KS VIRGIN 3

Chapter - 3

GiC: Hriati
Ziaktu: Peter Rinfela



A hmel chu chik taka en in, min la hre ve nge la hre ve lo tih hriat tumin ka chik hle a, min hre awmin alang lo a, a melh pawh min melh lo, kalbo daih se min ti rilru ni awm takin min melh relh relh choh a, in tih nelawm tum takin "Tunlai khaw awm dan hi chu a ngei awm ngawt mai, tlai lamah hian ruah a rawn tla ve ziah mai a, sur vak ta law law se tha thin tur" kan ti hluai a,
"Chu chiah!" tihpahin Amy chuan thingpui no hi a rawn chawi phei a, ka ta tur a lo ti tel hlauh chu ka lawm ru angreng, kan bulah chuan a rawn thu a, chutah "Sangte i thlenna a rei tawh em?" an ti leh a, Sangtei chuan Amy chu en pahin a nui deuh a, "Aih keipawh ka thleng ve deuh chiah" ati ringawt a, a thingpui in lai choh chu a ngaihtuah leh a, keipawh chuan thingpui chu in ve in "Tlaiah rawn hruai i ngai leh ngem Amy?" kan ti a,
"Hre lo le, i buai thei awm si a, in thlahrunawm" an tih chuan ka nui ringawt a, chutih lai chuan Sangtei chu a tho a, "Min lo hrethiam ula, tihtur ka nei lawka" tih pahin a kal chu ni nghal deuh mai, Amy hnenah chuan "A no.i nei em?" ka ti tawl mai a, Amy chuan mak tih hmel zet hian "Sangtei kha maw?!" an ti a.
"Umm.."
"Nei e, tinge? i star deu mi?!"
"Star nang"
A rawn nui chhuak a, "I star anih kha, a no. min dil dan atangin ka hre mai"
"Chutiang ani lo, ka hre chiang duh mai mai a"
"Khamaw..."
"Ti mai mai teh"
Nui rah rah chungin a no. chu kan in pe ta a, ka hlim ru khawp, ka star pawn ka hre lo a, KS hna kha ala khawih reng em tih hriat ka duh mai choh ani.
Thingpui ka in zawh chuan keipawh chu ka haw ve ta nghal a, rawngbawl lo in office canteenah in hnawh puar mai ka riltuk ta a, ka in buala, office kal tur chuan ka insiam ta nghal a.
Chhunah chuan Sangtei chu biak ka tum zet a, an hna an buai lai tak te alo nih takin ka tibuai mai ang tih ka hlau bawk nen, a whatsapp dp chu ka en a, khawilai step pakhatah hian a thu a, a awm bawih thiam angreng hle mai, a status ah chuan, 'Ka rinchhan Lalpa' tih a hmang bawka, biak tum, hreh deuh siin ka awm nileng ani ber.
Tlai ka ban chuan Amy hruai turin an dawr lamah chuan ka in khalh phei leh ta thawr a, min rawn hruai rawh chu a ti lo na in Sangtei hmuh leh hrim hrim ka duh avangin chhuanlam atan ka hmang thei ani. An dawr ka thlen chuan mi an lo awm vak lo a, Sangtei leh hmeichhe pathum dang hi an lo awma, min lo en thup chuan ka lai lek lek mai, Amy ka hmu ve der lo lehnghal, hmeichhe pakhat hian "Amy chu chin deuh khan a haw tawh a" alo ti hlauh a, an mahni ho chu ka en kuala, haw mek an lo tum ve anih hmel.
"A nih chu mawle, ka lo be hmasa lo a" ka ti ta ngawt a, chutah "Kha in haw tawh dawn mi?" kan ti leh a, "Aw hei khar kan lo tum mek a" an tih chuan thupha te chawiin ka chhuak leh ta a,ka car chhungah chuan ka luta, Sangtei te lo chhuah hun chu ka nghak roh roh a, engthil chiah nge maw ka tih le? Amy ber a haw tawh a, haw ve nghal tur ka nih nen Sangtei ka la nghak tlat mai si, ngah nge maw ani hi ka ngaihtuah tlat le?
Dawr a tang chuan an rawn chhuak a, ka lo en reng, a in mangtha vel ni awm tak ani, Sangtei chu amahin a kal hrang ta a, chu veleh car atang chuan ka chhuaka, Sangtei chu ka va zui nghala, a banah va man chawtin a mak ti hmel chu ka hmu thei, rang takin ka kut chu a phih thla a, "Enge a?!" a ti tuar a, kan bul vel ami te chu an rawn hawi deuh thup bawk, ka zak ang reng hle a, "Haw rual ila" nui deuh ti tih hian ka ti hram a, chutia ka tih hnu chuan tuman min en ta hlawm lo, a bulah chuan dingin ka chhuk en a, ka theih tawh hnu ni mahse alakah chuan ka la zam hle a, ka hmelhriat thar ang mai ani.
"Amy te nen kan veng a in ang lo" a tih chuan "In veng lamah tihtur ka nei alawm" ka ti ta ngawt a, an veng chu ka hre der lo lehnghal..
"Busin ka haw thei alawm" tih pahin kal mai a tuma, a kut chu ka vuan rang kher mai, "Lo kal mai mai teh" tiin ka kai ta nghal a, ka car bul thleng ka kai a, a tang nasa hle lehnghal, "Lut rawh" tih pahin front seatah chuan ka nem lut a, keipawh chu Car helkualin driver seat ah chuan ka va thu lut ve nghal a, ka thawveng ta huai mai! "Khawilamah nge?!" ka tih chuan mi rawn melh kawka "Kan vengah" a ti hmak a, an veng lah ka hre der silo.
"Khawilai nge khah?!"
"Uang lo mai teh"
"I sawi loh chuan kan veng lamah aw", tih pahin motor chu ka start a, stearring chu herkualin Peter Street lamah chuan ka in khalh chho ta mai a, "Khati lam ani lo" a rawn ti chul mai a,
"Ohh!! I sawi duh si lo a"
"I hriat hmel elawm, turn rawh"
"Teuh lo, traffic police in min man se i duh mi?"
"Aih!!"
"Nih khawiah nge kan haw na tur chu?"
"Ramhlun South ah"
"Hh Sikulpuikawnah kan turn mai dawn nia" ka tih chuan min rawn chhang tawh li a, mi melh zawk zawk mai.
A hming ka hre tawh tho na in hria anga lan ka duh loh avangin kan zawt tha leh vel a, a ni pawn tha takin min chhang ve zel bawk, a bula awm nuam ka ti hle a, an veng kan thlen hnu thleng chuan pangai takin kan in bia a, min en danah min hre tawh lo ani tih ka hre thei a, in sawi ila chuan min la hriat theih chu ka ringa, mahse ka in sawi duh ta bik lo ani, an in kawt thleng ka thlah hnu chuan ka in khalh haw leh a, a chanchin chu ka ngaihtuah roh roh bawk, a causin pahnih collage kal lai te bulah a khawsa ve tih ka hria a, a nunhlui lam ka sawi pui loh avangin KS hna kha ala thawk tel em tih chu ka la hre thei lo.
In ka thlen chuan noodles ka siam a, chumi pahin phone ka khawih a,midang text rawn thleng te pawh ngaihtuah lem lo in Sangtei chu ka en lehnghal a, alo online mek a, biak tumin msg k type mawlh mawlh, ka delete leh thul, biakna tur pawimawh deuh awm se ka ti ngawt mai, ka noodles chhuan chu ka chawk leh rih a, ka online leh chuan ani chu alo out hman tawh, a last seen alang ta va mai a, k down nghal rawih chu amak ka ti, hmeichhe dang biak tur an tam tehreng nen hian; Noodles chu ka ei a, a last seen lah ala ngai reng mai bawk si, ka in ei puar hnu chuan ka phone chu ka charge a, ka in thlak fel ta nghal a, dar 9 a pelh chuan ka mu hman chu ani deuh tawh mai, office thil khawih tur ka hawn loh avangin thuthlengah chuan ka thu mu ti tih a, tv ka en pah bawk, Sangtei biak tumin ka en leh a, a DP alo thlak hman anih hi, mahse alo online leh tawh lo, mipa naupang pakhat nenah an mut dun na hi DP ah chuan a hmang a, a status pawh lo thlakin 'Mate ka va ngai che em!' alo ti bawk, ka ngaihtuahna chu avak thui kher mai, Mate a tih chu tunge ni ang? a bialpa nge he naupang hi?
"Mu tawh em?" ka va ti ta ngawt a.
Minute 15 hnuah min rawn chhang a,
"Tunge ka no. pe che a?!" ka nuih za angreng hle a,
"Miin.."
"Amy mi?!"
"Awww.."
"A nih chu.."
"Tunge i dp mi naupang hi..?"
"Ka fapa nih hi"
Ka phu deuh zawk mai a, pasal alo nei reng amawni le, khai a, kei hi pasal nei lai chhai ka lo tum te hi ni em lo maw?
"In awmdun mek mi?" ka thin hi a phu dup dup mai a.
"Awmdun lo" ka thawhuai mai!
"Khawnge a awm a?"
"Ka nu leh pa bulah ah"
"I pasal nen mi?"
"Aih"
ka be phur ta tawlh tawlh mai, ka msg min reply ve zel bawka, ka zawt vek ang ka ti rilru a,
"Apa nen in in then tawh mi?"
min rawn chhang ta mai lo, a reh deuh ta vang vang mai a, ka in thiam lo leh hnuhnawhin ka zawhna chu a mimal thil deuh mah mah tiin ka in ngaihtuah a, ani KS chuan pa tel lo pawn fa a pawm thei tih ka lo ngaihtuah lo ani.Min rawn reply na chuan min ti nui suka, ka rin dan ang chiah ani, "Pa anei lo!!" Hahhh KS a ni thin tih ka hria tih hre ta se min be duh miah lo ang mawle.. Ka elsen chak deuh thut a,
"A pa puh tur ber i hre lo mi?!" kan ti ta ngat a, a rawn reply tawh lo chiang kher mai, ala online reng bawk si a, ka msg a hawng duh tawh lo, ka in ngaihtuah a, khatia lo tih kher loh tur kha sin le.

Chhunzawm tur ......



Chapter 1

Chapter 2

Chapter 3

Chapter 4

Chapter 5

Chapter 6