IR duty kut thlaktute hi sorkarin a man lo a nih chuan Chakma misualte man turin Mizo thalaite kan che chhuak nghal ang - MZP

Aizawl | April 19, 2020: Mizo Zirlai Pawl (MZP) Geaneral Headquarters chuan thuchhuah siamin, nimin a Covid 19 vanga New Kawnpui a  ram leh hnam himna tura 5th IR duty C Lalhruaitluanga s/o C Lalnunsanga, Republic Veng leh R Zairemmawia s/o R Vansawma, Hlimen Veng ten Chakma misualte kut an tuar hi a thinurthlak an tiin an lawm lo hle tih an tarlang a, "IR duty kut thlaktute hi sorkarin a man lo a nih chuan Chakma misualte man turin Mizo thalaite kan che chhuak nghal ang." an ti.

MZP chuan,  Mizoram sorkar chu Zomuantlang a Police OC (Chakma) chu a rang thei ang bera sawn chhuak se an ti a, police force duty tur tam zawk, darkar 24 chhunga dah belh thuai turin sorkar an phut thu an thuchhuah-ah an tarlang bawk.

MZP chuan, Ram leh hnam himna tura Mizo IR duty kut thlaktute hi a rang thei ang bera man nghal turin sorkar an phut a. "IR duty kut thlaktute hi sorkarin a man lo a nih chuan Chakma misualte man turin Mizo thalaite kan che chhuak nghal ang." an ti a, Tripura leh Mizoram inrinaah hian fimkhur zâwkna avangin Tripura lam Chakmate hi rawn duty tawh lo se an duh thu an tarlang bawk.

Mizoram chhung ngeiah Chakma misual ten Mizo tlangval, Mizoram mipuite himna tura duty, uniform ha lai lehnghal kut an thlak hi na an tiin an dem takzet thu MZP chuan an sawi a. IR duty Chakma kut tuarte hi Aizawl Civil Hospital-ah MZP hruaitute chuan an lo hmuak a, damlo kanna pawisa an pe nghal a.  Chakma kut tuartu Mizo tlangvalte inenkawlna hi Mizoram sorkarin  tumsak se an ti bawk.

Tin, Hemi chungchangah hian MZP hruaitute leh  Adviser te chuan vawiin tlai khan Home Minister Pu Lalchamliana chu a chenna in-ah hmu nghalin, sorkara hmala tura rawtna chi hrang hrang an  thlen nghal.

EXPLORE MIZORAM

https://www.exploremizoram.com

email: admin@exploremizoram.com

FB: https://www.facebook.com/exploremizoramportal

Instagram: https://www.instagram.com/exploremizoram

(A hnuaia fakna hi lo hmet ve rawh.)