Aizawl | November 8, 2021: Jeep te chi a siam EXPLOREMIZORAM.COM ah hian kan lo phochhuak tawh a, tunah Cement Block siamna khawl a rawn siam leh a, pa ropui, pa awm mai mai lo, thiam thil ngah leh taima bawk si Lalhruaitluanga Hmar chanchin hi i han bih thuak thuak teh ang.
Lalhruaitluanga Hmar hi 'Mahruaia' tia hriat niin, tunah hian kum 43-na a hmang mek a, Lalherliani nen Fa pahnih; mipa pakhat leh hmeichhe pakhat an nei a, an chhungkuain Serchhip, Agriculture Complex-ah chengin an khawsa a ni.
Lalhruaitluanga te hian Serchhip Bilzel veng-ah Ruala & Sons Motor Works neiin, hetah hian Mini Jeep a siam tawh pawh kha a siam ta a ni.
Mini Jeep / Jeep te chi a siam chungchang post: HETAH
Tuna a thil siam hi Cement block siam na khawl a ni a, "tuna ka siam ah hian block size pahnih, brick size leh cubic lung size a siam theih," tiin Lalhruaitluanga chuan EXPLOREMIZORAM.COM a hrilh.
"Tun a mi hi chu mi order ka siam a ni a, kumin september thla khan a vawikhat nan ka siam." tiin September thla khan hetiang khawl tangkai tur hi a siam tan thu EXPLOREMIZORAM.COM a hrilh bawk.
A man chungchang zawhna chu, "Size pahnih siam thei a nih avangin a man pawh hi a to deuh a, cheng 75000/- in ka hralh." a ti a, order ve theih a ni em? tih chu, "Miin an duh a, an rawn order chuan ka siamsak thei reng e. A order tu te duhdan a zirin aman a tlawm in a to thei." tiin Lalhruaitluanga hian EXPLOREMIZORAM.COM zawhna a chhang.
A siam dan a hau tak em?
- A siam dan hi a hautak reuh khawp mai a, thir a ngai hnem em em a, hun a duh rei bawk.
Eng a tana hman tur nge?
- Hemi khawl ngawr ngawr hi chu cement brick leh cubic siamna a ni mai a, a duh tan chuan hollow block a siam theih bawk.
Engnge a that bikna?
- He khawl atanga siam cement brick te hi brick pangngai aiin a size a lian tha a, a rem a nuam bawk a, cement a bei tha a, a man a tlawm hle bawk a. Load a lak chak zawng hi brick no.1 te nen inang khat a ni.
I eizawnna lam?
- Kei hi mechanic niin, Motor workshop kan nei ve a, a bakah hetiang khawl thil ka siam neuh neuh te hi kan eizawnna ber chu a ni mai.
Hetiang khawl siam lam zirna i nei em?
Nei hran lo. Zirna lam ah hian ka zir sang lo hle mai a.. pawl 8 ka pass ve tawk tawk a ni. (simple in🙊🙊)
Hmachhawp emaw siam mekte i nei em?
- Tunah hian plastic herdipna tur ka buaipui leh mek a, ka puitlin hunah kan la inkawm leh dawn nia. Chuan, thlawhna (trike) ka buaipui mek bawk a, ka siam zo ve tep tawh ang!
A chanchin kimchang hriat in chak ngei kan ring a, amahin a sawi ang hian a hmachhawp mek a tihhlawhtlin hunah kimchang zawka la inkawm leh turin kan inthlah ta rih a ni.
- H Zate
Founder/Editor
Mini Jeep siam chu: https://www.exploremizoram.com/2020/04/feature-story-mizo-siam-mini-jeep.html
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Join Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
A bengvar thlak viau mai.. A khawlin hna a thawk lai video te han awm thei phei se chuan a manhla leh zual ngei ang..👍👍
ReplyDeletePost a Comment
He post chungchanga i ngaihdan lo sawi ve rawh: