KS VIRGIN 10

Chapter - 10

GiC: Hriati
Ziaktu: Peter Rinfela


Sangpuii min rawn hmu chu a meng deuh kawk mai a, Ramliana chuan min rawn pan a, "I dam maw?" a rawn tizet a, mahse ka thinrim hmel a hmuh chuan a chil a lem khawlh mai, "Engvangin nge kha thil kha i tih tunah hian ka hrethiam chiah" seh chilh nawk nawk chung chuan ka ti chhuak a, "Eng chu maw?!" a rawn tih chuan "Fa nei thei lo anga min sawi chhan kha Sangpuii hi neih ilo duh vang tiraw?" ka ti ta a, a hmel chu a dàng nghal sawp sawp mai a, Sangpuii chuan "Remruat.." a rawn ti dek dek a, "Nang kha lo ngawi rawh, hethil ah hian in pahnih hian in tang rual anih hi" ka ti leh tuarh a, ka thinrin em avang chuan engmah tih hreh pawh ka nei tawh lo, Ramliana chu ka va tham nawk a, hnek ka tum zet a, mahse ka beng ta zawk a, Sangpuii fanu chu boruak abuai tak nuai avang chuan a rawn tap ta vak mai a, chu chuan tlemin min in thlahdul tir ta deuh a, Sangpuii hmel pawh a mangang nasa mai, Ramliana hnenah chuan "Ka khing dawn che a, ilo in ring dawn nia, fa ka nei thei tih prove na ka nei tha ania, fapa kum 4 mi ka nei tawh" ka tih chuan mak atih hmel kher mai, "Mahse tinge tunah choh ilo kal a?!" a rawn ti ve a, ka thinrimna chu a rawn chhuak leh ta phat mai a, "I suahsual vang mawle Hmela..!! Khatiang thil kha tilo la, ka fapa hi a piang lo ang" tih pah chuan khawih leh mai ka tum chu Sangpuiin min lo dang, alo tap deuh pur tawh mai a, ka nupui hlui alo ni ve tawh na laiah tlemin ka khawngaih deuh a, thil atthlak tak tak ka tih hma in ka chhuahsan ta zawk ani. ka boruak hip chu ka duhkhawp loh avangin ka ka chuan ka thaw ham ham a, Tenawm nupa lutuk!!
Garage ka thlen chuan Sangpuiin min rawn umphak a, ani pawh a thaw nasa mai.
"Khawngaihin Remruat, khin i tumna kha sut rawh, kan mualpho lutuk ang" tih pahin ka kutah arawn vuan a, lo phihthlak sak pah chuan
"Mualpho in hlauh te chuan khatiang thil kha ti mata che u..."
"Engmah hriat ka nei ve lo, ka ti tak tak min ring rawh"
"Eng chu maw i hriat loh chu?!"
"Test result kha a diklo tih ka hre miah lo, fa i nei thei lo tak takah ka ngai asin"
"Daw daw suh!!"
"Tak tak! kan in then hnu khan min rawn hel tan a, doctor alo ni bawk nen, ka nu leh pa ten nei turin min lo ti chhen mai sia, duhthlan tur dang ka neih loh avangin ka nei ta ani. I test result kha a dik lo tih i rawn sawi a ka hre ve chiah!"
"A nih tak chu kal mai teh" tih pahin ka car kawngkhar chu ka pawt hawng a, ka thut luh lai chuan "Khawngaihin khing lo hram rawh aw" tah aw ti tih hian a la ti lawm lawm a, ka ngaithla peih tawh lo, motor ka ti nunga, chak deuhin ka in khalh chhuak ta a.
Pan lam tur ber pawh hre lo chuan ka in khalh mawp mawp a,Sangtei pan leh phawt tha in ka hria a, an dawr kawtah chuan ka ding deuh vang vang a, chutah ka call ta phawt a,
"Aw sawi rawh"
"I buai em?"
"Tunah chuan ka in eipuar mek"
"Pawnah motor chhungah ka awm, rawn chhuak teh"
"Enge..?!"
"Rawn chhuak mai rawh" ka ti ta vak a.
Minute 3 hnu awm velah a rawn chhuak ta a, ka motorah chuan rawn thu lut in "In hna in buai lo mi?" arawn ti a,
"Hna ah ka kal lo"
"Tinge?"
"Ka nupui hlui te inah ka kala"
"Tinge?"
Ka kal chhan leh thil thleng vel chu ka hrilh fai ta leng mai a, A chek tlak tlak mai, "Ava mak zawk ve" arawn ti chhuak a,
"Nia, min bum nalh khawp mai"
"In nu chuan engmah a hre lo tak tak ami?"
"Ka hrelo chu a tia lawm"
"Engtin nge i tih dawn tak"
"Ka hre lo le, a hmasa in nang leh Messiana hi ka bulah awm phawt ula ka duh a"
"Kei hi...?!"
"Aw enge?"
"Pasal neih ka tum hleinem, Beutician nih tumin ka in zir ve choh a"
"Messiana ngaihtuah ta che.. pa tello in a awm char char a"
"Ka nu leh pa te bulah a hlim tawk in ka hria"
Huiham vawin zet chu thinrim na tur hlir mai!! Henu lah alo ngeng ve bawk si.
"Ka nu leh pa bulah fapa ka neih thu hi ka sawi tawh alawm mawle" ka ti ta tawp a, ka la sawi lemlo na in ka sawi dawn tho ani.
"Enge chutiang te ilo sawi a" arawn ti tlawk tlawk mai a, a pawi atih hmel vawng vawng, ka nuih aza ru deuh nain ka nui lemlo a,
"Ka pa phei chuan a tupa chu fahrah tir atum dawn miah lo ania" ka la ti zui leh ta deuh deuh a, a mangang hmel ta kher mai, a thaw halh a, chutah rum zet hian min rawn melh a, "Ka haw khawp mai che" arawn ti ta mai a, kawngkhar chu hawngin mi chhuah san ta daih a, Huihamm!! ka en zui vawng mai, zui ta lovin in lam ka pan tlang ta nghala.
In ka thlen chuan Lunglei lam ka be nghal a, ka nu nena in bia in Fapa kum 4 mi ka neih thu ka hrilh chuan a awih lo in mak ati tih chu a hriat theih a, ka test result alo dik loh thu te, doctor leh Sangpuii in neih tak dan te thleng chuan ka hrilh leh ta vek a, phone atang chuan ka nu chu a tap tih ka hre thei a, a lungchhiat vang nilo in a hlim zawk vanga tap ani tih chu ka hrethiam ani. A tupa chu hmu turin a tukah Lawngtlai lama phei a tum thu chu min hrilh nghal ta bawk mai a, ava han mak chuk chuk thin tak!!
Sangtei hnenah Lawngtlai a an address chu min rawn thawn turin ka ti ta a.
"Ngatan nge i tih?"
"Naktukah ka nu Messiana hmu turin a kal dawn a"
"Eheeee"
Zanah Sangteii te inah ka leng phei a,Sangtei causin te pahnihin lehkha zir an duh bawk si a, inchung lamah chhoh ka rawt ta tawp a, in chung thuthlengah chuan ngawi rengin kan thu a, vanah chuan chhum atamin thla arawn lang ve zoh zoh thin bawk.
"I rilru i siam fel tawh em?" ka ti ringawt a.
"Siam fel lo"
"Rei ka nghak thei dawn miah lo ani"
"Ninawm, ka thluak hi i tibuai zo, Messiana ka pai laiin nangmah theihnghilh tum che in nasa takin ka bei a, tunah tun hun hi ka thleng ve choh a, Enge ka hma ah i rawn in lan leh chat a?" a rawn tih chuan a aia ringin "Anih chuan ngatinge khatiang thil kha i tih?" ka lo ti vat a, min rawn ena, "Engthil maw ka tih a?!!" a rawn ti leh a, ka ngawi dat a, chutah "Tinge min mutpui, ka roomah i rawn luta, mutpui che ka tum pawh khan ngatinge i tang miah loh? Chuan nau i paia, hrilh pawh min rawn hrilh lo leh nghal" ka tih chuan a ngawi hmak mai, kei lahin a chhanna ka duh si a, a ngawi rei lutuk chu ka ngaithei lo!! "Mohh?!" ka ti leh a, ani chu a in pet ruh deuh fan a, mittui nen hian min rawn melh ta mai a, mi ti hrilh hai lek lek!!
"A chhan chu ka duh vang che in" a tap deuh ti tih chu ani ta mai a, chu thu chuan min thawng takzet!!
"I nau hnen atangin i chanchin ka hria a, i nupui in a then che tih, mahse a then chhan che erawh kha chu ka hre lo, Prisi birthday zan khan ka hmu che a, ka duh ta em em che a, ka khawngaih che bawk nen, khatih lai khan Prisi rooma luh tum ka ni a, mahse room nilo zawkah ka rawn lut tih ka hre nghal bawk a, chuan.... chuan.... nangpawh in min duh ve amaw ka ti hman a, ka duh em vang che khan ka hnar thei lo che ni, mahse nang chuan .. i...i....i ..." a sawi zawh hma chuan ka kuah bet thlawp a, hmangaihna in ka khat nghal bawk, ani chu atap ta hawm hawm mai a, ngaihdam ka dil mawlh mawlh mai, ala tah tui lai chuan ka fawp ta ringawt a, a mittui chu hruk hul sak pahin ka en vawng vawng a, ka fawh leh chuan min rawn chhang let ve ta, rei tak in hmu tawh lo ang maiin kan in kuaha, kan in fawp bawk, "Ka hmangaih che, hun kal tawh avang khan min ngaidam rawh, tuna chinah chuan i hrehawm tawh lo ang" ka tih chuan tap nui deuh ti tih hian min en chho a, hma lam hun hlim taka hman in beisei na nen kan in kuah ta vawng vawng a.
Ka haw tur chu ka car thleng min thlah a, "Tun Saturday i hman angem?"
"Ka hre nang, tinge?"
"Lawngtlai lamah phei ila"
"Ti leh tut tut ta"
"Ka hmanhmawh tawh alawm"
"I nu chu akal dawn tak ami?"
"Dawn e, Lungleiah kan chawl anga, chuan in khuaah kan tlang phei dawn nia, tha ngem?"
"Ummmm..."
Saturday chuan Sangteiin chawlh adil theih avangin zingkar hma takah Lunglei lam kan pan ta a,Sangtei chuan motora meizuk a phal tlat lo mai a, ka ngei lek lek mai, "Nangpawn chips i ei tho kha" lungawi lo zeta ka tih chuan "A in ang hleinem, meizial te chu rimchhe si, motor rui ila min buaipui vek ka ngai dawn sin" arawn ti liampuat a,
"Anih chu,, mi hnial lah hi i hrat sia"
"Ka hnial hneh ngai chuang hleinem"
"I pa pawh i hnial zuah zuah thin ania ka rin"
"Hahhaaa... a teuh lo e... ka hlauh mahnak a"
"Ka nu va kal kha ka hmu chak ngawt mai"
"Nia, keipawh.. min rawn hrilh khan chhan mai ngaihna pawh ka hre lo a, a pi diktak a ni em a rawn ti bawk sia, ka zak tak tak"
"Nge zahthlak... A pi tak tak alawm"
"Chuvang chuan alawm 'A ni' ka ti reng alawm"
Sangtei nen chuan motor chuan paha titi chu enge kawng zawng takin nuam ka ti hle a, a fingin thil aman chak em em a, mi han chhan dan mai te hi a haihchham lo in a a thluak that zia ka hre telh telh ani.
Lunglei kan thlen chuan Sangtei chu a muhil tui hle a, zawi te in ka va hnaih a, lungmuang taka a muhil chu ka en vawng vawng mai! ka fawp chak thut a, fawh ka tum lai tak chuan motor pakhat hian horn a rawn pe tuarh a, Sangtei chu a rawn harh zawk mai! Huihamm!!!
Kan inah chuan a vawikhat nan Sangtei chu ka hruai lut ta a,ka nu leh pa te chu an hrilh hai bawk sia, an lawm bawk sia, "Messiana nu chu maw i nih?" ka nu chuan a rawn ti a, Sangtei chu a bu nghat nghat a, "Ka va hmu asin ka tupa chu, hruai haw ka duh viau a, mahse min duh lo a" atih leh chuan a lungchhe deuh tih ka hrethei! Sangtei chuan hnem pahin "Keimah nen kan la rawn kal dawn alawm ka nu..." atih chuan Sangtei chu ka chhuangin ka nui var var mai a.
Mahse Lawngtlai kan thlen chuan ka nui tawh lo chiang kher mai, Sangtei pa nen chuan choka dawhkanah in hma tawnin kan thu a, a savun tiang chu dawhkanah a hlap leh thuai thuai thin, ka lo rindan chuan Sangtei pa chu putar tereuh te, zaidam deuh turah ka ngaia, alo nilo nasa, Palian tak leh nelawm loh zet hi ani a, "Ka fanu i rai a, ngaihsak zui loin khawtlang hma ah zaktak leh mi te nuihsawhin i siam a, tunah engvanga neih rawn duh leh si nge i nih?" tih pahin tiang chu a vaw leh thuai a, ka heh hnuai chu ka pet fana, a fanu ka sawichhiat chuan min talh duh mai dawnin ka hre si, ka mang ava ang tak em!
"Sangtei nen hian enge maw in hmuh thiam lohna kan nei a, mahse tunah chuan kan in hrethiam tawnin ani pawn min neih a duh tawh ani" fimkhur tak chuan kan ti a,
"In neih maw?!, nang ang mipa, mahni fa ngei pawh kum 4 tal tawp thlahthlam duh tu lakah hian ka fanu hi lung muang taka ka kal tir theih i ring ami?" a raqn ti leh a, chhan dan tur ka haihchham tawh kher mai!
"Enteh ka pu, Messiana hi ka duh vang renga thlahthlam ka ni lo, ka hriat..."
Hmanhmawh takin Sangtei chu choka ah arawn tlan luta, "Ka pa duhtawk teh, Remruata thiam loh ani bik vek hleinem" a rawn tih chuan ka thaw huai huai mai! min chhan rawh tih mitmeng hian Sangtei chu ka melh a, "Ka rai thu kha Remruata hi ka hrilh lo ani ka pa.." a rawn ti ta a, ka pu zawn chu a ngawi ta vang vang a, mahse ka rilru a nawm phah lem lo.
Kan chhungte ve ve in kan in kar an hre tawh bawk a, boruak rit lutuk pawh chu a zia huaiin ka hria, Sangtei chhung leh khat te chuan min lawm thiam hle a, Messianan apa ka ni tih a hriat chuan min en ho a "Khawiah nge i awm bo char char a?!" min tih chuan chhan ngaihna ka hre lo, ka kuah a, ngaihdam dil bak tih theih ka neilo ani.
Lawngtlaiah chuan ni 5 kan cham a, kan cham chhungin Sangtei chu ka mutpui lova, ka damchhunga a bula mutna hun ka nei theih na chuan min hnem thin ani.Sangtei nen chuan Messiana hruaiin kan in khalh haw leh ta a,
"Messian hi, Lungleiah kan hnutchhiah ag ang nge Aizawlah kan tlang pui ang?" Sangteiin a rawn tih chuan ka nuisaka, ka fapa chu ka en a, anu ngengin lungmuang takin a muhil siai siai a, ka en kham thei lo!
"Hh.. ama duh dan dan ani mai" tih pahin ka motor khalh chu ka ngaihtuah leh a, tunah chuan ka fapa leh anu chu ka bulah an awm ta a, hreawm ti tak leh mahni in sit chungin khawvel ka hmachhawn leh tawh ngai lo ang!!! Engtikah emaw chuan inchhuang tak leh ka fapa hruai in doctor te nupa chu hmuh ngei ka la tum a ni.

Chapter 1

Chapter 2

Chapter 3

Chapter 4

Chapter 5

Chapter 6

Chapter 7

Chapter - 8

Chapter 9

A TAWP TA.