Aizawl | April 19, 2020: Chief Minister Pu Zoramthanga chuan a bial Aizawl East-I chhunga nimin (18.4.2020)-a thli leh ruahpui avanga chhiattawkte a hmunah a tlawh.
Chief Minister hian Tuirial, Zemabawk leh Muthi ah kalin, veng hrang pasarih a tlawh a. Khuarel chhiat avanga tuar an awm chu pawi a tihpui thu Chief Minister chuan sawiin, hnatlangte thingpui in na tur ₹ 5,000 theuh a pe a ni. Aizawl East-I huam chhungah hian thli tleh vanga in chhia 50 dawn a awm a ni.
Chief Minister hi Aizawl DC Pu Vanlalngaihsaka, DM&R Director leh magistrate leh officer dangten an tawiawm a. Chhiattawhna hmunhma an en pui a ni.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: