FEATURE STORY| Mizo siam Mini Jeep

Kolasib | April 20, 2020: Explore Mizoram instagram account lama kan post tawh, 'Mizo siam Mini Jeep' chuan mi ngaihven leh lawm a hlawh hle.

Mizo thluak leh theihna hian a tlin zia tilang turin Serchhip pa a che chhuak a, Mini Jeep tia vuah, Motor te, Jeep anga siam chu a siam chhuak a, la siam zo lo mahse a pum tawh a, lawm a hlawhin ngaihven a hlawh ṭan hle.


He mini Jeep hi Lalhruaitluanga (42),  Serchhip, Agriculture Complex a awmin a siam a ni a. Nupui fanau neiin, mini Jeep siam hi an tui tlang hle a, a fate nen an thawk map map mai a ni.

Mini Jeep siam lai leh test drive

He Mini Jeep hi siam lai mek a ni a, a zawh hunah chuan Bike in a phurh theih ang chu phur ve thei tura ngaih a ni a. A khalh pawh a nuamin a chak hle niin thudawnna chuan a sawi.


Thudawnnain a sawi danin he mini Jeep khawl atan hian Bike engine Hero Glamour 125cc  hman a ni a,  Petrol hmang a tlan a ni.


Mini Jeep siam nan hian, Bike Engine bakah, a body hi plain sheet a khawr a nia, a ke ah hian scooty ke an hmang a, defencial hi Maruti 800 car a mi an hmang bawk.

Lalhruaitluanga Mini Jeep nen

A tlan chak zawng tur hi siam lai a la nih avang hian an la chiang bik chiah lo niin thudawnna chuan a sawi bawk.

Bike in a phurh theih chin chu phur thei turah theih turah chuan an ngai a, a zia khawp mai, an ti.

Lalhruaitluanga te hian Serchhip Bilzel veng-ah Ruala & Sons Motor Works neiin, hetah hian Mini Jeep hi an siam ta a ni.

Lalhruaitluanga fapa, Muankima Hmar chuan, "siam lai mek a ni a, khalh a nuam khawp mai" a ti a, "Kan chhungkaw kutchhuak min ngaihhlutsak a, kan lawm e," tiin lawmthu a sawi bawk.

- H Zate
Founder/Editor
EXPLORE MIZORAM









(A hnuaia fakna hi lo hmet ve rawh.)

Post a Comment

0 Comments