TOTAL BANDH NEI DAWN

Aizawl | January 06, 2019: Vawiin 6th January, 2019 chhun dar 12:00 khan MZP General Headquarters chuan Emergency meeting a ko a, India hmarchhak State pariat(8) Zirlai Pawl inzawmkhawm North East Students’ Organisation(N.E.S.O) chuan The Citizenship (Amendment) Bill, 2016 Indian Parliament a pass tumna  awm mek hi a pawm lo hle a. He bill pass tumna avang hian North East State zirlaite’n a ruala Total Bandh neih nise a tih avangin, Citizenship (Amendment) Bill 2016 pass tum duhlohna lan tir nan, Ni 8th January,2019(Thawhlehni) hian Mizoram pumah MZP huaihawtin Total Bandh neih nise tiin Emergency Meeting chuan a rel a ni.

The Citizenship (Amendment) Bill, 2016 hi North East mite hian kan duh lo tlang hle a, The Citizenship (Amendment) Bill, 2016 hi pawm a nih chuan Afghanistan, Bangladesh leh Pakistan atanga India- a lo lut heng; Hindu, Sikh, Buddhist, Jain, Persi sakhaw zawmtute chu kum 6 chhung India-ah an lo awm tawh a nih chuan India khua leh tui nihna pek tur an ni. He Bill hian a tum ber chu : Hindu, Sikh, Buddhist, Jain, Parsi mi leh sa te Afghanistan, Bangladesh leh Pakistan chhuak te tan awlsam takin India khua leh tui a nih theih dawn a, Sakhaw behchhana Citizen nih theihna tur Bill a ni a, thiam taka Hindu Sakhua vulh len tumna a ni.

MZP chuan The Citizenship (Amendment) Bill, 2016 hi Indian Parliament a pass a nih chuan keini Mizoram tan a hlauhawm zual hle a ni tih a hria a. Bangladesh atanga dan loa lo lut Chakma foreigner te hian awlsam takin India khua leh tui nihna an nei thei dawn a ni. He mi vang hian Mizoramah pawh NGO Co-ordination committee kaihhruaina hnuaiah All Political party leh Joint NGO pawhin duhlohna lantir a ni tawh a, Memorandum inang tlang thehluh a ni tawh nghe nghe a ni.  The Citizenship (Amendment) Bill, 2016 zir chiangtur a din Joint Parliamentary Committee on Citizenship (Amendment) Bill, 2016 te pawh Mizoram lo tlawh ve tura ngen anih hnu pawhin, North East State dangte a tlawh vek laiin, Mizoram chu a rawn tlawh ve duh lo bawk a ni.

The Citizenship (Amendment )Bill 2016 hi, NESO pawhin  a tir atangin nasa takin a dodal a, he Bill hian India danpui  Right to equality a kalh mai bakah Sakhuana thlenga i duhsakna a ni a. He Bill hi pass a nih chuan dan lova lo pem lutte avangin North East State-te hi a tuar nasa ber tur kan nih bakah Mizoram phei chu tuar nasa leh zual tur leh kan Kristianna thlengin a nghawng dawn avangin MZP chuan Ni 8th January,2019 hian zing dar 5 atanga tlai dar 4 thleng Mizoram pumah MZP hmalaknain Total Bandh a huaihawt dawn a, Mizoram mipui ten he Total Band hi hnam thil leh kan sakhuana thlenga nghawng thei a ni tih hria a min lo support vek turin MZP chuan a ngenin a sawm tak meuh meuh che u a ni.

Aizawl khawpui chhung bikah duty post sawm paruk siam a ni a,  chung te chu:-

1. Kulikawn
2. Sikulkpuikawn
3. Treasury Square
4. Khatla kawn
5. Tennis Court
6. Temple Square 
7. Vaivakawn
8. Company Peng
9. Bawngkawn
10. Zemabawk
11. Chaltlang Dawrkawn
12. Industry peng Ramhlun
13. Chanmari
14. Zarkawt 
15. Bazar Bungkawn
16. College veng

Total Bandh-in a huam lo turte :-
1) Chanchinbu mi
2) Chanchinbu sem
3) Venhimna hna thawk tute(Police)
4) PHE tui sem
5) Damdawi in a thawkte
6) Bawnghnute sem
7) P & E emergency hnathawk tute