KOLASIB DISTRICT-A VC PATHUMA BY-ELECTION NEIH TUR A DRAFT ELECTORAL ROLL TLANGZARH A NI

Kolasib | July 27, 2022: Nimin chawhnu khan DC Conference Hall, Kolasibah Bairabi North, Kolasib Venglai leh Zanlawn Village Council-a By-Election neihna tur atan vote thlak thei zat tarlanna, Draft Electoral Roll chu Pu John LT Sanga, District Election Officer-in a tlangzarh a. Electoral Registration Officer, Assistant Electoral Registration Officer, NGO leh Political Party hrang hrang aiawhte he hun ah hian telin Roll siamthat ngaite endik a nih theih nan Draft Electoral Roll hi pek an ni bawk a ni.
 

Pu Gaston Vanlalhriatpuia, Election Officer chuan By-Election neihna tur Village Council pathuma Roll siamthat ngaite chu July ni 31, 2022 thleng dawnsawn a nih tur thu leh August ni 3, 2022 thleng siamthat hna thawh tur a nih thu a tarlang a. Village Council By-Election atan a hman tur Electoral Roll chu August ni 8, 2022-ah tlangzarh leh tur a nih thu a sawi.
 

Bairabi North, Kolasib Venglai leh Zanlawn Village Council-ahte hian hmun ruak hnawhkhah tur pakhat theuh a awm a. Draft Electoral Roll-a a lan danin Bairabi North-ah hian voter 2479 an awm a, Kolasib Venglaiah 2205 awmin Zanlawnah 830 an awm a ni.

2 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post