Ticker

10/recent/ticker-posts

'Nutei Thingpui Dawr' film vangin thinphu a rang; Runmawi-ah en theihin a awm dawn

Aizawl | December 10, 2021: Mizo film thar 'Nutei Thingpui dawr' nizan khan Vanapa Hall, Aizawl-ah sawm bik mi tlemte te nen en hovin tlangzarh a ni a, Nutei Thingpui Dawr Premiere hi DIPR director Lallianpuii chuan khuallian niin a hmanpui.


Tlangzarh paha thu sawiin Pi Lallianpuii chuan tunhnaia Mizo film siamtute ah hmasawnna a sang hle a ni, a ti a. Mizo film hi kan hlut chho telh telh dawn a, film siamtu talent nei tha tak takte chu tang chho zel tur leh film tha tak tak siam tam turin a fuih a. Nuteii Thingpui dawr film siamtu H. Lalsangzela chu rim taka thawka film a siam zo thei chu a lawmpui hle tih a sawi a ni.


‘Nuteii Thingpui Dawr’ hi H. Lalsangzela siam, direct niin Zote Entertainment in a produce a ni a. He film hi psychological thriller a ni. He film hi streaming apps Runmawi Apps atanga en theih tura tih a ni. 

Runmawi Apps ah hian click la download mai theih a ni.




'Nutei Thingpui Dawr' hi a hmuhnawmin en a nuam a, Mizo film, hlauhawm, thinṭhawng leh thinphu tirang thei lama tuihalte tan chuan Nutei Thingpui Dawr hi en ngei chi a ni a, hmaih phal chi a ni lo.

Mizo film - hlauhawm,  thinphu tirang thei lama tuihal chi i nih ngai chuan i tan 'Nutei Thingpui Dawr' hi chawlhna nuam a nih ngei ka ring!





 Nutei Thingpui Dawr hi  an shoot laiin thlarau sualin a ti buai nasa em em a, Shooting pawh kalpui hleihtheih loh hialin thawm a neiin a inlar a, EXPLOREMIZORAM.COM ah pawh kan lo tarlang tawh nghe ngeh a ni.


He film hi Bung Bangla-ah shoot a ni a, thudawnna chuan, Zan khatna-ah chuan thawm engmah hre lovin shooting pawh a kal tluang hle a, zan hnihna zan rei-ah hmeichhe nui kur kur te zanlai-ah an riahna doom a in-um kual thawm te leh phun sur sur thawm te, leh chang leh an thlanga Pipu te chu thli thaw si lovin a lo in then leh vak vak thin a, Darthlalang a lo en reng lai tum hnih lai an hmu bawk niin thu dawn a ni.
EXPLORE MIZORAM hi mi dang i lo hmelhriattir zel dawn nia!



Shoot-na hmun-ah an Makeup Artist in kawngka ah a hmu leh bakah a tawp zan ah  Crew pakhat chu a hnung ah zuitu pahnih an awm chu Member pahnih bak ah Director ngei pawn a hmu ve bawk niin tarlan a ni.


Heng bakah hian thil thleng dang a awm nual a, a Changtunu sam a lo intawn bakah a changtute zinga pakhat pawh ramhuai/thla hian a mu lai chu a chum tho nghe nghe a ni. 





He film thar tur hi Zote Entertainment kutchhuak niin Mike H Lalsangzela direct a ni a, Director of Photography hi Ruattea niin, a thawnthu hi Aaron Malsawmzuala ziah niin, Make-up hi Aruata Fanai-in khawihin Fashion designer hi Aries Boutique a ni a, Production Manager-ah Thian lungdum changtunu Alice Rintluangi a awm bawk.

He film a changtunu hi Zuali Chhangte niin, ani hi Miss Zofa International 2018 Finalist leh Miss Mizoram 2020 finalist ni bawk, Bangla No 9 a ramhuai anga inlan tawh a ni a, hemi bakah hian Music video hrang hrangah a inlan tawh bawk a ni.

Hmaih phal loh tur, Mizo zaithiam lar, Vai hla sa ah phei chuan a tluk awm lo hial tura mawi, film lehlina aw thawh hnem em em, Melham Reality neitu ni bawk Pi Melody G Fanai chu he film-ah hian rinpuii angin thiam takin a inlan a, a hmunah, an bula awm reng chunga en siin thin phu dawt khawpin a chang thiam a ni.

Mister India Mizoram atanga hriat hlawh Zorina a inlan a, Zohmingi leh Esther Ralte, Rempuii bakah Rinzuala te an inlan bawk a ni. Film lama mi hriat a hlawh lem lo an inlan nual a, ZOTE Entertainment hi mi thar chherchhuah leh pholan kawngah an thawhhlawk hle a, an zia an la chhawm zel niin a lang.


Post i hmuh dan

Post a Comment

0 Comments