KS VIRGIN 5

Chapter - 5

GiC: Hriati
Ziaktu: Peter Rinfela

A kut ka chelh beh tlat vang chuan a lu chu a thle tawn ta sek mai, a taksa chu a tal vak vak a, mi hneh loh avang chuan ka la fawp chhunzawm nawk nawk bawk, vawi leh khatah ka kapah chuan a rawn do ta chawrh mai a, ava na ngai em!! ka kuahna ka thlah a, ka kap chu dawmin ka vial ta ngawih ngawih mai a, na ti tak chunga ka va en chuan ani chu a mittui alo parawl kiau mai a, thinrim mai piah lamah hlauhna mitmeng hian min en bawka, "I va zakthei lo ve" a rawn tih chuan a mittui chu a rawn tla a, a tap deuh ti tih ta mai a, rang taka min rawn panin kawngka lamah chuan mi nem chhuak nawk nawk a, varandah ah chuan ka let phei tawp tawp mai a, "I lo kal leh anih chuan thenawm te hriat turin ka au chhuak tawh ang" tih pahin kawngkhar chu mi khar hnan ta bur mai, Huihaa... A va han zia lo thin tak! Mi hmuh hlau takin ka tho vat a, kawngka chu kik leh ka tum zet a, mahse ka ti duh ta bik lo.
Cara ka luh leh hnu chuan ka in ngaihtuah nasa mai, Naute pa chungchang ka zawh ringawt pawh a duh lo ania, A nunhlui phei kha chu zawh chi ani lo tih ka hria ni. Hna kal ka la ngai bawk nen, ka buai loh loh na turah kei hi ka buai mai mai ni. Ka secretery chu bia in ka tlai tur thu ka hrilh a, ka in khalh haw ve ta nghal bawk.
Nihnih zet chu Sangtei be lo in ka awm a, a dam tawh nge damlo tih pawh ka hre lo, a laka ka chetdan mawi lo lutuk leh atthlak tak avang khan ka hmu hreh deuh tlata, mahse ka theihghilh thei der silo.
Ka hna ban hnu chuan an dawr lamah bawk ka in khalh phei leh ta nge nge a, Amy chhuanlam tur ka neih tho vangin ka in thlahrung lemlo. An dawr ka thlen chuan lut ngam loin car chhungah ka thu deuh reng a, keimah chu zawhna ka in zawt a, Sangtei hi engvanga pan reng mai nge ka nih? Ka duh em ni? Ka in hrethiam thei lo, hmeiichhe tamtak ka mutpui tawh a, tu mahin ka rilru an luah chhunzawm ngai lo, ngatinge he nu hi? mihring nun thup, thiante zinga feltak anga lang, a ruka KS si hi ka ngaihven tlat mai le!! ka in ngaihtuah thinrim vang chuan ka car stearring chu ka nem pawp a, horn ala ri tuarh zui, mi kawngkalin min rawn en deuh hu hu chuan ka zak reuh hle mai, ava han buaithlak tak!!
"I rawn kal elaw?" Amy chuan arawn ti a, ka nuisuk a, "Umm" tih pahin Sangtei ka zawng ru nghal bawk, ka hmu chu ka en vawng vawng mai, hmeichhe pakhat hi make up hman dan tur vel alo hrilh mawlh mawlh a, dam kawr tih hriat takin a hmai vel chu alang cher hle bawk, ka kuah chak chu in thunun ka tum hle a, tunah kuahna hun pawh ani lo tiin ka in ngaihtuah bawk, Amy hnenah chuan "I haw hman dawn tawh em?" kan ti a.
"Kei chu ka hman tawh a, midang ho hi nghah an ngaia, dinner kan ei khawm dawn a"
"Oin tinge?"
"Kan pi ber fapa birthday ania"
"Tunge in pi chu..?!"
"Pi Diki kan dawr nei tu hi"
"In vaiin in kal dawn mi?!"
"Aw a thawk ho chu kan kal vek ka ring"
A tih chuan ka ngawi roh roh mai a, Sangtei pawh a kal ve a ngai tihna nia, chuti anih chuan ka thlah haw thei dawn lo tihna ni, ka lo nghak ngawt te nih loh chuan, ka lo nghak angem? Kei hian hmeichhia ka nghak ang maw? Teuh lo mai!! ka chapona chu a rawn chhuak viau na in Sangtei ngaihtuahna chuan min a buk rit zawk si a,A va han buaithlak leh pek em!! "Anih chuan ka lo va haw mai ang aw" tiin amy chu ka hrilh a.
Lungawi lo zetin in lam pan chuan ka in khalh haw a, sana ka en sek, tunah enge an tih mek ang?! Huiham!! ka in thlaka, rawng ka bawl peih loh vangin noodles ka siam ta tawp a, Sangtei whatsapp last seen ka en a, chhun dar 1:05, ka thinrim ru treuh mai! noodles ei pah chuan sana ka melh zawk zawk bawk, ka in eipuar hnuin sofa chungah ka mu zala, a last seen lah ala ngai reng mai bawk si, ngati nge ka awm mai mai theih loh le? Sangtei ka duh zia chu ka in hrechiang tawlh tawlh a, a tel lo a awm harsa ka in tih zia leh ka ngaihtuah zia chu ka in haider thei tawh lo, dar 8 a pelh hnu chuan ka tho lawk a, ka car chahbi leh jacket ka la lawk a, ka chhuak leh ta nge nge a, an veng lam ka pan ding ngar ngar, an haw tawh nge haw tawh lo hriat tum in ka call a, phone lah hi a pickup thei ngai lo reng reng.. Shalla ... mipa tenen hian an lo awm roh amawn le, Amy ka call leh a, an haw tawh thu a sawi chuan ka thaw deuh huai a, Sangtei chanchin ka zawt a, nui rah rah chungin "Bus in ka haw mai ang chu a tih kha" a rawn ti a, Ramhlun South bus stand bulah chuan ka car chu ka ti dinga, car atang chuan chhuakin bus stand bulah chuan ka ding ve ta reng mai, atlai tawh vang nge mi lah chu an vang raih tawh a, darkat chanve zet ka awm hnu chuan bus pakhat bak a rawn thlen belh lo, amah ala rawn thleng bawk si lo, thinrim ru trun chungin ka car ka pan leh a, an in lam chu ka pan leh ta zawk a, ka thlen chuan car atangin ka chhuak a, a chhawng chung lam chu ka melh vang vang mai! ka ngai tawh takzet ani! Rei pawh ka din hma in car pakhat hi a arawn ding ve a, a thim lai chuhin ka lo biru vat a, ka thil hmuh chu ka awih theilo.
Chu car nalh tak atang chuan Sangtei chu a rawn chhuak a, a kawrlum hak chuan an in pawt phui zung zung bawk a.Driver seat lam atang chuan mipa khat hi arawn chhuak ve leh ta nghal bawk, ka thin ava phu rang em! ka en tlawk tlawk mai a, chupa chuan Sangtei chu a pan a, a kawrlum hak te chu a zip phui that sak a, ka en thei thlawt tawh lo, mahse en ala ngai si, an in mangtha vel ni awm tak ani, chupa chu a polite hle a, inkuah leh inn fawh vel pawh awm lo in an in thlah fel ta a, enge a awmzia tiin ka in ngaihtuah a, khapa kha Sangtei bialpa nge a customer!! Nilo.. KS la ni tur chuan ka phal thei lo, a bialpa pawh lo ni se... Engpawh chu lo ni se ka na ani, Sangtei mipa dang nen, a theih loh hi ani tawp mai, chupa chu car chuan a in khalh haw leh ta a, Sangtei pawh chu inah chuan alut ve nghal bawk, keichu engmah ti thei loin ka la awm reng a. Ka bing deuh mup mup mai! Ka bihruk na hmun atang chuan ka chhuka, ka car ah let leh tawh loin khawilam nge ka pan pawh hre lo chuan ka kal mawl tawp tawp ringawt. Khawpui chhung chu a reh deuh tlawk tlawk tawh a, mi tam zawk chu mahni in lum lamah an awm tawh hlawm tih a hriat ani, kei erawh baihvai takin ka la tei thung..
"Apu...." tiin ka kutah hian ti emaw hian a rawn chelh.a, a vawt thler lehnghal, ka kut a rawn thing tak hnu chuan ka harh chhuak zawt a, ka kuta min rawn chelhtu chu ka ena, mipa naupang pakhat hian tap deuh ti tih hian min lo kai a, "Enge a?" tih pahin ka thu hniam a, chu naupang chuan "Ka au char char che a, tinge i hriat theih loh?" a tih chuan ka in thiam lo lek lek mai, "Aw enge ni?" tiin kan en a.
"Inah min hruai haw rawh ka haw duh"
"Haw la enge min tihbuai a"
"Aizawl hi ka vawikhat kalna ania"
"Anih chu tu nen nge in kala?"
"Anutei nen"
"Khawnge i nutei chu?"
"Ka hre tawh lo"
Huiham naupang ngaihtuah hman pawh ka nilo asin le, Sangtei vang vek ani. naupang chu ka pawm lawk a, a.kutah chuan vur pakhat hi a keng bwka, tun ang furah tu nu in nge mahni fa te vur pe ngai le, atthlak lutuk mai.
"Enge i hming le?" kan ti a.
"Messiana"
"Khawilaiah nge in in a awm.a?!"
"Ka hre tawh lo a" Huihammm ..
He naupang hian min tibuai dawn tlat mai!
"Nih tunge i nu hming tal?"
"Sangtei.."

chhunzawm tur

Chapter 1

Chapter 2

Chapter 3

Chapter 4

Chapter 5

Chapter 6