KS VIRGIN 7

Chapter - 7

GiC: Hriati
Ziaktu: Peter Rinfela


"Min hmu turin rawn kal tawh reng reng suh" mi ti ta zek mai a, ka hamhaih kher mai, kal mai a tum chu "Engvangin nge min ngainat ve theih miah loh a?" kanti chhuak thawt a, a ding deuh dat a, chutah "Ka duh che" ka ti chhunzawm nghal bawk Ala ding reng a mahse min hnung chhawn tlat mai si a, mahse min rawn en a, ka thin aphu rang tawh hle ani, ka thil sawi vang kha ani pah bawkin ka hria, "Nang hi.." an ti a, a thil sawi tur chu a hreh hmelin harsa a tih hmel bawk, ka lo en reng a, "Ka tan hian engmah i ni tawh lo" seh chilh deuh ti tih hian a rawn ti a, ka bangbo hle ani, "Enge awmzia?!" kan tih chuan min chhang tawh lo a, a kal nghal chu ni mai, rang takin a banah ka va mana, pawh let nghal pahin "Enge i sawi awmzia" kan ti leh a, ani chuan a kut chu phih vak pahin "Kum tam tak nangmah vang hian hrehawn ka tuar a, tunah nun bul ka tan tha ve leh dawn chauh a, ngati nge ilo lan leh a, ngati nge min tihbuai leh" ati a, ka vawn na chu ka thlah tawh a, a sawi awmzia chu ka man lo ani, engtik lai khan nge ka lo tih hrehawm le? ka nghilh dup a, sawi mai tur pawh ka hre lo,
"Enge a awmzia, engtin nge ka tih hrehawm che a, zan khat kan hman dun bak kha chu ka hmu leh che pawh ani silo"
"Theihnghilh rawh, ka kal dawn" a in her a, a banah chuan ka man leh vata,
"Min hrilh hma chu khawiah mah i kal lo ang"
"Min thlah teh"
"Teuh lo!!"
ka ti tlat a, chutah in thlahdul in a thaw deuh ham ham a,
"Messiana hi i fapa anih hi"
Chu thu chuan min thawng hle mai, awihloh na in ka khat nghal a, "Ani thei lo" ka ti chhuak sap a, ka hun kal tawh ka ngaihtuah nghal bawk, doctorin fa ka neih theih loh tur tih a proof vek hnu ah Sangtei nen chuan ka mudun chauh ani si a, ka nui chhuak hak a, Sangtei en pah chuan "A pa i puh sual ani maw?" ka tih chuan a mit a meng deuh kawk a, "Ka fa ani thei reng reng lo" kan ti leh a, kei min puh chu a ti sual hle ani. A hmel chu a sen awp awp a, chutah "Ni e, i fa ani ve tawh lo, nang chuan 500 note pahnihin i hralh tawh alawm" a aw ah chuan a thinrim takzet tih a hriat theih, "I fa ani ngai lo, hmu turin i loh kal loh hram ka beisei" a tih hnu chuan a kal ta nghal nal nal a. Keichu ngaihtuahna fumfe ka la pu thei lo,ka thluak a chawmawlh vek a, carah chuan ka thu lut hnawk mai. Ka ngaihtuahna chu a vak thui in engtin nge ka tih ang tih chu ka in ngaihtuah a, Messian chu ka fapa ani lo tih ka in hrechiang a, chutih laiin Sangtei chu ka duh a, Messian pawh fapa anga ka en theih mai ka ring ani, mahse ka rin loh deuhin a pa ah min puh chu ani si a, ka fapa anih chuan ngati nge a rai hlim chhawn ten min hrilh loh? ka fa ani thei lo ani, a hun tawnin a zir a vangin min puh ve mai mai anih ka ring ta ber a, amah Sangtei ka lo duh ve bawk nen, ka pawm theih mai ka in ring ani.
Muangchangin ka in khalh haw a, Engpawh nise, tha taka sawipui leh turah in ka hre ta a. In ka thlen chuan ka nau Prisi leh kan chhungkaw driver pakhat hi ka in kawtah chuan an lo ding reng mai a, an lo kal dawn tih kha min rawn hrilh a, ka theihnghilh chiag lutuk! Sangtei vang vek ani. Prisi chuan min rawn pan vat a, "Khawnge i kal, ngatinge phone i pickup theih loh a" a rawn ti nghal bawrh bawrh a, ka in thiam lo hle mai, rang takin kawngkhar ka hawng a, ngaihdam dil pahin kan lut ta hlawm a, Prisi hi naktipah Mumbai a Jaslok hospitalah nurse training tura a kal ahun tawh avangin a rawn phei ani. Mumbai thleng hruai thlak ka tum ve nghe nghe bawk a. Chumi hma chu a Sangtei hmuh leh an hram chu ka tum ani, Messian chu ka fapa ani emaw nilo pawh nise ka pawm vek tih hrilh ka duh ani, Sangtei ka nei anga, Messian pawh ka fapa ani bawk ang. Prisi te in tih fel hlan chuan rawng ka lo bawl a, a tlai tawh ang reng fu a, ka ril atam tawh phian lehnghal.
"Naktuk chu ka ken tur vel leia bazar ka duh dawn nia" Chaw kan ei lai chuan Prisi chuan a rawn ti a,
"A tha lawm, Dintea hian bazar pui che se la" tih pahin kan driver chu ka va melh a, ani chu alo bu nghat a,
" Chawlh chu i nei thei dawn ta mi?"
"Thei e"
"Midang ruala kal chu a boring dawn lutuk a"
A tukah chuan office ka kal a, Prisi te pawh an bazar ve bawk, Sangtei ka la be leh lo a, Nizana kan in then dan a fuh lo bawk si, biak ka huphurh angreng hle ani. Lunch ei hun anih chuan hun ka neih thawl tho avangin an dawr lamah ka phei ta zawk a, ka lakah ala thinrim ngei ka ring a, kalbo san ka tum lo tih tal hre turin ka duh ani. An dawr lam pana ka in khalh lai chuan kawng sira ka nupui hlui kal lai chu ka va hmu thut mai a, rang lutukin motor ka ti ding a, ka chhuak ta vat bawk, "Sangpui!!" ka va tih chuan alo hawi a, mi hmu chu anui sak mai, kan in hmuh lohna arei tawh em ani. Restaurantah chawlh puiin thingpui ka lamsak a, a chungchang ka zawt luam bawk. Doctor pakhat pasalah anei leh tih ka hriat chuan ka thawveng huai a, fa pawh pakhat an lo nei tawh nghe nghe ani, anu leh pa te duh ang ngeiin fa pe thei pasala anei chu ka lawmpui bawk. Thingpui kanin zawh chuan ani chu a kal nghal a, vanduai ka in ti thar leh bik ta riau mai, Sangtei ka rilru ah arawn awm a, a fapa nen, a pa ah min puh tawh a, mahse hmuh chhunzawm aphal tawh silo, Min hua tih ka hria a, ka hmuh chuan ka tibuai mai mai ani, a awm ka ti nuam lo a, ka awm chuan hrehawm ati a, min hua ani. A duh anga awm chu ka tum ta a, ka hmu tawh lo anga, a fapa hmu tura kal a phal chuang lo nen, chhuanlam tur engmah ka nei tawh lo. An dawr lamah pawh kal ta lo in kan office lamah ka in khalh phei leh a, ka tuar theih loh tawpah choh ka hmu ang ka ti rilru ta ngawt a. Tlai ka ban chuan Prisi chuan rawng alo bawl meka, a hmel hlim dan atang chuan a duh alei kim tih a hriat thei mai, pawisa a hmang hnem leh ang chu!! Ka in thlak fel hnu chuan ka pui ve a, Dintea a inbual bawk, "Vawinah college kan kal laia ka thiannu ka hmu a",a rawn tih chuan ka melh zawk a,
"Ava lawmawm ve"
"Ka ngai thei lutuk a, ani chuan college a chawlhsan hma lutuka, 2nd semester kan nih ho laiin a chawlh san a, a khawngaihthlak awm tak tak ani"
"Ohh! Timaw?"
"Exam chawlh hmanga a haw kha, a rawn kal leh tawh lo a, a rai a, khawngaihthlak lutuk"
"Ava zialo ve"
"Nia, a naute pa nen an innei bawk silo a, an awmna min hrilh a, ka va leng ang"
"Oin naktukah kan kal tawh dawn kha"
"Zaninah mawle, dinner ei zawh hian, a fapa pawh ka hmu ve chak hrim hrim"
"Teh deuh tlat a"
"Zanin ka kal loh ten hun ka nei tawh hleinem, Sangtei chu beutician ani dawn a, a lawmpui awm tawh zawk tunah chuan"
Prisi thusawi tawp lam chu ka hre mumal tawh lo, a thiannu a sawi mek chu Sangtei ani tih ka hriat chuan a mak ka ti lutuk, vawin hi ngatinge thu mak deuh deuh ka hriat le! Ka Sangtei chu Prisi thiannu maw anih? Engtin nge anih theih? Chaw kan ei kham chuan Dintea nen chuan an chhuak ta a, Rangtakin an hriat lohin ka zui chhuak ve nghal, Sangtei ani ngei em tih chu chian ka duh ani, a hnungah zel ka tlana, ka chhiang tawlh tawlh mai! An in luah building kawta an car an tih din lai chu hla deuh fe a tangin ka lo thlir a, Ka Sangtei ngei ani! Prisi leh Dintea chu building ah chuan an lut a a, ka ngaihtuahna a vak nasa. Khami zan kha ka ngaihtuah a, Ka roomah khan Sangtei khan enge alo tih? Prisi birthday ani a, Birthday lawm tur khan alo kal ve tihna em ni ang? Ka roomah a rawn lut a, engvakmah pawh sawilo in kan mudun nghal tawp mai si, ka pawisa pek ala a, tha takin akal leh mai anih kha!! Damn!! engmah hi ka hrethiam lo ani! Cigaratte ka phawrh a, ka zu vang vang phawt. Sangtei chuan a college kal laiin Messiana apai anih tih ka hriat chuan ka khawngaih ru angreng hle. Darkar khat dawn car chhunga ka thut hnu chuan Prisi te pawh an rawn chhuak ve ta a, Sangtei ka hmu tel lo a, Kawngpui thleng a rawn thlah lo anih hmel, Prisi te in khalh haw hnu chuan ka in ngaihtuah a, Sangtei ka han hmu ang nge ka haw ve nghal ang!! ka hmuh chuan alo lawm lo leh ngei anga, vawinah a chau awm si a, tihbuai loh law law chu ka duh ta ani, motor ka tih nun chuan ka phone chu a rawn ri ral ral a, kan en chuan mak ka ti lutuk, Sangtei ani!! ka car chabi chu ka phawi leh vata.
"Hello?!!"
"I mu tawh mi a?" a aw chu a zawiin hriat a har angreng.
"La mu lo e, enge ni?"
"Hmaichhana thil hrilh duh che ka nei a, naktuk zingah in zin chhuah hma in kan in hmu hman angem?"
Prisi chuan Mumbai ka kal tur alo sawi tel pek ni maw!!
"Hun ka nei hman lo ang, tunah building hnuaiah rawn chhuk la"
"Ahh!! khawnge i awm a?!"
"In in kawtah!"
"Eheeeee.....!!!!"

Chhunzawm tur..


Chapter 1

Chapter 2

Chapter 3

Chapter 4

Chapter 5

Chapter 6

Chapter 7