LIRTHEIA CHESUAL TANPUITUTE TAN SAWRKAR LAIPUIIN LAWMMAN BUATSAIH

Aizawl | November 8, 2021: sawrkar laipui chuan October 15, 2021 atanga hman tan turin  lirtheia chetsualna tawk thih hlauhawma ding mekte tanpuitute tan lawmman a buatsaih thar a. He ruahmanna thar hming hi “Scheme for grant of Award to the Good Samaritan who has saved live of a victim of fatal accident” tih a ni a. Lirtheia chetsualna rapthlak (Fatal Accident) tawk, hmanhmawh taka tanpui ngaite tanpuia, nunna chhanhim tura inpe phal tura mipuite tihphurhna pakhat a ni.


Mi tupawh, lirtheia chetsual hlauhawm tak tawk (Fatal Accident) tuten tanpuina leh chhanchhuahna an hmuh thuai theih nana beitu, a hun taka damdawiin panpuia enkawlna an dawn thuai theih nana thawktuten he lawmman hi an dil thei a. Chetsualna hlauhawm tak (fatal accident) hian; hliam tuar, inzai pui (Major Surgery) hial tih zui ngaite, Damdawiina ni thum tal awmzui ngai khawpa hliam te, Thluak lam hliam tuar te leh Hnungzang ruh (Spinal) hliam tuarte an ni.

Chetsualna tawk ten tanpuina an dawn thuai theih nana miin Police hnenah a hriattir vat a nih chuan Doctor ten hliam tuarte an endik vek hnuah Police ten tanpui hmasatu hming, Address, Phone Number leh thil tul dangte chuanna leh tanpuina hna a thawh dan a ziahna tur siamsa hmangin a ziak ang a, District Level Appraisal Committee, District Magistrate Chairman naah Committee ah a copy a thehlut ang. Chutiang bawkin tanpui hmasatu chuan hliam tuarte chu rang taka Damdawiina a hruai a nih chuan a va hruaina Damdawiin chuan tanpuitu hmalakna chanchin chu Police Station-ah a thlen anga, Police Station chuan a chung a mi ang chiah khian Form awmsaah tanpuitu chanchin leh hnathawh dan chu a ziak anga, District Appraisal Committee ah bawk a thehlut ang. District Appraisal Committee ten lawmman dawng tlaka an ngaihte chu State Level Authority ah an thawn thin ang a, State Level Authority chuan Online hmangin lawmman Rs. 5000 thlengin a lo pe thin dawn a ni.

Hrechiang duh tan Serchhip SDO Sadaar ah zawhfiah theih a ni a. Ministry of Road Transport & Highway website ah te pawh en theihin a awm a ni.

- DIPR

Post a Comment

0 Comments