa ve naw naw a. A nu unaute hian an mil loh a vangin an inpiahah inte takte ankhawrsaka tah chuan ankhawsa ve naw naw a mite chuan hmusit viau mahse anchhungkua chu anhlim a tumah anawt bik lo, mitam tak awh an nizawk fo a ni. 

Pawl 12 apass chuan Zampuii chuan Lungleiah inhlawhfa chawpin miin hnuai luahin aawm a, vanneih thlak takin a apa thianpa Pu Kapa chuan fanu alo nei lo hlauh a, an inhnuai chu alauah tir a afapate pahnih lah chuan unaunu ang tak takin an en a. Pawh pawh an inpawh viau a Pu Kapa hi Contractor ani a, afate hi JE chhuak ve ve tawh an ni bawk a anhlim ve hle thin a. 


Zampuiin pawisa a neih loh changte hian athlawna pek la duh miah lo Zampuii Pocket money tur tiin, an Contract thenkhat a bikin insak lamah chuan Zampuii hi anvil tir chawt mai thin a ni. Zampuii chuan a chang chuan zahthlak ati hle thin a,mahse anchhungkaw khawsakin a zir loh a vangin duh lo mahse atih angai fo thin. Sum leh paiah chuan abuai lo a achhungte pawh athawn phah thei hial thin. Ahaw chhoh dawn apiang lahin a chhungte thuamhnaw tur chu anthawn haw ziah bawk thin.Mahse ainluahah chuan bath roomte siam sak turin a ti a ansiam duh chuang miah lo a, inchei ve deuhin tunlai make up hrang hrangte hi Zampuii chuan tul a ti miah lo a, Pu Kapa fapa teZorina leh Mabawiha chuan tul hi anlo ti thin khawp a, a changleh anrawn lei haw sak nawlh nawlh hi atam hle thin. Chaweikham mei zuk ni se Zampuii inah chuan anrawn zu thin a, Zampuii chuan chutiang fakaua duattu chu mihrang en hian a enthei lo ani ber e. A mah lah chu alo fel em a duat phu awm ve reng ani. A zuan azang a fiamthu aduh bawk a achang chuan an chhungkaw inhauhte hian Zorina leh Mabawiha chuan Zampuii in chu anrawn tlan tauhna ber hi ani fo a, achang leh Zampuii chuan anchhungkaw i nhau ahan thelh tak pawh a awm nawk mai.

Chawhma Dar 11 a ni a kawngka chu anrawn kik dawt dawt a anrawn kik dan chu apangngai loh em a vangin, Zampuii chu ahlau thawng kher mai hmarua chuh mai tur a hmu bawk si lo a abula suankual chu a hum ran a kawngka chu ahawng ang a ahnungtawlh ang a ahlap nghal pawp ang.Mipa aw thum zat chuan,”Hawng vat teh nula” arawn ti sek bawk si a, kawngka chu ahawng a antawlh hnung hlek a. Mipa rawn lut ahmu a vuak a tum a anzuang chiah chu arap suala atawlh zawt a mipa lolut chu alu akhawn sak pahin a va kuah chawt a,”Awi” an ti tuar a,”A na lutuk ana lutuk ka lu ka lu”tih pahin mipa chuan nula chu apawm a Zampuii chu a insiam tha vat a, chuan aluah akut dahpahin Zampuii chu athlir a,hnaiset sawtah hian a nmelh ,”Hei hei hei...” Zampuii chuan tih pahin amaimitchhing a alu chu athlesawn a ahmui chu ati ner sawk sawk a, tlangval chuan Zampuii chu athlah thut a Zampuii chu chhuatah chuan atla thla tawp a. “Awi ka mawng....EH..Ka hnung ka tih na” anti a, tlangval chuan,”I mawng maw?” arawn ti vat a,”Aih” Zampuii chuan tho tuah tuah pahin ati chhum hmuk a,”A reng rengah tunge inih a? Enge irawn kal a?” an ti vin leh deuh nghal ngawt a,”Hmanni i sawhchiar ka sut buaksak che kha ka inthiam lo lutuk a chuvangin ichanchin ka zawt kual a ka rawn kal a nih hi, ka hming chu Hlimpuia a nia(Chibai tumin a kut aphar chhuak a)” Zampuii pek chuan,”Haih iaahh” tih pahin Posi an lo la vat a, Hlimpuia chuan ngawi rengin chiang em em hian alo en reng mai a. Zah hmel deuh hian Zampuii chuan akut chu alo pe a an inchibai a,”Zampuii ka nia” ati a,”Lo thu rawh enge irawn tih dawn a? Hei ka thil zawrh tur ka lo siam mek a” ati a, sawhchiar belpuia achhuan chu a pan nghal a,”Englo ania hmanni khan khati khan ka su che sia, ka tihpalh lutuk a ngaihdam dilche hi ba ngawih ngawihin ka inhre bawk si a” atih lai chuan”A nih chuan min pui peih ang tiraw?” Zampuii chuan alo ti a,”Peih tehreng mai” Hlimpuia chuan alo ti vat a,”A nih chuan lo kal teh” Zampuii chuan ati a, Hlimpuia chuan Zampuii bul ava thlen chuan Zampuii chuan bel suan chhan hi alo pe a, “Hei hi zawn thla ang le” alo ti a. Bel ansuan chu Hlimpuia chuan rit alo ti ngang mai a,”Khai aw hetianga rit te chu ka nu leh pa te pawhin min chawitir ngai lo” alo ti a, Zampuii chuan Bucket a la Hlimpiuia chu annuih te te a Hlimpuia pawh chu alo nui a,”Khati khan nangmahin lo chawi phei rawh” tih hmuk pahin thutphahah chuan a thut san daih a. 


Hlimpuia chuan a hreh viau a mahse tih loh theih ni hek lo i, rit ti zet chuan achawi phei tuah tuah a thawh hluam hluam pahin,”Hei hi nangmahin i chawi ziah ami?” ati a,”Chawi lohte’n min chawipui tur tumah ka nei hleinem” Zampuii chuan alo ti mai a,”I van chak ve le tikhan min ngaidam tihna a mi?” an tizui a,”Teuh lo mai” Zampuiin tih pah chuan sawhchiar chu Bucketah chuan asuak chhuak mawlh mawlh a,”A nih chuan Plate khat engzah man nge a?” Hlimpuia chuan alo ti a,”Plate khat hi 20 ania i ei duh ami?” Zampuiin a lo ti a,”Duh e khawi min lo suah la ka lo ei ang” a ti a, Zampuii chuan asuah a asa chu asuah kan nghauh nghauh a, Hlimpuia chuan phur zetin asa asuah dawn chuan alo en nui ver ver zel a, mahse asuah kan zel takah chuan,” I van phakar ve a asa sa kha suak ve la” alo ti a, Zampuii chuan rum zeta enpahin,”I zak lo” alo ti hmuk a, Hlimpuia chu alai kher mai,”I suah dan kha Sawhchiar sa tello te chu tunge ei peih ang?” a lo ti vin tuar a,”I ei ang a ni mai lawm” a lo ti leh hmuk a.Hlimpuia chuan Zampauii chu pa ati hle mai a ahlau ru deuh kher mai mahse ahmel chu aduhawm thlawt a ti bawk si a, Zampuiin a suah zawh chuan a ei a Zampuii chuan thingpui lumsa Flash ami chu athli a,”Hei chu ka lo Free ang che” ati a, Hlimpuia chuan sawhchiar chu a ei a,”Hetiang hi a ka ei ngai lem lo a a tui viau ang” ati a sawhchiar chu a aei a aei lai chuan ahnungah chuan Zampuii chu aawm a,”A va tui lo ve” Hlimpuia chuan ati hmuk a,Zampuii chuan,”Tui lo itih leh ei malek la a ni mai” alo ti a, “A nih ka chhung let leh mai” tih pahin aei lai chu Sawhchiar belah chuan chhun luh atum a Zampuii chu rang zet hian arawn tlan phei a,”Hmela khatin ti suh” a rawn ti vin tuar a, Hlimpuia chuan alo enreng mai a,”Khatia tih kher kha a ngai ami?” tih pahin ahnungah achum chawrh a Hlimpuia chu alo pu dur a. Thil anei zawh chuan,”Ka la ngaidam lo che a nia” Zampuii chuan ati a,”A nih chuan puih ingai tihna a mi?” Hlimpuia chuan alo ti a,”Aw ngai e” Zampuii chuan tih pahin tala a la a,”Chhuak ang” ati a an inzui chhuak a Sawhchiar bucket chu Hlimpuia chu akhai tir a.

Dar 12;30 a nih chuan Hlimpuia chuan Bucket chu thlan tla hah thawh hluam hluam hian akhai pur pur a,”Hetiang ang hi chu kan ti ngailo ka nu leh pa pawhin anphallo hrim hrim” tih pahin ahmai tuamna chu aphelh zawk a ahmai chu ahru a,”Keiin ka phal a lawm le khai tha mai the.I van nep reng reng ve kalte kha ithei lo si Exercise ila ngai nange?”Zampuii chuan ati a,”Khawpui tlangval ka nih hi” Hlimpuia chuan alo ti hmuk a,”Hmm ka thiante pawh khawpui tlangval vek an nia mahse nangangin annep ve lo” Zampuii chuan alo ti hmuk a. Hlimpuia chuan Zampuii chu melh rulh rulh pahin,”Tawng thei reuh” an ti ngawt ah. Zampuii lah chuan Hlimpuia chu aei chak zawng zawng alei tir hmiah hmiah a, Hlimpuia lah chuan hmelhriat alo ngah bawk si a Sawhchiar pawh chawhnu dar 1:00-ah chuan anhralh zo der mai a. Zampuii chuan,”Mmm tikha chuan I haw thei tawh ang ka ngaidam tawh che” ati a,”Khati khawpa zaka min siam hnuah min la ngaidam chauh zui ah ka chau hle mai a. Mi hausa tlangvalin sawhchiar ka zawrh vawikhatna” ati a, thinrim deuh hian ankal hmak a,Zampuii lah chuan,” I bike I dahna kha ila hria ang tiraw?” an lo ti a,”Hria e Hria e” alo ti ahaw tau hmak a. 


Zan dar 7:30 a pel hlek tihah chuan Hlimpuia chu Zampuii inkawtah chuan achhuk bauh bauh a,zai ri ahria a mawi a ti kher mai mahse aring thei lo a ni. Chhuna rim taka chhawr tu nula kha anih aring phal lo a mahse a awm atang chuan aman kher mai, kawngka chu akik dat dat a Zampuii chuan kawngka chu arawn hawng a,”Nang elo? Enge I duh?” arawnti ram hmak a Hlimpuia chuan,”Thil ka theihnghilh” Zampuii zah hmel deuh hian ati lawi deuh rut a,”Ka awi lo I helmette chu I khum haw reng kha” a lo ti a, Helmet chauh alawm ka khum haw bike ka hawn hleinem(Hnuai lam melh pahin inthlahrun hmel deuh hian) khi khi ta khi Bike chu aawm a, chahbi ka ak lo hrim hrim nangmahin Bike khalh khalh angai lo itia nih kha” ati a,Zampuii chuan kawngka chu akhar a,”Hey hey kawngka kha hawng teh Chahbi chu” Hlimpuia chuan alo ti a, ahnu lawkah kawngka chu arawn inhawng a Zampuii chu anui ver ver a, Hlimpuia pawh chuan a lo nuih a,”Kha I bike chhe zet chahbi” Chahbia hlimpuia vawmpahin a ti a, kawngka chu a khar leh nghal a,”Hei hei I van sual ve a I zai ri kha ka hria a ka ngaithla leh chak ania” an ti a mahse…a reh. Chutah Hlimpuia chuan Idea thar a nei inchunga mipa Mambawiha chu athianpa tho a ni a ahan pun ta a.


Mambawiha a tel chuan Zampuii chuan luh tir loh ahreh bawk si a, chutah Hlimpuia lah chuan,”Thianpa in inhnuai hi anuam e. A hrim hrimah hei nula te inlo luah tir a, alawmawm tak tak a ni. Tak a na hei nula hi tunge ahming kha?” an ti a, Zampuii chu alo ner nasa ngang mai a,”Zampuii a nia kei ni chuan kan duat a sin Mapuii tih bakin kan ko phal hleinem” alo ti a,”A ni maw? Mapui khawimaw lo inchbai ila” an ti a, Zampuii tan chuan chibai loh amawi tawh si lo a an han inchibai chu Zampuii chuan akut chu ahmer sak vak a Hlimpuia lah chuan na ati si ahmelah chuan tih lan chi ani si lo a sehchilh deuh rap rap hian,”I hmeltha kher mai a” a lo ti a, Zampuii chuan nui lui deuh hian,”Ka lawm e” alo ti a. An inchibai zawh chuan Mambawiha chu a nu in arawn phone a vangin achho a a kal liam chiah tih chuan,”Ka in luahah hian ka thu ber” Zampuii chuan an ti ngawt a, tingtang Hlimpuia chuan ahmuh chuan lak an tum a,”Ka phalna la loin engmah khawih suh” Zampuii chuan alo ti a Hlimpuia chuan aban fuh tep tawh a alai kher mai,mahse aban lui tho a,”Tak takin enteh Mapui I zai ri ka hria a izaithiam ka ti tak zet a, chuvangin hawh zai dun ang? Kei pawh ka zai thin a Music Video pathum lai ka siam tawh asin. Ka pa hi MLA anih vang hian a buai lutuk a ka zui angai thin bak sia chuvangin Music video siamna hun hi ka nei hlawl lo a” ati a,Zampuii chuan,”Ka awi mai mai lo e a. Mizo zaithiam hriat loh ka nei lo e a” alo ti a,”A nia lawm le that akin ka hrilh che chu ka lar ve viau a sin” Hlimpuia chuan alo ti a,”Lar la chuan ka hre em em ang che I lar lo tawp aniang” Zampuii chuan ati a,”Ka lar em mai a. Mi pawn ilar lutuk min ti” Hlimpuia chuan alo ti vat a,”Ka awi lo” Zampuii chuan alo ti chhum hmuk a,”A nia lawm ka lar alawm ka lar lutuk mi pawn mi hre em mai. Zaiahte min sawm thin a ka zin fo mai zai turin” Hlimpuia chuan uar zet hian anti a,”A nih kungfu ithiam em?” Zampuii chuan alo thut a,”Aih” men phawk nghal hu pahin Hlimpuia chuan alo ti bung nghut a Zampuii chu alo nui uar uar a mittui tlaphungin a nui a Hlimpuia chuan tih vak ngaihna ahre lo kher mai. Guiter chu aperh a azai ta ngawt a Zampuii chuan alo ngaithla vang vang a,”A nih kha a nih chuan ihlasak thin ho sa mai mai ang. Mambawiha leh Zorina pawhin kan thawm anhriat chuan anlo kal ve mai ang” ati a, Hlimpuia chuan Guiter chu perh antum ngawt a,”Ka Guiter hi chu cheng anei a iperh thiam lo ang” tih pahin Zampuii chuan guiter chu Hlimpuia a laksak a Hlimpuia chuan nui ver ver pahin,”Wow tha lutuk” alo ti a, Zampuii chu azai a Hlimpuia chuan parts a lope zel a,” Anih chuan CFL-a hla sak hla inchhang kha sa I la” Zampuii chuan arawn ti a,”A thu ka thiam lo a” ati a,”Ka hlabuaah aawm alawm” tih pahin Zampuii chu a tho a lehkhabu tharlam zet hi ala chhuak a,”Hei tah hian aawm aawm” atih lai chuan Mambawiha leh Zorina te hi anrawn lut a Sound Box pakhat leh Guiter pakhat leh Keyboard anrawn in chhawp thla a,”Kan tih dan thin a nia Zorin zanin chu Drums vua la hei Hlima hian Guiter kha lo peerh thung se” ati a, an zai ho ta a nuam anti kher mai. Drums kal dan tur leh music kal dan tur Hlimpuia’n anhrilh leh thin a Mabawiha chuan inchungah ei tur leh thingpui a han la a chumi chhung chuan Zorina chu Hlimpuia chuan Drums kal dan tur a lo hrilh zel ,Zampuii pawh chu zai dan tur leh aw pek dan tur chu alo hrilh bawk a,”Zirtir inuam hle mai” a ti a, Mambawiha rawn thleng thla thingpui an inmeuh chuan Zanlai alo ani der tawh a,”Englo thil han sawi ka duh deuh a” Hlimpuia chuan puithu tak hian a ti a anlo ngaithla thap a,”Thla tharah hian MZI Lunglei buatsaihin Solo Competition Mizo Lelte thlanna annei dawn a, lawmman hi tangka fai 1 lakhs leh Scooty a ni dawn a Zampuii hi zir deuh hlek la tel ve la kan ti deuh a. Naktuk hi form fill up tawp ni a ni a tha in ti ve em?” ati a Zampuii chuan,”Sawhchiar zawrh angai alawm le” alo ti a,”Ho mai mai sawhchiar zawrhte chu ka pa pawhin tum tum Venglaia ka quarter sak lai khi villa tun thlaah hlawh ka pe ang che ati a iduh lo anih kha. Khi midang kan rawih tho angai dawn a I duh leh sawhchiar zuar loin I vil their eng a, sawhchiar chu duh leh isiam tho ang a chhun thingpui hmehah aman chu kan pe leh mai dawn che alawm” Mawia chuan alo ti a,Zampuii chu angawi vung vung a anthlir thap a ahnuah chuan,”Ni e, ka chak ber chu zaithiam nih hi lawm ka chak le” ati ve ta a.”Mahse engtin nge zai ka zir ang?” ati a,”Hei Mizoram pum huap pawha zaithiam lar aawm ve reng a ani kaihhruaina hnuaiah heti hian room hi kan siam tha ang a, inchungah I roomah irawn mu chho ang a a ni mai lawm” Zorina chuan alo ti a anphur tlang kher mai.



 Zan arei tak a vangin antin ta hlawm a. Hlimpuia chu a inkhalh haw in athleng chu in alo la eng tlat mai a a ngaihtha chiah lo chu hmanhmawh takin inah alut nghal a, a nu leh pa chu an lo thu dun a,”Ka pa ka nu engkim a tha vek maw?” a tia, Hlimpuia pa chuan,”Lalhlimpui vawiin enge itih a? Zan rei tun ang hun hunah te haw tur em ni?” ati vin nghal thawt a,Hlimpuia chuan,”Ka tih pangngai tho” an ti a,”Daw suh khawlaiah sawhchiar izuar nula nen sawhchiar inzuar” an ti a, nuber chu alo phu zuk a,”Aw haw Mama tinge sawhchiar izawrh a? Kohhran thalai sumtuakna em ni? Mahse min va zawrh lo ve?” nu ber chuan a lo ti a, chutih lai chuan Hlimpuia u Rs-I chu Bed room a tangin arawn chhuak a,”Mama tinge vawiin khan Helmet nen chauh khawlaiah I kal vuk vuk a, I kawr bante lah kha sawhchiar akai nuai a ihmaite kha aberh sia nuam ila tih hmel em em zui a. Tlaiah lah I roomah I awm a achang leh ithinrim vak vak a, achang leh I nui ang vur vur a” ati a,Nu ber chuan,”Chu nula sawhchiar zuar I kalpui maw? Saw saw lai Vanhminga ten nau nula fel deuh kha mi izawrhpui chu?” a lo ti a, Hlimpuia chuan a nuin nula fel anti kher chu aphur kher mai,”Ni e ka nu engtin nge ihriat a? A fel asin aw ka nu” alo ti phur nghal hur a,”Ngawi rawh! Nu ber lah hi sawi loh tur tur hi isawi ve ziah mai. Mama nu a fel viau em nula chu?” Hlimpuia pa chuan an ti nghal duam a, a unaunu RSi chuan,”Ka pa ihrelo anih kha a fel a mahse a bal reuh si atawp reuh thei lutuk Colleg-ah pawh khan Final yearah kan nih kumin a rawn lut ve a, kan ten thei tawp a mahse kei chuan ka ngaihsan ruk na ka nei ve tlat, a thawh chhuah in a inchawm ve tlat a keipawhin ka pawisa hian asawhchiar hi a rukin midang hi ka lei tir fo thin. A taimaa angaihsan awm a kawr leh kekawr leh lukhum hi vawithum emaw ni chu ka pe tawh a…” atih lai chuan Pa ber chuan,”Lo ngawi rawh u nula fakna hun ka siam lo. Lalhlimpui I pa hi MLA ka ni tih ihria em?” an ti vin thak a,”Aw hria e” Hlimpuia chuan alo ti a,”Hre si engatinge Helmet chauh khuma khawlaite ilen a?” an ti vin leh thak a,”Ka pa chahbi ka theihngilh alawm le” ati a,”MLA Fapa khawlaia Helmet nen chauha phur zet zet a leng vawk vawk an awm tawh em?” an ti leh a,”Awmlo ka pa” Hlimpuia chuan ati a,”Sim tawh rawh a hrim hrim ah zan in ang hian irawn haw tlai ngai miah lo a, arei berah dar 10 aia tlaiah I raw haw ngai lo a. A chhan ka hre duh a ka lo nghak che anih hi a chhan sawi tawh rawh le” an ti a, Hlimpuia chuan athil tawn asawhchiar zawrh dante chu ansawi a aunaunu chuan alo nuih leh kur kur thin a,”Chu zaithiam larin sawhchiar izuar a maw? I tlachhia anti ve fu lo maw?” alo ti zauh thin a,”Hmeli ngawi mai teh” Hlimpuia chuan ati a, zan a hla anzir dan pawh chu ahrilh nghal vek a Zampuii chu zai intihsiaknaa a tel ve dawn thu leh zai azirtir dawn thu chu asawi vek a, “A lawmawm e midangte tana malsawmna ini chu alawmawm hrim hrim” a pa chuan ati a an mu ta hlawm a. Hlimpuia chu achauh em a vangin amu nghal a anu leh pa leh aunaute chuan nula abuaipui anhriat ve chhun anih avangin,”Mothar kan nei ve dawn pawh ani mai thei asin” an ti a anphur phian a. 




Zing dar 5 ani Hlimpuia nu Pi Lalmawii chuan Hlimpuia chu athawh tlai avangin angaih tha lo chuan,”Tinge zingtin tun ang hunah hian itho hman ve ziah se” tih pahin Hlimpuia chu kaih thawh a tum a Hlimpuia chu alo tawngvai a a nu rawn lut chu,”Ka pi Sawhchiar ilei ve duh em? Palte khat Rs 30/-“ alo ti nuah nuah a, Hlimpuia nu chu a phu zawk a midang anawm ve emaw atia midang an enkual vel a ahmu bawk si lo a,”Enge maw Mama?” an ti leh a Hlimpuia chuan angai bawkin ansawi leh a,”Lalhlimpui tho teh tunge ka pi itih chu? I pi ka nia mi? I nu ka nih hi” tih pahin Hlimpuia chu abeng zawt zawt a, Hlimpuia chu atho zawk a an lo inveng a,”Ka nu enge a awmzia zing zingah min ben hrep a?” an ti chul a thilawm dan azawt a a nuin thilawm dan asawi chu,”Nimin sawhchiar ka zawrh effect anih kha” ati a, arawl kher mai Hlimpuia chu. 


Zingkar a tang chuan amah chuan abuai em em a amusic Instrument neihte chu akengkual deuh chhen a, apa lah chuan Chanchinbu chhiar pahin a melh leh thin a. A nu lah chuan eirawngbawl pahin a fapa chu a en aen a, aunaunu lah chuan mak ti deuh hian kawngdawmin ding chung hian alo thlir a,”Ka nu Mama hi enge atih a? Tinge hetia abuai vak vak a? Milar mihausa fapa mal duat ve si aduh leh hlawhfa ruai mai se ani mai alawm” ati a a pa lah chuan engmah sawi loin athlir mai mai a, a nu lah chuan,”Zinga ka han kaihthawh pawhin’ka pi sawhchiar ilei duh em?’ an lo ti pekah” nu berin atih lai chuan Hlimpuia unaunu chu alo nui nghek nghek a, anchhungkua chuan anthlir thap mai a Hlimpuia chu aphur bawk si nuam hi antih hmel khawpah. Dar 6:30am a rik chuan Hlimpuia chuan Motor-ah a duh zat adah kim ta ani ang Motor chu a en a anui vur vur a,”Ka pa ka kal” ati ringawt a ainkhalh chhuak nghal a, a chhungte lah chuan mak ti em em hian anthlir a,”Ka nu khawnge a kal dawn Mama kha?” Hlimpuia unaunu Rs-I chuan ati bui bui a, nu ber chuan makti deuha pawnlam en pahin,”Ka hre lo” ati maung ban churh a harh chhuak niawm tak hian pawnah chuan atlan vut a,”Khawnge ikal dawn Lalhlimpui Lalhlimpui ding teh ding tehhhh…Naua mai mai chuh akalna tur min hrilh loh ve chhun ania ava mak ve” ati a, Paber chuan,”Nui karleh nilaini anih kha kan fapa leh Pu Kima fanu inhmuh hun tura kan tih kha aw” lo ti bauh a.

Hlimpuia chuan Zampuii kawngka a kik dat dat a,”Tunge?” tih pahin Zampuii chuan kawngka a rawn hawng a, inbualzo tih hriat takin kekawr tlawn a ha a Towel ahnute khuh tawkin aveng a asam chu ahuh hlap a,”Enge zing kar karah irawn tih dawn?” ati a, Hlimpuia chuan engkhaw sawi set set loin Sound Box lian tawk anput lut nghal rup a,”Enge enge? Heyy!! I in em ni?” Zampuiin atih pawh chu angaihsak lo amusic Instrument neih chu athiar lut sur sur a. A thiar Zawh chuan anrem fel leh a Zampuii chuan abiak lahin a chhang duh bawk si lo a Zampuii pawh chuan athlir ta ringawt a athiar zawh chuan,”Chaw min chhum kep em?” an ti ngawt a,”Engvang chuan maw?” Zampuii chuan alo ti a,”Chaw ka lo ei dawn vawiin ah Zai intihsiakna tur atan form I fill up dawn kha” an ti zui a. Zampuii chuan eirawng a bawl a Hlimpuai chuan Music Instrument chu arem fel a Guiter anperh thawmah chuan Mabawiha leh Zorina chu anrawn chhuk a Instrument vel rem fel pui pahin anhun hman dan tur te chu anhan sawi khawm pah a,”Ta kana vawksa rep kha ka bagah khan aawm Mapui lo siam rawh chawhmehah” Hlimpuia chuan ati a,Zorina leh Mabawia pawh chuan chaw an inchhum kep tir nghal a Current anduh khawp lakna tur Plug anhmuh loh a vangin dawrah an va lei leh zawk zawk a Dar 10:00am velah chuan aninpeih thei hram ta a, Zampuii form fill up pui tur chuan ankalpui nghal a. Form Fill upnaah chuan Hlimpuia chu chibaitu leh thla lakpui tu angah kher mai, nula Zampuii a kaih lai tak chuan nula pakhat hi arawn chhuak a,”Hei hi em ni hmeichhia zai izirtir tur chu?” a rawn ti a chu nu chuan Zampuii chu hmuhsit hmel deuh hian amelh a,”Ni e” Hlimpuia chuan alo ti a,”A van hmelchhe reuhin anvan tawp hmel reuh tak” an ti a hmuhsit hmel deuhin akalsan ta a. Hlimpuia chu thlalakpui tu leh lo chibaitu angah hle mai a. Forma nfill up zawh chuan thingpuite an ina anbazar pah a. 



Zai intihsiak hma zawng chu Hlimpuia leh Zampuii chu an inchenchilh deuh chawt mai a ani. Zampuii chu Steam bath Facial leh vun lam enkawlna chi hrang hrang bakah thuamhnawte a leisak a achang leh an inhau a achang leh hlim takin annui dun bawk bawk a, chutih lai chuan enthlatu anneitih erawh an inhre der si lo. Zan lamah leh zingkarah chuan zai an inzirtir char char bawk a. zai aninzirtir lahin a chang leh Zampuii chu alo muthlu bawk bawk a, a chang leh Hlimpuia chu alo mutthilhsan mai thul a. Zirtawp zan a ni a chawlh anrel a vangin Zampuii leh Hlimpuia chu anzai mai mai midang chu anrawn kallo a, anzai zo chu thingpui an in a Hlimpuia chuan chute em em chuan Zampuii chu alo hmelthat theih aringlo a an inchei ve chu ahmeltha kher mai. Hlimpuia chuan dik tak chuan Zampuii chu aduh em em a,mahse a hrilh ngam lo a ni. Dik tak chuan a zawn chhuahna chhan pawh ahmeltha tih vang a ni. A duhzia hrilhna hun remchang chu ahmu chiah a, bawgpelh atum lo a Zampuii chuan aduh ve hleah a ngai hmiah tawh a. aluck bawk a nulate chu duh duh thing thei a ni a, mahse he nu lakah hian aduhzia hrilh turin inlak huaisen chawp angai hi mak a inti hial a ni. Zampuii nen chuan thutphaha chuan thingpui inpahin athu dun a anngawi rauh rauh a chutah,”Zampui” Hlimpuia chuan a ti a,“Hmm”, alo ti dam diai a,”Ka duh che a ni. Innei ang..” Sawizawm tur a hre tawh lo Hlimpuia’n Zampuii chu za lo deuh hian anui hak hak a,”A ho em mai thian kan nia lawm” alo ti a, Hlimpuia chuan arin dan anglo deuh a chhang chu a ngaihdan ani lo kher mai. Nula in anbem zawk thin a mahse tun a mi hi chu abem the tlat mai chutah a la duh lo zui a, chutih rual chuan a chanchin hriate chuan zaia sawm pawh anphur lo chho tan kher mai. Mhase sawmtu avai chuang miah lo a apa zarah enge maw zat chuan anla sawm reng tho. Chutianga chhanna ahmu chu alungawi lo chuan,”Ve tak a che ka luck asin tinge min duh loh? Mai mai a che ka mu dawn” a ti a amutsan daih a.

Zai intihsiaknah chuan Zampuii pawh atling chho ve zel a Top 5 chinah chuan ainhlangkai ve a, anlawm kher mai a an nu leh aunaute pawh anlawmin an inbe reng chanchin aninhrilh dun zel a. Final Result puan tukah Central Minister arawn kal dawn a chutah chuan Pakhatna Central Minister Programmeah a zai dawn a, a zaimanah nuai khat ahlawh dawn nghe nghe a, chumi tur chuan Contestantte pawh anphur kher mai. Zankhat Top 5 te an intihsiak hma dawn zan a zai anzir lai chuan Hlimpuia chuan sawhchiar siamin tawnzau nen Abron nen suan chhan keng chungin sawhchiar alo vil hlau hlau a, Zampuii nen chiah anawm avangin a chei pawh ainchei lem lo a ahmaite chu amang nuai a chutih lai chuan kawngka hi anrawn kik dat dat a, Zampuii chu Bath rooma aluh lai alo ni bawk si a Hlimpuia chuan sawhchiar ber chawi tuah tuah pahin,”Lo lut rawh” an ti a chhungte an lo ni lek. Hlimpuia anhan hmu chu anphu dawr a,”Mama” nu ber chuan ring zet hian anti a,Bath room atang chuan,”Tute nge kan inleng chu Lalhlimpui” pawr zet hian Zampuii chuan arawn ti a, “Ka nu lo thu ru” ati a,”Tunge ka tih chu Hlimek” Zampuii chuan arawn ti leh a Hlimpia chhungte chuan mak ti deuhin Hlimpuia chu anmelh a,”Ih englo a nia kan inkoh dan a nia ve a na ka nu ngaithu tak duh suh u(ring deuhin) ka nu leh ka unaunu anrawn kal” ati a nu chuan Hlimpuia chu abulah apawt thu a, Zampuii chu inthlaksain bath rooma tang chuan a rawn chhuak a Light engine achhun chiang bawk a ahmel chu atha kher mai anlo thlir thup a Rsi chuan,”Wow chhelo tawp” alo ti a, Zampuii chu annui sei a, Hlimpuia chuan mit khap lek lo hian a lo thlir a,a nu ber chuan a mit chu ahmaiah chuan anbeng chawrh a,”A na lutuk” anti tuar a”Ka pi in lo kal e lo? Awi U Rsi pawh a lo kal ve ringawt mai? I dam em? I chungah hian lawmthu sawi ka bat nasat thelul nen” tih pahin achibai a,”Ka nu ka ti ve tawp mai ang che u. Hei Hlimpuia hian zai min ziritr tawp a, phalna inpek a vang pawh hian ka lawm tak tak a ni. Thian ka neih ve chhun tak meuh meuh a nia. Thingpuite in rawh u aw hei sawhchiar inlengte eitur Special takin ka siam a in ei ve ngei ngei ang tiraw?” an ti zung zung a. Rsi chuan,” I damtha zawk maw? Lawmthu sawi angai hleinem khangte kha chu kan inpuihtawnna alawm, Hlimpuia hi ka unaupa a nih hi.”a ti ve a, Zampuii chuan thingpui alum a nu ber chuan inlapui thu takin,”Nia thingpuite chu han in ila kan fapa hian zai hi mi chi hrang hrang a zirtir thin a, mahse tun tum chu a tui tlat mai a, chutianga fa ber atuina hmun chu en ve pawh kan chak a kan rawn kal mai mai anih hi. Kha I hmelte pawh achhiat loh kha maw le. Naktuk tlai te chu chaw rawn ei phei u la a tha ang” an ti a, “Khai a ka thu lo a kei chu thu tlukna chu hei Hlimpuia siam tur hi ania a thu thu a ni mai. Mahse kan pahnih chauh a rawn kal chu amawi lo mai thei zan in hian midang anrawn la thleng lo a” a ti a, nu ber chuan,”A nih chu maw le a nih chuan inpahnih chauh a inrawn kal theih dawn loh chuan remchangah ithiante nen chuan chawei kan siam sak ang che u” ati a, sawhchiar chu anei Hlimpuia chuan,”Nu a siam tui tiraw?” an lo ti a chutih lai chuan midang pawh anrawn thleng a Hlimpuia nu leh pa anhmuh chuan anzah hle mai a, Mambawiha chuan,”Rsi chu irawn kal ve the mial elo? Zan in chu Keyboard rawn tum la” ati fiamthu a,”Ngai lo ka tan ahawk sak zanah thlah haw leh te a ngai ang” Hlimpuia chuan alo ti fiamthu a,”I pa hi Aizawl lamah Meetingin a kal a arawn haw hmain kan nufain kan rawn leng anih hi, Mami a awm loh chuan ka khua a har lutuk ang e” nu ber chuan a ti a thil anei zawh chuan an in mangtha hlawm a.

Top 5 intihsiak hun chu zan ni mahse chhun chu Hlimpuia tan hun hrehawm tak a ni. Chumi ni chuan anupui tur a anlo hual deuh Makimi nen chuan an inhmu dawn a, chuvangin Zampuii bulah pawh aawm hman dawn lo. A rilru buaina ber zawk chu Mizo mipa zaithiam Henry-a arawn tel ve tur chu a ni. An pahnih hian inel reng reng hian ankhawsa pek a tunah pawh Zampuii hi arawn chhaih vaih chuan Zampuii chuan tawngkam tha tiin alo be tha leh ang a..chu ringawt pawh chu angaihtuah ngam lo a be tur ani lo hrim hrim. Dar 11:00 am chiahah chuan Partei chu a rawn lang a Hlimpuia chuan a hman lo tih Zampuii chu ahrilh a, ahman lohna chhan a hrilh thei lo chu hrehawm ati. Zampuii lah chuan engmah hre loin a loYes chiang lutuk te chu athin hi arim hian arim hluah hluah a, Zampuii han hauh antum ngial a hauhna tur ahre bawk silo ring deuh deuh hian ahming hian phone ah chuan ako vak vak ringawt a. Zampuii pawh a hlasak tur chu apractice zawh chuan chawhnu dar 2 ari tawh a, a haw tur chu intihsiaknaa drummer chuan arawn ko a,”Englo thil tih chak deuh mai ka nei a ti thei la ka ti hle mai” a rawn ti a, aduh dan chu asawi a Zampuii chuan,”Pakhatna ka nih hlauh chuan kan ti dawn nia” tiin thu atih tlukpui a. Venglai chhuk thlaah Bethel dawrah a unaupa te chuan lehkhabu an en lawk a chumi chhung chu Carah alo thu a, chutih lai tak chuan Hlimpuia hian a bolero var chu arawn khalh chho a nula hmeltha zet nen hian hlim hmel takin an ti ti a, Zampuii chuan athik rilru kher mai a mahse ni theiin ain hre lo.”Nilo ka thik tur a ni lo, tinge ka lo thik ve ngawt a?” tiin a inngaihtuah a mahse Hlimpuia’n nula aphur ahmuh chu a thik lo thei lo a ni. Hlimpuia chu ahmangaih a ni tih chu a inhre chhuak chiang hle mai, a hmaa asawm lai hun kha anngaihtuah a a inthiam thei mawlh lo. Zanah pawh chuan aphur lo ru kher mai a an thlir vel thin a Hlimpuia chu ahmu silo a arilru chuan nuam lo ati hle mai, call mai a duh a mahse angam chiah bawk silo a aphone chu a en rauh rauh thin a. Hlimpuia te ve thung chu anhaw a tlaiah chaw an ei a chaw ei lai chuan Partei chuan,”Ka nu ka pa Hlimpuia hi chu midang ta tur a ni e. Zampuii hi ka la hmu lo a chumi ta tur chu a ni e” ati a, an len chhuah dan chu a sawi ta vek a, dar riat velah chuan Partei chu Hlimpuia chuan a thlah ta a an inhtlah haw kawngah chuan Hlimpuia chuan,”Parte” an ti thawp sat a, Partei chuan Motor meuh atih din a vangin enge maw pawimawh tak a sawi dawn in aring a,”Enge ni?” Hlimpuia en kal chung chuan ati a, Hlimpuia chuan ring deuh hian,”Ka lawm latuuuukk” tih pahin Partei chu ava kuah vak vak a,”Khawi teh khawi teh thil min tihsak ve a ngai ang” Partei chuan alo ti a,”Enge ka tihsak theih ang che?” Hlimpuia chuan alo ti a,”Mambawiha kha kha I music play pui thin tum hma a mi kha min lo biak rawh ka hmu zauh zauh thin a”ati a,”Tehreng mai” Hlimpuia chuan hlim zetin a ti a. Zampuii chu azai zo tawh a Programme dang a awm a vangin anla bang lo mai a ni. Hlimpui ahmel hmuh chak chuan a ring afan afan a chutih lai chuan hnunglam a tangin Henry-a chuan arawn bia a, chutih lai tak chuan Hlimpuia chu arawn lut a Henrya’n Zampuii an be vel chu arukin alo thlir a, Zampuii chuan Hlimpuia chu a va hmu a mahse a biru zuk zuk si a chutah Henrya chu amelh bik hle tih a hria a, Henrya chu Hlimpuia run luih nan Hlim tak in nui sang hian anbe deuh reng a Hlimpuia chuan an inbiakna chu thei leh thei loin abihrukna atang chuan alo ngaithla a a va thlek zawk a alo biru leh zuk thin. An inbiak rei tak a vang chuan Hlimpuia chuan tawng a hre tha thei bawk silo mi anlo kal sek bawk si a va pawh ta nge nge a,”E khai kha Henry irawn kale lo? Hei hi(Zampuii kuah pah chuan) ka zai zirtir ania akawp pawh hi kan inkawp nghet a sin” tiel tak hina anti a. Henrya chuan,”Zampui anih chuan..naktuk chhun chu kan pahnihin thingpui in ang aw” mit siai pahin an ti a,”Ta kana Zampui naktuk chu Final te a ni bawk sia Top three itlin lawmna kan neih dawn tak kha maw le. Henry isawmna chu azahawm viau a ahman lo tlat” nui lui leh tiel zet hian anti a. Zampuii chuan ten hmel deuh hian Hlimpuia chu alo en a,” A nuam dawn e tiraw Zampui naktuk chu chawhma lamah anchei zawh hunah che ka pahnih chauhin thingpui kan indawn nia” ring zet zet a nui pahin leh Henrya tiel deuh hian Hlimpuia chuan anti kher a. Henrya chuan zawite Hlimpuia hriat tur ni si mahse ahriat tur ni awm lo tak a zawi si hian Zampuii hnenah chuan,”Nia, naktuk chu kan tum dawn nia aw kan pahnihin kan hlim ka beisei a ni” ati sap a, Hlimpuia chuan,”Maw? Eng maw?” mak ti zet a mitkhap zuk zuk pahin arawn ti a Henrya chu a kal nghal daih a Hlimpuia chuan,”Lalzampui” an ti tuar a,”Enge beng chhet kan awm loh hi khati au vak vak kha angai ami?” Zampuii chuan arawn ti let tuar a, mite chuan an enduh kher mai.

Zampuii chuan zan lamah Top 3 intih siakna leh Result puann anneih dawn avangin a tang hle tawh a, chauh pawh asawi theih tawh loh. Zing Dar 7:00 am ani a inah chuan zai anzir tlut tlut a, chutih lai chuan Hlimpuia phone hi a ri a pawnah a chhuak a arawn luh leh chuan Zampuii chuan,”Hla zir lai hian Phone hi be ve ziah tawh suh” ati vin hlak hlak a,”Zampui tunah hian inkhuaah kan nghal ngai a nih chu. Tukinah I nu zing thingphur tur a che sual a biak theih ani lo mahse hlauh thawn awm chu a ni lo a nia” arawn ti a, Hlimpuia phone chu arawn ri leh Hlimpuia chuan Zampuii chu Phone a pe a,”Hallo..Aw ni e..Maw? Ka nu maw? Aw..kan rawn kal nghal ang (a mitah chuan mittui atling pam a,Phone chu Hlimpuia pek pahin) Eng tin nge ni ang?” Hlimpuia chu melh pahin ati a,”Insiam la he lai chu he lai hi ani a thiante hian lo ti fel mai se I pi leh pute pawh khi ka hrilh ang chuan keini chu kan lo han tlan chho nghal dawn nia” ati a, Hlimpuia chuan Zampuii chu a thuamhnaw tul atih ang alaksak pahin athiante chu thil awmdan ahrilh nghal zung zung a, chumi chhung chuan Zampuii chuan a inluah neitute a lo han hrilh bawk a Hlimpuia Motor chuan ankhaw lam chu anpan ta a. Chawhma dar 11:00 am ah Zampuii te khua chu an thleng a mite chuan anlo hmuak a lo chibai duh lah anlo tam mai a mahse Hlimpuia chuan,”Vawiin chu Zaithiam vang niloin dam loh vang a lo kal kan ni a min hrethiam hram ru” ati a, inchhung anhan lut chu Doctor leh Nurse te hian anlo bial tai a tuma hmuh anphal lo a. Chumi chhung chuan chaw leh ei tur lam anlo ei thung a,’Zampui inti fai la’ hlimpuia chuan ati a Zampuii chuan Hlimpuia en pahin,”Ka nu hi a harh hma loh chu intihfai ka tum lo” a mittui tla fap fap chung chuan ati a, Darkar hnih zet anbeih hnu chuan a rawn harh thei ta hram a Zampuii hming chu alam a vangin Zampuii chu atlan phei nghal a,”Zampuii I nu hi thisen sang anei a chuvangin enkawl fimkhur deuh u la, thau leh mawm lampang ei tir lo ula..” Doctor chuan a lo ti a, Zampuii chuan a nu chu akuah a,”I lo haw duh anih kha maw le Zan in kha Final a ni si a, I pu te ka bia a kan kal ve thei dawn si lo a nu leh pa chan chang turin ka chah kha” a nu chuan a lo ti a. Chumi hnuah chuan ti tit e anvawrh a an thiante pawh chu anlo thleng hlawm a, Mambawiha te unau pawh chu anrawn thleng a Zampuii pawh chu a inbual ve ta a. Hlimpuia chuan,”Hei hetiang kan nih chuan kan chhuk leh nghal dawn emaw ni le aaw? Zan in hi final a ni si a tan hunk ha ahma leh bawk si a tunah hian kan thlen th;lak a chaw kan ei chuan kan inpeih hman lo deuh hlek tawh zawk ang” a ti a anlo remti tlang a. Midangte pawh chuan muangmarin anzui thla a ankhua a tang a chuang thla ve duh leh Zampuii tawiawm tum pawh an lo tam khawp mai.

Lunglei an luh chuan khua chu athim tan der tawh a Zampuii chu a helhhawlh nge ni a awm hle hle thei tawh lo a Hlimpuia chuan,” A buapui tute thil awmzia ka hrilh vek tawh a chuvangin phi sek suh” ati a, in a lut ta lo chuan Intihsiakna lam chu anpan nghal a, intihsiakna hmun chhak lawkah chuan an lut daih a Zampuii chu a anng zuau hman a angawi leh ta a. A thuam hnaw anphelh sak sawk sawk a,”15 Minute Steam bath I ti ang” an ti a Steam bath a tih chhung chuan thil awm dan chu Hlimpuia chuan alo thli thlai a Darkar Chanve in Zampuii vangin hun chu anlo pawt tlai alo ani a. Steam bath ati zo chu athenin avun a thenin a ke athenin akut athenin alu anlo chei a anbawr huk nghal a, chumi zawh chuan chaw an ei a chawei nghal a. Puar peng pawngin intihsiakna hmun anlut chu itihsiak anlo tan tawh a an tum dan chuan hla te pawh a duh tawk ala thlang hman tur a a inngaih lain athlang hman ta tlat lo mai. Top three a tling ve Rinfela chuan Zampuii ahmuh chuan alo kuah a,”Pawim ka tih pui hle mai che. Ka tan chuan Lelte ini” alo ti a, chutih lai chuan Host chuan zai mek Christy chu azai zo tawh lawmthu sawina vela lo neih tir a chumi chhung a Musician rawn lute chuan anrawn en ka hau hlawm a, Drummers chu ako hrang a ava bek bawrta a Drummer lah chuan athiante chu ava bek bawr leh a..

Host chuan,”Tunah ahnu hnung ber kan ko taw hang” tih pahin thil awmzia a sawi a chumi hnuah uar em em hian Zampuii chu zai turin ako chhuak a, Boruak chu a reh dak a Stage-ah chuan tumah anawm lo Drummer hian khuangte a keng a Mizo inthuam dik takin khuangte beng pahin Stage arawn lut a ngawi khuangte chu abeng ri kauh kauh a,German rallian..tham deuh nalh tak leh Aw zo veh vawh tih hriat takin Zampuii chuan arawn ti lut a mipui chuan kut anlo beng dur dur a, changkhat asak zawh chuan Musician ho nen anche ta. Rock Music lam pawl lek lek hian Zampuiin duh tawkin German rallian tih hla ansa chiah chu a thiam ngang a ni ang Judge zinga hmeichhe awm chhu chu amittui atla zawih zawih a, an zai zo chu a reh thuap a Host ke pen thawm chu vawihnih ari a reh leh ta daih a chutah Judge pahkhat zawk hian ding chungin kut arawn beng a chutah mipui chuan kut anrawn beng zui nghal a,Host chuan,’ Rawn chhuah ka tum a I zai zo tawh si a ka pen chiah a areh ta duk si a” a ti a, Judge te chu arehna chhan anzawt a chumi hnuah result puanna aneih dawn avangin Zampuii Contestant puite chu a ko chhuak a mal mal chuan ankawm vel a, Zampuii intihsiakpui pahnih chuan Zampuii chu pakhatna anih anring ve ve a chumi hnuah chuan Stage hnunglamah anlut leh a chumi chhung chuan MLA hian thu a sawi a,”Naktuk chawhma dar 11-ah hian Central misnisterin Programme a nei dawn a chuta zai tur chuan, Zampuii kha ka it viau nang a kan lo tiam taw hang in, pakhatna an zai ang” a ti a. chumi hnuah chuan result puan ani ta. Zampuii chu pakhatna chu ani ngei a boruak athain thawm paw haring kher mai.

Atukah chuan engkim anpeih sa diam ang a Central Misnister hmaah German Rallian a sa ang a a sak zawhah a haw nghal dawn a. Bialtu MLA pawhina tawiawm thei dawn nghe nghe a ni. Hlimpuia chu Central Minister hmaa Zampuii zai tur chu tel ve ngei a duh a, mahse music Instrument vawn tur a nei tlat si lo a a sirah khuangte vaw turin anti a,”Ka duh mai mai lo milar khuangte vawtu nih chu ka duh teuh lo’ anti tak nang a telve na tur a nei ngang si lo a, atawp a tawpah chuan second Voice pek pahin khuangte chu vaw tur chuan along chu adam thei ta hram a. Items an han perform tur chu Hlimpuia chuan mizo thuama inthuamin khuangte arawn ve bek bek a , a pa atel dawn tih ahriatsa a vangin apa ahmuh pawhin chi ai lo turin ain sangmar viau a, mahse a pain anhmu thut chu aphu dawr a a tarmit chu anvuah tha a Hlimpuia chu chiang em em hian an en a Zampuii chu arawn zai nghal a, anzai zawh chuan Hlimpuia chu Bath room-ah alut dawn a apa rawn chhuak chiah nen chuan an inning a,”Hei Nau khatiang khuangte vaw mai mai tur khan he laiah hian enge irawn tih ve ringawt a? Nizanah pawh itel lo reng reng I insawi lut chawp pek ani maw?” tih pahin akuai kun a ahnungah a chum a aluah a kek nghek a, Hlimpuia chuan,”Ka pa a naahhhh’ atih lai chuan Zampuii chu a rawn lut thut a Hlimpuia chu apain alo kek bu lawp lawp ahmuh chuan aphu chiang kher mai,”Tinge?” an ti vak a anpafa chuan anrawn hawi a,”Ka pa he nu hi I mo nu ani mai thei a, ani lo mai thei bawk a nia” ati a,Zampuii chuan Hlimpuia chu amelh nghek a Hlimpuia te pa fa chu an ding ngil dun a Hlimpuia pa chuan Hlimpuia kawr ha lo puan chiah veng chu ahnungah thip thak khawp a ben pahin,”Zampuii maw? I zaithiam ka ti a ifans ka nih hi vawiinah I haw rual in inkhuaah ka rawn kal ve ang” an ti a, Hlimpuia lah chu ahnung chu na tiin a sirah alo vial ngawl ngawl a,”Zampuii ka pa anih hi” na ti hmel deuh hian a ti a,”E he ipa maw? Khawi inchibai ang ka pa, Hlimpuia hian zai min zirtir a a zarah tun dinhmun hi ka thleng thei asin’ Zampuii chuan ati a, an inchibaia an inhmelhriat zawh hnu chuan an chhuak phei a Hlimpuia chuan,”Pa nula hmaah chuan inben chi tawh loh” a ti sup a, chutih lai chuan Hlimpuia pa chu thusawi turin ahming an lo lam sek tawh hi a lo ni a,ring mangkheng hian,”Ka lo kallll” an ti thut maiah an enthup a.

Zampuii te chuan ankhua chu tlai lam dar 5-ah anthleng a inkhawm tawi anlo buatsaih a chutah chuan antel nghal a,Zampuii chu Hlimpuia te pafa chuan ankar cheh ran mai a zawite hian Zampuii chuan,”Hlima engmah min p eve dawn nange?” nui sang thinrim mitmeng hian ava ti a, Hlimpui chuan nui sang thinrim mit meng hian,”I mawng anih chu a” alo ti a, Zampuii chu athinrim kher mai Hlimpuia chu asik hrep a ahnungah chuan mi anthu ve thup si a sawi rin chi ani silo. Chairman chuan,”Tunah chuan kan khaw hlado chham thiam Pu Thangkapa hian Zampuii pual hian hlado kan siam tir a tunah lo chham rawh se” a ti a, Hla do chham tu pa chuan thuhma tlem aneih hnuah hlado chu achham ta silai antin vang vang a, chutah ring zet hian,”Kei chu eeee” an ti chu Hlimpuia pa chuan,”Aw enge nang chu?” anlo tit hut a, hla do cham tum tupa chu aphu zuka silai chu ahmet puak thut a ahnunglam ho chu annui dir tlek tlek a, Zampuii leh Hlimpuia pawh chuan anhmai anhupa annui char char a Mipui lah chuan chutiang chu engmah hre loin,”A ni zawng Hlado chham thiam tih takah chham dan tur pawh ahre kher mai a, ahun leh hmun athliar thiam a ni” an lo ti sap sap a, Zampuii chuan Hlimpuia pa chub en pahin,”Ka pu ivan ho ve tak” ati a MLA pa lah chu inti mi take m em hian mipui chu amelh voh voh a, Ahnungah chuan Zampuii chuan ahmai a phum a anui char char a. Thusawina hunte anhawng a thil pekte an hlan hnuah Hlimpuia te pafa pawhin thu ansawi a chumi hnuah chuan hun chu ti tawpin Dar 9 velah chuan chaw an eithei ta hram a.

Hlimpuia chuan Zampuii chu aduh tak zet a ahrilh thin a mahse Zampuii chuan ala thu tak thei lo em em a zanah pawh chuan amuhil thei lo, Zampuii chu tunge a bialpa tih ngawt angaihtuah a sana a ena Dar 12:26 alo ani a, mut tumin ading a chutih lai chuan Zampuii chuan,”I muhil thei nange?” arawn ti a,”Nia, mutna han sawn hi chuan mut thilh hi a har a ni” alo ti a, “Engmah min p eve dawn lo tak tak maw?” Zampuii chuan Hlimpuia bula thut pahin a ti a,Hlimpuia chuan,”Lawks” tih pahin inchhungah alut a arawn chhuak leh chu thil pek bawm hi arawn keng a,”Hei hi itan ka tia a chhan chu biak reng che ka duh a ni. Engtik lai pawh a biak che ka duh a, mahse nang chuan I duh lo a. Ka hman chang chang leh ihman chang chang chuan inbe ve thin I la” ati bauh bauh a,Zampuii chuan,”Ka fiamthu asin dik tak chuan ka tan hian thil pek tha tak ka dawng tawh a chu chu nangmah ini a sin” ati ve ta a,”Maw maw? Kei hi min duh maw?” Hlimpuia chuan phur zet hian arawn ti a,”Kha thil pek kha ihawng dawn nange?” an ti zui a,”Dawn hrih lo ka thil pek chu hei hian kan hawn khalh ang e” tih pahin Hlimpuia chu afawp zeuh a, Hlimpuia chuan mak tiin ameng phawk hru a chutah,”Ka hmangaih che asin” Zampuii chu pan hnaih pahin a ti a,”Kei pawn” tih pahin Zampuii chuan Hlimpuia kuahna chu hnar ahnekin alo tawiawm tha hle zawk a.