ZU ZUAR FANU 8

CHAPTER--8

*R'z Thangluah✍🏻*

Pathianni zan a ni a,Msi te nufa inkhawm bang pawh an in lam panin an inzui thla hnak hnak a.

An in an zu thleng chu an in kawtah chuan an khawtlang hruaitu te an lo awm ṭhap mai a. Pi Ruati te nufa chuan a ngaihna an hrelo hle mai,"Ekhai in va zahawm teh ṭhup ve a? Engnge in duh a?,"a ti nghal sawk sawk a. Patling 1 hi a rawn pen chhuak a,chupa chu Zomuanpuia pa a ni,"Zu in lo la zuar ṭhin a ni maw?,"a rawn ti chang nghal fuk a. Midang erawh chuan engmah an sawi lem lo,Pi Ruati chuan a thu hriat chu mak a ti hle mai,"Ka pu,zu hi chu ka zuar tawh biklo a sin,"a lo ti zawi sap a. Pu Chhuana chuan,"Ṭawngkam ringawt chuan i sawi thei a lawm. Mahse,in in hi kan dap ang," a ti leh a. Pi Ruati chuan,"Awle in thu thu le,"a ti a,an in chu a hawng a. In chhungah chuan an lut hlawm a,an room zawng zawng leh an bath room thlengin an check a. An dawr pawh an hai darh nasa khawp mai,in chhungah chuan engmah an hmu lo.

Pu Siama chuan,"I sawi ang ngei chuan engmah kan hmu lo e. Kan rawn tibuai hrep che u a,pawi kan ti lutuk min hrethiam dawn nia,"tiin an veng Local Council Chairman chuan thupha a han chawi a. Chutah Pu Chhuana chuan,"Khaih khaih ngahnge thupha te i lo chawi mai ni,zu an zuar lo tih fiahna pawh a awm loh hi,"a lo ti ṭalh a. Pi Ruati erawh chuan engmah a sawi tawh lo,a fanu bulah chuan a ding a. A fanu chu thlamuan a tum takzet a ni. Pu Siama chuan,"Pu Chhuan,i mimal ngaihdan hi i kal thui pui thei mah mah ṭhin a. Hei an in chhung zawng zawng pawh kan en kual vek tawh a,engmah kan hmuh loh hi,"a lo ti ve hmak hmak mai a. Midang ho erawh chu an ngawi ṭhuap thung a.

Pu Chhuana chuan lungawi lo tih hriat zet hian Pi Ruati te nufa chu a rawn melh a,"Kan enthla reng che u tih hi theihnghilh suh ang che u aw,"a ti zui leh hram a. Midang ho an chhuah vek tawh hnu chuan Pu Siama chuan,"Pawi ka ti takzet a ni,min hrethiam hram hram dawn nia aw,"tiin thupha a chawi leh a. Pi Ruati chuan,"Hrehawm ti duh suh,hetiang hi chu kan tawn ve tur reng a lawm. In thiam lo duh suh,"a lo ti ve vat bawk a.

Khawtlang hruaitu te an haw darh hnu chuan,an in chhung hnawk vel chu an nufa chuan an tifel malh malh a. Msi chuan,"Nu,he thil hi Zomuanpuia thil tih a nih ka ring. Hepa hi chu ka haw ngawt mai,"a rawn ti chhuak hlawl mai a. Pi Ruati chuan,"Khatin a chhe zawngin mi chungah rinna an nei ringawt ngai lo,"a lo ti thung a. Msi chuan,"Nu,ngatinge i rilru hi a ṭhat bik em em a? I fanu hi chuan ka van tluk lo ṭhin tak che em,"tih pahin a nu chu a rawn kuah nghal vawng vawng a.

Sangtea chuan Msi te kawngkhar chu a kik leh karh karh tawh a. In chhung aṭang chuan an lo chhawn vat a,Sangtea pawh chu a lut nghal a.

"Zomuanpuia chuan eng thil nge a tih leh tawh a?,"a ti lut nghal ringawt a. Pi Ruati chuan,"Nangpawh chu khatiang ngaihdan atthlak tak kha paihbo teh,"a lo ti vat a. Sangtea chuan,"Zomuanpuia'n ṭawngkam neilo se tiang khan khawtlang hruaitu te an che lovang. Chuan,keipawn ka hrelo bawk ang,"a ti hmak hmak a. Pi Ruati chuan,"Khawi ṭangin nge kan boruak hi i hriat a?,"a lo ti vat a. Sangtea chuan,"Ka u hnen aṭangin ka hria. Ka u leh Zomuanpuia hi an inkawm ṭhin a lawm,"a lo ti mai a. Pi Ruati chuan,"Chutiang pawh chu nise a nilo ang,"a la ti tlat a. Sangtea chuan,"Huiham ka sawi peih tawhlo,i rilru kha ti ngil lutuk lo la,"tih pah chuan za vak lo hian a nui hak a. Msi erawh chuan a nu leh Sangtea in hnial ri chu ngawi rengin a lo ngaithla thung a. Pi Ruati pawh chu Sangtea thu sawi vang chuan a nui chhuak hawk hawk a.

Pi Ruati chuan a fate 2 inkawm chu a mut san a. Sangtea chu a la lungawi thei hlawl lo a ni,"I nu hi chu a ngawi leh tlat zel a. A thiam thu tal hi chu sawi ve ṭhin tur a nia,"a ti leh ṭhin a. Msi chuan,"Nia keipawn mak ka ti ṭhin a lawm. Mahse,a tirah kan ti dik tawhlo miau sia lawm,"a lo ti ve bawk a. Sangtea chuan,"Humm nangpawh hi i nu chiah chiah,"tih pah chuan a thaw hak a. Msi chuan nui hawk hawk chungin,"Chuti chu ka nu nulat lai i rim tihn,"a rawn ti zauh a. Sangtea chuan,"I va nghal e aw,"tih pahin a lo nui suk a,meizial a ṭan a a zu khu leh luih luih a. Msi chuan,"Meizial te hi nghei teh,i heh ropui si,"a ti leh hlak hlak a. Sangtea chuan,"Ka heh lo e mai aw,"a lo ti vat a. Msi chuan,"Heh tak i ni heh tak,bawm 1 hi zan 1 ah quit vek zel,"a ti leh a. Sangtea chuan mak ti takin Msi chu a en a,"Engtinnge i hriat a?,"a lo ti hâ mai a. Msi chuan,"Kan dawrah bak ciggarate i lei ngai lo tih ka hre phawt a. Chuan,kan ina i rawn len hian zan tirah bawm 1 i lei a chu chu i haw hma in a zahve vel i zu hman ṭhin. A bak chu i haw hnuah i zu ṭhin,"a ti zuah zuah mai a. Sangtea chuan,"Waiii min chhui ru ni maw?,"tih pahin a nui hak hak a. Msi chuan,"Bleeh ka chhui peih teuhlo che,thingpui kan lum a nge aw,"tih pahin choka lamah a phei nghal daih a. Sangtea chuan mak ti takin,"Engtinnge a hriat vek le?,"tih sup pah chuan a nui huk a.

Msi pawh thingpui no 2 chawiin a lo phei ve leh vat a,"Tunlai chu Rki te pawh an ṭha leh tawh a,whatsappah pawh an reh khawp mai,"a lo ti a. Sangtea chuan,"Groupah in awm ho mi a?,"a lo ti hâ mai a. Msi chuan,"I awm ve lo mi?,"a lo ti let zawk a. Sangtea chuan,"Nangni nen group a kan awm ho na chu kan veng group bikah khan a ni mai,"a lo ti vat a. Msi chuan,"I TAN KA AWM RENG tih group ah khan i awm ve lo maw? Hmanni chuan ka hmu che aw,i group awmna ho han en chhin teh,"a lo ti leh vat a. Sangtea chuan a phone chu a phawrh a,"Nizanah min remove kha i hrelo mi?,"a la ti zui a. Msi chuan,"Hre nang nizanah ka online lova,tinge an remove che a?,"tih pah chuan a nui var var a. Sangtea chuan,"Admin nen kan inhnial a,en la i chat,"a lo ti vat a. Msi pawh chuan a phone chu a en nghal a,a rawn nui chhuak hawk hawk a,"Awiii in inhnial chhan hi a ho e,"a ti zui a. Sangtea chuan,"A ho lo aniang,kha min remove hmak mai kha,"a lo ti hmuk a. Msi chuan,"Nih a ho leh lo,"tih pah chuan no chu a seng a,choka lamah chuan a phei leh nghal daih a.

Msi a rawn let leh chuan Sangtea chu a mizia a dang deuh tlat a. A ṭawngkam te chu a bah leh deuh nuai ṭhin a,Msi pawh chuan mak a ti khawp mai. Mahse,engmah a zawt lem lova pangngai deuhin a kawm leh zel tho a.

Zan dar 9.30pm a ni tawh a Sangtea erawh haw a la tum rih lo. Msi nen chuan an ti ti char char a,thil ho mai mai an sawi a a chang leh an nui a. A chang leh a mipa zawk chu an titau kual vel ṭhin a. Msi chuan,"Heyyy i titau a ni maw?,"tih pahin Sangtea sam chu a tuai a. Sangtea chuan,"Heyy pawh ka nilo,hming ka nei ve bawk. Chuan,ka sam kha khawih tawh suh a siam nan hun ka hman rei zia pawh i hre lo,"a lo ti hmak hmak a. Msi lah chu a nuih a za telh telh mai si,"Awii tlangval ve si a titau vel. Tiang khan i bialnu bulah i titau ṭhin em?,"a ti a,a nui leh hawk hawk ṭhin a. Sangtea chuan,"Hmmp bialnu pawh ka nei love a,"a lo ti leh hmuk a. Msi chuan,"Yes bialnu i neih loh chuan a ṭhat nasat chu,"a lo ti ham ham a. Sangtea chuan,"Engmaw ṭha chu?,"a lo ti vat a. Msi chuan,"Bialnu i neih loh chuan i la nei vat mai ang,lungngai suh,"a ti leh a. Sangtea chuan,"Nih nang bialpa i nei em?,"a lo ti thung a. Msi chuan,"Naupang ka la nih hi bialpa neih a la hun lo,"a lo ti nghal vat a. Sangtea chuan,"I la nula vat dawn a lawm. Nangpawh bialpa chu i nei har lovang,"a lo ti ve leh a. Msi chuan,"I neih hma chu ka nei awmlo e,"a la ti zui a. Chutah zet zawng Sangtea chu a beisei a sang ta khawp mai,"Chuti chu kan nei rual nga ni mai lawm,"a lo ti vat a. Msi chuan,"Nia ka in peih chuan aw,"a lo ti leh a.

Sangtea chuan a mut hmunah Msi nen an inkawm dan chu a ngaihtuah let leh a. Msi'n ,'Bialnu i neih hma chu bialpa ka nei bik lovang,'a tih te chu a ngaihtuah let leh a. ,"He nu hian min duh ve tihna mawn le? Engtinnge hma ka lak ang aw? Ka bem ringawt ngam bawk silo,"tih nuah nuah chungin a khumah chuan zangthal at hian a mu a.

Pathianni chawhnu inkhawm ban a ni a, Sangtea chu Msi chuan a rawn call ve hlawl mai. Sangtea chuan a chhang rang kher mai;

"Aw ..Ms,"

"I buai em?,"

"Buai love nge ni ta?,"

"Lo leng la,"

"Tunah maw?,"

"Aw i hman chuan..,"

"Awle ka insiam a nga ka rawn kal nghal a ni mai,"

"Awle chuan i message kha open ve la aw."

"Heh awle2,"

"Nih ka dah aw,"

"Awle,"

Sangtea chu a phûr surh surh khawp mai. Darthlalang hmaah chuan a ding leh vang vang a,"Vawiin chu ka chhuah tawh hauhlo ang che,"tih pahin amah leh amah chu a inbia a,a nui vur vur a. Msi'n a message hawng tur a a tih pawh chu a lo hre chang leh pek tawh lova. Hmanhmawh zetin a bike chahbi a la,Msi te in lamah chuan a tlan thla fua fua a.

Msi te in a lut tur chu a huphurh ru ang reng khawp mai. Mahse,a thil tih tum chu hlen ngei a tum a ni. Muang changin kawngkhar chu a kik a,chhung lam aṭangin an lo hawng vat a. In chhung a lut chiah chu Msi chu a lo ding vang tawh a,Sangtea chu a lo nuih var var a,"I rawn thleng ve thei maw? Lo kal rawh he lamah,"tih pahin Sitting room lamah chuan a hruai phei nghal a.

Sitting roomah chuan hmeichhe 1 a hmel hriat lem loh;mahse,hmelchhe lem lo tak chu a lo awm ve bawk a. Sangtea chuan Msi ṭhiannu anih dawn hi tiin ngaihdan a nei nghal mai a. Chunu lah chuan a lo nuih ver ver zui leh nghal a,Msi chuan,"I phur viau a ni maw? I rawn thlen hma dan ah,"tih pahin Sangtea chu a lo nuih var var a. Sangtea chuan,"Nia phur ve khawp mai,"a lo ti thla ve rawk a. Msi ṭhiannu lah chuan beisei nei zet hian a lo melh leh ṭhin a,Sangtea chuan a hrethiam lo kher mai,"Aaa englo khawnge i nu?,"a ti leh a. Msi chuan,"Nu Muani te naute a dam lova,a zu kan ve a,"a lo ti vat a.

Rei tawk fang an 3 a an inkawm hnuah Msi chuan,"Roomah ka phone ka charge daih a,ka va ngaihven lawk nge aw,"tih pahin roomah chuan a lut daih a. Msi rooma a luh tak daih siah chuan Sangtea chu a hrilhhai khawp mai. A piah lawka hmeichhia lah chuan a lo nui ver ver zel lehnghal a,"Tinge min nuih reng a?,"a ti hlawl mai a. Chunu zak lutuk chu a sen nghal awp awp a,engmah pawh a sawi lo hnuai lam a bih ngar ngar a. A hnu chuan Sangtea chu a in thiamlo leh deuh a ni ngei ang,"Aaah englo ka tihpalh,min hrethiam dawn nia,"tiin thupha a rawn chawi leh vat a.

Msi chuan a phone chu a en vat a,Sangtea khan a message kha a hawng miahlo tih a hre nghal a,"Awii hepa tak hi chu(h) a van kaw lo thei tak,"tih pahin a call leh nghal a.

"Aw ..,"

"Message en rawh ka tih che kha,tunah en rawh,"

"Awle ka lo hre lo lawm,"

"Huiham,ka ṭhiannu kha ti beidawng suh ang che."

"Maw?,"

"Message kha en mai rawh,"

"Awle,"

Sangtea chuan Msi message rawn thawn ho chu a hawng nghal a;

"Hei hi ka ṭhiannu a nia,a duh lutuk che. Amah hi chu i hrelo maithei;a duhna che a rei tawh lutuk. Chuan,ti beidawng suh ang che,nakinah ka lo call ang che aw. Kan inah tunah a awm a,i rawn kal dawn nia aw,"

Tih a ni a,a ṭhiannu photo pawh chu a rawn send nghal bawk a. Sangtea chuan photo leh a hmaa hmeichhe hmel chu a en tawn ṭhin a,"Immh a takah pawh i chhiat loh lem loh hi,"ti rilru nuah nuah chungin,chunu chu a va nuih suk a. Chunu lah chuan beisei nei takin a lo melh ve hman ziah leh nghal a. Sangtea chuan,"Englo i hming min hrilh la?,"a ti nghal thawr a. Chunu chuan zah hmel takin,"Emily ka nia,"a nui zui sun sun a. Sangtea chuan,"Aaa keichu Sangtea aw,"tih pahin a kut chu a rawn phar chhuak a,chunu chu a chibai nghal phawt a.

,"Nihchuan khawi vengah nge in awm a?,"tiin Sangtea chuan zawhna a zawt ṭan a. Emily chuan,"Zarkawtah kan awm a,"tiin tawi fel tak chuan a lo chhang a. Sangtea chuan,"Msi te nen class in kal ho ṭhin a mi a?,"a ti leh a. Emily chuan,"Ummm kal ho ṭhin e,"a lo ti leh a. Sangtea chuan,"Nihchu i rawn kalna a hla sia,enginnge i rawn kal a?," a ti leh a. Emily chuan Sangtea zawhna chhan vel chu a ning takzet a ni. Mahse,tihlan chi a ni silo,"Taxi in ka rawn kal a,"a ti leh a,a phone chu a hmet nuap nuap a. Sangtea chuan,"I haw lamah chuan ka lo thlah ang che aw,i duh em?,"a rawn tih chiah chu,Emily chu a phur khawp mai,"Umm min thlah peih phawt chuan duh tehreng e,"a lo ti nghal vat a.

Tlai dar 3.00pm velah chuan Msi nu damlo kan pawh chu a lo haw tawh a. Emily pawh chuan,"Ms,keipawh hi ka haw phei ve tawh mai dawn mawn le,a tlai tawh e,"tih pahin Sangtea chu a va melh zauh a. Sangtea chuan a sana a lo bih zauh a,"I haw dawn chuan ka lo thlah ang che,"a lo ti vat a. Msi chuan,"Nia,in thlah tir rawh taxi hman tur pawh a awm loh hi,"a lo ti ve vat a. Sangtea leh Emily chu an in zui chhuak nghal a,Msi chuan kawt lai thleng a thlah a Sangtea te 2 pawh chu an in phur chhuak ve nghal a.