MZI le Mizoram Tourism buotsai Nostalgia Nite hmang; "hmasawnnain a sukdanglam thei naw chu Rimawi ngainatna le inzin inhawi tina hi a nih,"

Aizawl | October 8, 2025: Mizoram Tourism le Mizo Zaimi Inzawmkhawm (MZI) buotsaiin vawizan khan Aijal Club Park-ah Mizoram Travel Fest 2025 ‘Nostalgia Nite’ hmang a ni a, Assembly Speaker Lalbiakzama chun khuollien niin a hmangpui.

Speaker chun, "Tulai thiemna le remchangna mil hin ei hranghlui hai khawm insiemremin intuoithar pei unla," a ti a, "Tulaiah hla sakthiem hrang hrang le hla sak dang hran hran an hung suok thar pei a. Hranghlui hai in hlu ta naw rieu damin lo inhre intih ti ka'n lau hlak. Nangni leia tu dinhmun hi chuongkai thei an (thangtharhai) ni a, in lam sat kuok sa an hung hraw a nih. Ei ram ta dinga in hlut zie hi hre nawn rawp dingin ka dit cheu," a ti bawk.

Speaker Lalbiakzama chun, "Khawvelin hma a sawn a, AI (Artificial Intelligence), Machine Learning (ML) le a dang haiin hrat takin hma sawnin thalai nunphung khawm nasa takin a sawi danglam mek a. Hieng hmasawnnain a sukdanglam thei naw chu rimawi ngainat le inzin inhawi tina hi a nih," a ti.

Vawizana 'Nostalgia Nite'-ah hin MZI member hlasakthiem hranghlui - H Zosangliani, Lalsawmliana, Marina Sailothangi, Mazami Chhakchhuak, Lalchamliana Sailo, Lalbiakchhungi Pachuau, Lalruatpuii le H Zarzoliana haiin thiem takin mipui pungkhawm hai an inawi a nih.

Speaker thuhril kimchang:

https://www.exploremizoram.com/2025/10/mizoram-travel-fest-2025-nostalgia-nite-speaker-lalbiakzama-thusawi.html