Aizawl | April 19, 2020: Ramhlun South Young Mizo Association (YMA) Branch chuan Lockdown chhunga YMA thiltum 'hunawl hman ṭhat' tihdikna atan 'Kawtkai Library' buatsaihin an kalpui a, mipuiin an hlut hle.
He thil hi Ramhlun South YMA Library & Documentation Sub-Committee hmalaknaa kalpui niin, Lock Down chhunga mipuiin a thlawna Lehkhabu an chhiar theih nana buatsaih a ni.
Kawtkai Library thawhkhatnaah lehkhabu 50 chuang zet hawh chhuah a ni a, vengchhung mipuiten an hlut tlang tih an hriatin Ramhlun South YMA Library & Documentation Sub-Committee chuan lawmthu an sawi bawk.
Ramhlun South YMA hian Lockdown chhunga lehkhabu chhiar hnem ber mi pathum hnenah lawmman pek an tum bawk a ni.
Ramhlun South YMA hian lehkhabu list chu an veng chhung-ah hriattirna tichhuakin WhatsAppp group-ah an post darh a, biak pawh theihna an siam bawk a, chutah chuan biak mai turin ruahmanna an siam a ni.
Engtin nge an kalpui?
Lehkhabu list an tarchhuak a, chung an tarchhuahte aṭang chaan mahni chhiar chak zawng an thlang a. Lehkhabu hawh tur an thlan te chu a bu hming leh ziaktu hming leh a hawhtu tur hming leh address nen phone number an dah-ah in hriattirin, delivery incharge ten inah an pe mai ṭhin a ni.
Lehkhabu hi ni 10 chhung an kawl thei a, an chhiar zawh veleh phone number tarlanah an inhriattir leh a, mawhphurtute'n an lam leh mai ṭhin a ni.
Lehkhabu hi Mizo thuziak bakah ṭawng danga thuziak lehkhabu hrang hrangte niin, lehkhabu hawh theihte hi WhatsApp ah an post mai ṭhin a ni.
(A hnuaia fakna hi lo hmet ve rawh.)
Ramhlun South YMA te in va fakawm em! YMA vul zel rawh se
ReplyDeletePost a Comment
He post chungchanga i ngaihdan lo sawi ve rawh: