Aizawl | July 26, 2022: Pachhunga University College (PUC) chuan tunhnaia National Assessment and Accreditation Council (NAAC) Peer Team in an rawn endik hnuah vawiin khan A+ accreditation an hmu.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
PUC hi NAAC A+ accredited ni sa an ni a, heti hian ngai an awh tihna a ni!
Tunah hian PUC hian NAAC endiknaah CGPA 3.37 hmuin grade A+ an ni.
NAAC endiknaah hian A++ hmuh ngei tumin theihtawp chhuahin an inbuatsaih a, an ṭang a, mahse, an beisei leh tumna te hlawhtling zo lovin grade ngai (A+) ah an su ta rih dawn a ni.
NAAC in grade an pek danah hian A++ hi a sang ber niin, D hi a hniam ber a ni a. Cumulative Grade Point Average (CGPA) 1.5 emaw a aia hniam hmu ho chu D niin, accredit loh an ni.
Grade A++ hmu tur hian CGPA ah 3.76 aṭanga 4 hmuh a ngai a, A+ ah hian 3.51 aṭanga 3.75 point neite an awm a, A ah hian 3.01 aṭanga 3.50 hmute an awm leh a, NAAC endiknaa 2.76 leh 3 point inkar CGPA hmute chu B++ ah an awm a. 2.51 - 2.75 B+ niin, 2.01 leh 2.50 inkar chu B an ni a, 1.51 - 2.00 hmute C an ni a, 1.5 emaw a aia hniam hmute chu D niin Accredit loh tia sawi an ni ṭhin.
NAAC grading system kimchang HETAH hian dah a ni.
Pachhunga University College hi July ni 20-21 chhung khan National Assessment and Accreditation Council (NAAC) hian an endik a, tehfung hrang hrang hmanga endik a nih hnuah dinhmun sang tak, A+ Grade pek a ni a. India Hmarchhaka NAAC A+ College pahnih awm-ah a score sang zawk niin, northeast college zinga NAAC grading a score sang ber a ni. Kum 2016-a endik a nih tum khan PUC hi A+ Grade pek a lo ni tawh a, tun tumah hian A+ Grade pek ni leh mah se, hmasawn zel in a hma aiin point an hmu sang zawk a ni.
P.U. College hi Post Graduate College a nih tawh vangin PG College tehfung hmanga teh a ni a. NAAC hian July 2017 khan endikna tehfung thar an hmang a. Tuna an tehfung tharah hian 3.26 - 3.50 CGPA hi A+ Grade a ni a, A++ Grade ni tur chuan 3.51 - 4.00 CGPA hmuh a ngai a. Tun tumah hian PUC hian CGPA 3.37 hmuin point score ah hma a sawn a ni.
P.U. College hi Post Graduate College a nih tawh vangin PG College tehfung hmanga teh a ni a. NAAC hian July 2017 khan endikna tehfung thar an hmang a. Tuna an tehfung tharah hian 3.26 - 3.50 CGPA hi A+ Grade a ni a, A++ Grade ni tur chuan 3.51 - 4.00 CGPA hmuh a ngai a. Tun tumah hian PUC hian CGPA 3.37 hmuin point score ah hma a sawn a ni.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Grading system thar i lo en tha dawn em mi niang???
ReplyDeletePost a Comment
He post chungchanga i ngaihdan lo sawi ve rawh: