KS VIRGIN 4

Chapter - 4

GiC: Hriati
Ziaktu: Peter Rinfela

Ka nghak ru deuh reng a, min chhang duh tawh mai si lo, a tawpah phei chuan ka call ta ringawt a, a reject hmiah hmiah mai nia mawle, a thuruk ka hriat avangin min hlau ta mai zawk nge? Vawi 3 ka call hnu chuan a phone a off ta daih mai a, a va zia lo thin! Ka tih loh tawp tur ka ti tih ka in hrethiam ram ram.

A tukah chuan hma takin ka tho a, ka inbual fai te te a, ka walk peih bawk silo, rawng ka bawl peih bawk si lo, Sangtei te dawr lamah bawk chuan ka in khalh phei leh ta a, whatsapp ah a last seen ka en a, tukinah ala online lo lehnghal, a buai ltk amawni le ka ti rilru a, An dawr ka luh chuan Amy leh midang thenkhat chu an lo awm tawh a, Sangtei ber chu ka hmu lo tlat.

"I rawn kal ve teh miala!" Amy in a rawn tih chuan "Ka rawn kal mai mai, I thlenna rei tawh em?" kan ti a, "Rei ve tawh tho" a ti a, ka mitmeng leh che zia chu a man thiam nge mawni "Sangtei chu nizan khan a khua sika, a rawn kal hma lo ang" a rawn ti leh nghala, mak ka ti ang reng hle a, chumi hnu ah reilo te ka awm khawtlaia, ka chhuak leh ta a, ka rilru leh ngaihtuahna chu Sangtei ah choh chuan a awm ngut ngut a, ka call ta ringawt a, a ring ral thak mai! Thinrim zetin ka car chu ka khar ri bura, nizana ka tawngkam vang kha mawni le min biak duh loh, min chhang se ngaihdam te pawh ka dil mai tur ania, ka text leh a, "sorry for last night!" ka phone chu dahin motor chu ka ti nunga, an veng lamah chuan ka in khalh phei ta a, sana ka en chuan dar 7 a pel duai tawh a, office kal tur ka nih vangin ka rei hman dawn lo tih ka in hria, hetia zing kar karah hmeichhia ka pan hi ka in ring ngai lo a, keimah chu mak ka in ti leh hnuhnawh, ngatinge henu hian min hip tak tlat mai le, fa nei tawh leh nghal, engmah a chanchin ka hre chiang lova, ka hriat chhun chu pasal neilo in fa a pwm a,a fa chu awmpui lo in a nu leh la pa te bulah a hnutchiah tih zawng ka hria, chuti chung chuan amah hmu lova let leh chu ka thei der silo.

Nimin tlaia ka thlahna hmun chu ka thleng a, an in luah chu building in lian angreng tak mai hi anina, car a tang chuan chhuakin ka hawi kual ruai a, chhawng chunglamah nge hnuai lamah an awm tih ka hre bawk si lo a, building garage bulah chuan ka tei deuh sek, chutah nu pakhat la upa lutuk lemlo tih hriat tak hi a rawn chhuaka, ka va pan ta vat a,

"Hemi buildingah hian Sangtei i hre mial em? Khawilai ber nge an luah le?" kan ti a, Chunu chu a in ngaihtuah ngial hnu pawh chuan a hre lo nge mani, a lu a thing deuh nar nar a, ka beidawng thelh mai a, tu emaw zawh leh phawt tha a ka hriat avangin kan nghak leh deuh a, sana ka en a dar 8 a ri ani tawh mai si, ka rilru a hmanhmawh hle.

Hmeichhe tleirawl te pakhat lo chhuak ka hmuh chuan ka lo ti ding leh vata, Sangtei a hriat leh hriat loh ka zawh chuan mi en deuh vung vung mai a, zawhna mitmeng hlira ka khah vang nge ni "Sangtei ka hriat chu room no.11 ah an awm a" a rawn tih chuan ka thawhuai mai, Lawmthu ka hrilh chuan a kal ta a, mi la en zui vung vung tih chu ka hre thei. building kawngpui an chu room no.7 leh 8 ani a, stepah chuan ka chhuk thla , room no 5 leh 6 alo ni a, a hnuai lam atangin an chhiar anih hmel, lift a awm bawk si lo a stepah chuan ka tlan chho leh a, 9 leh 10, ka chawl det a, ka chho leh ta zel a, 11 leh 12 chu a chungberah alo awm a, 11 kawngkhar hma a chuan ka ding deuh vang vang a, thawk ka la ham ham bawk.Kawngkhar chu ka kik dat dat a, rei vak lo hnuah chuan tlangval pakhat hian a rawn hawng a, a hnung lamah bag akin a in chei vur lehghal,

"Eng ni?!" mi en chik hle a.

"Sangtei a awm em?"

"Awm e, mahse a damlo a amu a" a rawn tih chuan ka nui saka , "Ka hria lawm ka rawn tlawh dawn a"

Chu pa chu tlemin a hmel a pangai ve ta deuh a, "Lawkin aw, lo lut rawh" tih pahin bedroom lam chu a pana, "Sang, hei tu emaw an lo kal a" ava tih chuan sitting roomah chuan ka lo ding a, reivak loah Sangtei nen chua an rawn in zui chhuak a, ka lo en vata, a pawr angreng hle, a sam chuan a dar a vawthlahnap a, ala khuih lo tih a hriat hle bawk, min rawn hmu chu a meng kawk tih ka hrethei, mahse reilo te ah pangai takin a awm leh vat a, a in thunun thei hle in ka hria, "Lo thu la, class ka kal dawn a" chupa bawk chuan a rawn ti leh a, ka bu nghat nghat a, chumi hnu ah a chhuak ta a, Sangtei nen chuan kan in hma tawn ran a, a bulah chuan ka a ding phei a.

"I tha em?!"

"Umm tha ni mai, engtin nge i hriat?" tih pahin thuthlengah chuan a thu a, kei chu ka la ding reng, ka hriat dan choh a ngaihtuah mai,

"In dawrah ka lo kal a"

"Amy i thlah mi?"

"Thlah lo e, tinge i khuasik?"

"Ka hre bik lo, hritlang vang niang"

Abulah chuan ka zuk thu a, ka khawngaih angreng, zawhtur ta tak ka nei a, chutih laiin damlo biak vak vak mai chu tha in ka hre chiah sinlo. "Chaw i ei tawh em?" kan ti leh ngawt a.

"La ei lo, tam lo a"

"Kha khami i causin chu"

"Umm hmeichhe dang pakhat nen"

"Garage a ka biak kha mawnle"

"Tu maw?"

"Tleirawl pakhat, inin luah ber ka hre silo a, ka zawt a"

"Hehh... Anih dawn chu"

A hmel chu ka en a, hahdam se ka duh a, ka hawsan phal bawk si lo, ka en leh deuh vang vang vang thin. Amah lah chuan mi melh zawk zawk tih loh chu mi en ve bawk mang silo a.Hmeichhe damlo dang anglo takin in tih no vel a tum lo a, a hmel en in a chau tih chu a hriat tho bawk si, "Class an la kal ve ve mi?" kan tih leh chuan a bu nghat a, a heh hnuailam chu a pet, a thlah hnu chuan a sen deuh hlar a, fawh a chak awm reuh phian leh nghal, min pawh lo hle tih ka hrethei a, kan awmdun zan anga han awm kha ka thei tawh mang silo, khami zan kha chuan pawisa vangin ka hnuaiah a awm a, tunah erawh kum 5 lai aliam tawh si, khang hun chhung khan enge thleng ka hre si lo, a fapa chu ka ngaihtuah a,

"I fapa chu kum engzah nge ni tawh a?" ka ti chhuak deuh phawng a, mi rawn melh zawk mai.

"Thla hmasa khan kum 4 tling"

"School kal tawh em?"

,"Aw tunkum tangin"

" Hh apa chungchang vel ka sawikha chu ka tihpalh nih kha"

"Ka hria lawm" a rawn ti leh mai a, ka ngawi roh roh.

"Apa nen in in neih em?" kan ti leh a, a thaw halh a, a mitmeng chu a pangai ta lo, a thinrim deuh tih hriat tak hian min melh a, min ti hamhaih tep,

"Hetiang chungchang sawi hi ka duh lo" a rawn ti chang fak mai a, ka dang aro nghal nghulh nghulh thei, ka chil ka lem ta khawlh a, "Ohh tihpalh" kan ti zet a, a in thlahdul ve leh deuh tih ka hmu thei, "I chhungte chu khawnge an awm a" kan ti leh a,

"Lawngtlai ah"

"Naute pa Lawngtlaiah a awm ve em?!" ka va zawt sual leh chiang em!! A ding ta phat mai a, kawngkhar lam a kawk a, "Khawngaihin chhuak rawh!" a hmel chau tak chu thinrim tih hriat takin a sen deuh awp awp a, mawl ka va in ti em!! ka ding ve a, engthil chiah nge maw ka tih le, ka zawh loh tur tur ka zawt tih ka in hria, a hmel pawh en tawh lo in kawngkhar lam chu ka pan a, zaktaka haw tur ka ni tih ka in hria, mahse ka haw chuan engtikah mah a hmel ka hmu ngam tawh lo ang, a bula awm ka la chak tih chu ka in hre thei, htiatchian zel ka la duh a, heti ringawt chuan ka tawp san theilo ani. Ka in hera, ka va pan hnai a, a in rin hman hma chuan ka kuahbet thlawp a, ka kuai dak a hmuiah chuan ka fawp ta chawt chawt a. A tal nasa kher mai, a kut ka man bet a, a ai uarin ka fawp chhun zawm bawrh bawrh bawk.

Story dang

Chhunzawm tur ----

Chapter 1

Chapter 2

Chapter 3

Chapter 4

Chapter 5

Chapter 6