Aizawl | July 26, 2022: Tunhnai ruahsur vanga lei che vangin Republic veng chhunga venghlun huam chhungah chhungkaw 30 chuang chu an in lum chhuahsanin hmun him lamah an chhuahsan rih.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Thudawnnain a tarlan danin, Republic veng kawipui chhak kual lane thlang, venghluna K Saibela te kawmthlang vel lei a che a, min leh chhiatna nasa zawk thlen hlauhthawn thuah chhungkaw 30 chuang chuan mahni in lum an luah ngam lo.
Heng ina electric hrui pawh an sut vek tawh a. Bungraw thiar chhuak turin hian veng chhung tlawmngaite an hnatlang a ni.
Republic veng lei chet vanga Chhungkaw buai zat hi 36 an ni a, mihring 146 an ni.
Bungraw inthiar chhuak hi chhungkaw 19 niin, 69 an ni a, hmun hima riak chhuak ringawt hi chhungkaw 19 niin, mi 77 an ni.
Vawiin tlai thleng khan he chhungkaw che zat/a nghawng zat hi a la danglam lo niin EXPLOREMIZORAM.COM chu a hmunah kalin thu a dawng.
A hmuna endiktu Geologist te chuan a mual anga che nia sawi chu, "an sawi uar lutuk a ni" an ti a. Tun dinhmuna a lan dan chuan, Lei chetna in pakhat leh a ṭhenawm hnai tak tak lo chu a chet rih loh thu EXPLOREMIZORAM.COM an hrilh bawk.
A hmuna awmte chuan, A bul vel hi silpaulin a khuh nghal vek a ni a, che leh thut thei a nih leh nih loh chu an sawi theih bik loh thu sawiin, fimkhur taka thlitlai reng a ṭul thu an sawi bawk.
Republic veng lei che hi Local Council lamin an vil reng a, vawiinah Aizawl lam aṭanga mithiamin an en bakah AMC councillor David Zohmangaiha pawhin a hmunah a tlawh tawh a.
Sawi tawh angin Geologist lam pawhin a hmunah kalin an en dik a, lei te lain an endik bawk a ni.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: