Zirlai 7500 chuang account-ah scholarship pawisa lut tawh!

 Aizawl | November 24, 2021: Vawiin tlai dar 3 vel aṭanga pek chhuah ṭan Tribal Scholarship 2nd installment chu dar 8:30 thleng khan zirlai 7500 chuang account-ah a lut tawh niin MZP lam chuan an tarlang.

MZP lam chuan, "MZP Gen. Hqrs. OB te chuan zirlaite scholarship luh kan la ngaichang reng a. 5:30-ah zirlaite account-ah 522 a lut tawh a. Tunah hian 7502 lut tawhin kan ngaichang chhunzawm zel" an ti.

 Vawiin tlai dar 3 vel aṭang khan Mizoram Scholarship Board (MSB) chuan Tribal Post Matric Scholarship sum 2nd installment chu zirlaite account-ah a thun ṭan mek niin EXPLOREMIZORAM.COM chuan thu a dawng.

Zirlaite aṭanga thu dawn danin Installment sum hi zirlai ṭhenkhatah a lut a, MSB hian an thun mek a ni.

Mizo Zirlai Pawl (MZP) chuan vawiin tlai dar 4 thlenga zirlaite account-a sum a luh loh chuan lungawi lohna lantir tumin sawrkar chu hun tiam an lo pe tawh a ni.

Lungawi lohna lantir an tum hi ṭhulh a ni ta em tih erawh thu dawn a la ni lo.

Tuna thudawnna hnuhnung berin a tarlan danin zirlai 500 chuang ah a lut tawh a, ram pawn lama zirlaite account-ah a lut nia thu dawn a ni.

8:30 PM:

Scholarship update

MZP Gen. Hqrs. OB te chuan zirlaite scholarship luh kan la ngaichang reng a. 5:30-ah zirlaite account-ah 522 a lut tawh a. Tunah hian 7502 lut tawhin kan ngaichang chhunzawm zel a. 

Thawktute ṭhahnem ngaihnaah kan lawm hle a ni.

- #MZP News