Aizawl | September 18, 2021: Mizo film thar tur siam leh chan mek 'Nutei Thingpui dawr' chu an shoot laiin thlahrau sualin a ti buai nasa em em a, Shooting pawh kalpui hleihtheih loh hialin thawm a neiin a inlar niin thu dawnna chuan a tarlang.
He film hi Bung Bangla-ah shoot a ni a, thudawnna chuan, Zan khatna-ah chuan thawm engmah hre lovin shooting pawh a kal tluang hle a, zan hnihna zan rei-ah hmeichhe nui kur kur te zanlai-ah an riahna doom a in-um kual thawm te leh phun sur sur thawm te, leh chang leh an thlanga Pipu te chu thli thaw si lovin a lo in then leh vak vak thin a, Darthlalang a lo en reng lai tum hnih lai an hmu bawk niin thu dawn a ni.
EXPLORE MIZORAM hi mi dang i lo hmelhriattir zel dawn nia!
Shoot-na hmun-ah an Makeup Artist in kawngka ah a hmu leh bakah a tawp zan ah Crew pakhat chu a hnung ah zuitu pahnih an awm chu Member pahnih bak ah Director ngei pawn a hmu ve bawk niin tarlan a ni.
Heng bakah hian thil thleng dang a awm nual a, a Changtunu sam a lo intawn bakah a changtute zinga pakhat pawh ramhuai/thla hian a mu lai chu a chum tho nghe nghe a ni.
He film siamtu Mike hnen atanga EXPLOREMIZORAM.COM in thu a dawn danin, "a changtunu sam lo invial/vet hi darkar khat dawn phelh nan an hmang a, Thla hi vawi li dawn a rawn inlan bawkah Shooting lai hian Face Detect chuan Kawngka pawn lam thim lam a Focus tlat bawk a ni." tiin a tarlang a. "Film Audio ah pawh a thawm hi a lang tel nghe nghe a. Hmeichhe au/te thawm a hriat tur a awm tel bawk a ni." tiin a chhunzawm.
He film thar tur hi Zote Entertainment kutchhuak niin Mike H Lalsangzela direct a ni a, Director of Photography hi Ruattea niin, a thawnthu hi Aaron Malsawmzuala ziah niin, Make-up hi Aruata Fanai-in khawihin Fashion designer hi Aries Boutique a ni a, Production Manager-ah Thian lungdum changtunu Alice Rintluangi a awm bawk.
He film a changtunu hi Zuali Chhangte niin, ani hi Miss Zofa Internationa 2018 Finalist leh Miss Mizoram 2020 finalist ni bawk, Bangla No 9 a ramhuai anga inlan tawh a ni a, hemi bakah hian Music video hrang hrangah a inlan tawh bawk a ni.
Mister India Mizoram atanga hriat hlawh Zorina a inlan dawn bawk a, Zohmingi leh Esther Ralte, MPS Chapchar Kut Lady 2020 finalist zinga mi Esther Lalchhuanmawii bakah Rinzuala te an inlan dawn bawk a ni. Film lama mi hriat a hlawh lem lo an inlan nual dawn a, ZOTE Entertainment hi mi thar chherchhuah leh pholan kawngah an thawhhlawk hle a, an zia an la chhawm zel niin a lang.
Zuali Chhangte @ https://www.exploremizoram.com/2020/02/c-lalhmangaihzuali.html?m=1
den ve
ReplyDeleteDen tha hmiah, a flim kawh tum lam, paranormal a nih hmel a, in khawngaihthlak viau nang in a hit phah phian maithei ani
ReplyDeletePost a Comment
He post chungchanga i ngaihdan lo sawi ve rawh: