Enkawl lovin pawn lerah thih hun nghakin mi dang hi lo awm tawh lo hram rawh se! - Tebawihi

Kan pa Emmanuel V.L  Hruaizela boral dan leh nat dan a bul aṭangin...




May thla tir lam a ṭang khan a damlo ṭana, khawsik, chaw ei tuilo leh luak ani. May ni 14  vel khan kan veng LLTF in Aizawl hospitalah min hruaia, engmah a natna an hmu lova, sugar erawh a hniama “ṭam chhawl deuh vanga chau anih hi” tiin drip leh vitamin vel min chawha, kan zia chho viaua, a thil ei te pawh tui ṭanin damlam kan pan niah ka ngaia, june thla thla chho velah dam chiang hman lovin a khua a rawn sik leh vaka, subcenterah malaria test ka tih tira, mahse engmah kan hmulo, a khawsik pawh a ziaawm ve zela, mahse a chaw ei erawh a tuilo zela. Na em em nei lovin chaw ei tuilo leh khawsik ser ser a neia, a khawsik erawh nitin a sik loh bakah puan ka sin tir chuan a reh leh mai zela. July thla pawh chuan na em em neilo, chaw ei tuilo in a awm renga, a khawsik erawh a ziaawm zela. July thla laihawl vel aṭangin a chaw ei tuiloh a zuala, chaw te rawtin ka hrai ṭhina. A pum hi na lutuk lem lovin a thip bawka, Aug 3 khan Dr Ramenga online in ka rawna pumpui chakna vel min chawha, chaw ei tuina leh vitamin vel nen a ei kawp chung pawhin a chaw ei a tui thei chuanglo. Aug 25 khan chaw ei tui theihloh vangin civil hospitalah kan inentira, “Thyroid tlêm aneia, damdawi ei pawh angailo, vitamin leh pumpui chakna ei se a zia mai ang” min tia. “ ka pu, chung chu a ei char char alawm, may thla a ṭang khan chaw ei tui mumal a la neilo, ei ngai reng ei tur lo kal ringawt te chu” tiin ka mangan thu ka sawia. Thyroid damdawi hniam min chawh taa, ngaihṭha taka kan ei chungin kan dam thei chuanglo.zan a mu tur hi a phu zuka, a awm a in sêp dawrha, a harh leh hlawl zela, a taksa chakloh vangin maimizial chi khatah kan ngai maia, A hnuah phei chuan a muhil thei lova, a ṭawngvaia, a phu leh zawk zawk zela. Pu Ramenga ka rawn leha ECG ti turin min tia, a natna hriat kan duh em avangin test zawng zawng mai tih kan duh vangin civil Dr Lalnuntluangi spicialin kan pa tel lovin sep 8 khan ka va rawn taa, a felin biak a nuam em ema, a nat tirh aṭangin a awmdan ka sawi veka test chi hrang hrang Xray thlenga kan tih duh thu leh test zawng zawng man chu spicial chuan a to dawn sia, “civila i ṭhut niah test na paper min pe anga, civila test theih zawng zawng civilah kan ti vek anga, civila awmlo chu private ah pawh kan test tawh mai anga, test tih ṭeuh kan duh” tih thu te tlang takin ka sawi tela. A ni chuan a taksa pianphung chaklo vang anih ringin “Vitamins ṭha deuh deuhte, pum damdawite ei sela, chaw ei tuina leh muttuina hi a ei tel bawk anga, a ṭha sawt sawt mai ang, hei hi ei phawt sela investigation pawh a ṭul dan angin kan chhunzawm zel ang” tiin kan inthlah ta a. kan pa angaihtuah êm avangin damdawi mum ni lovin a tui ei nuam tur min chawh a. ka hawng chu damdawi tui a ei tur chu a lawm hle a, “vawiin i doctor rawn chu a felin, a thiam ka ring tlat. ka thla amuang khawp mai” a ti nghe nghe. a mu ṭha theilo ṭawng char char chu zual zelin a thaw te a nuam lova, ka mangang chuan a dt 10. 9. 2021 ( friday) ah pi Nuntluangi bawk chu ka phone ta ringawt maia, civil hospital casualty a tlan tura min tih ang zanah riah nghal tumin mutbu nen kan mangang chu kan tlan taa, kan manganna te hrilhin riah nghal ka dila, mahse ka post tawh ang khan khum ruak a awmlo ani awm e. thil ṭul an tih ang min en sak chu a ṭha vek an tia. ECG test ka dil belh leha. ECG test result pawh chu a ṭha min tih sakin thawhṭan lama phychiatrist pan turin min tia, riah tuma kal chu beidawng takin kan haw leh ta hnak hnaka, “I rilru a buai silo, i mu ṭha theilo phu zuk zuk, ṭawngvai char char phychiatrist han pan daih chu a mak e” ka tia. kan pa  hi chu thulak thiam tak mai ania, “ Patling natna  nei lova  kan ngaih pawhin an pan fo alawm. Mithiam zawk ten pan tura min tih chuan ka mamawh ani ang” a ti ṭha maia. “I lung a ṭha hlauh chu alawmawm hle mai”.ka tia, “E..an vuah deuh ṭuk kha lung enna elo, ka va lawm tehlul êm! ka lung hi anih ka ring deuha, ka lung a ṭha chu ka lawm hle mai. ka thawk min hnawhtu vel chu thildang a nih dawn chu” a tia. 
  
Min râwn angin monday a kal tur chuan kan in buatsaiha, harsa takin rinni kan hmang liama, sunday kan hmang leha, sunday tlai lamah chuan a thawhah vel a zual hle tih ka hriatin monday nghah reng chi ah ka ngai ta lova. “Lalapa, damdawi in ah zanin chu kal mai ang aw..? ” ka tia. “kawng vela inzawn ka tan a hahthlak si, intan lah a hahthlak bawk si. Engmah ka natna hmulo in kan let leh anga, min admit leh chuanglo anga, a buaithlak mai mai”. a tia. “E.. Paa lungngai suh private ah kan kal dawn alawm, private chu sumdawng anni tela, kan inadmit duh kan tih te chuan an lawm daih zawk dawn asin” ka tih chuan a phur hle maia.Sunday ni 12.9.2021   zan dar 8:45 ah chuan kan ṭhian Jenny Mampuii chhangte chu ka phn ta a, Nazareth hospitalah  a chhungte a awmpui sa avangin a remchang hle maia, ani chuan kan kal tur te thawktu te alo hrilh sa veka,nimin piah lawka civila kan inentirnaah covid test nimahila, test leh tho kan ngaih tur te min hrilh lawka.

Hmanhmawh takin kan vengah taxi ka zawng kual char chara, a remchang theilo hle maia, a tawpah chuan kan kawmthlang pu Muana chuan tlawmngai takin dar 9: 40 bawr velah min hruai taa. Motor kan luh chiah aṭang chuan kan pa Thawk chu a harsa zual hle tawha, dar 10 velah nazareth hospital chu kan thleng pheia, kan pa thawhah a zual tawh hle. covid test angaih avangin pawnah min nghah tir char char a, rinaia an rei tak em avangin thil awmzia ka zawta, covid test tu kan nghah thu min hrilha. kan pa chuan thaw theilo chung chungin “an va rei ve, ka thi dawn.. ka thaw theilo” a tia, a aw pawh a chhuak hleithei tawhlo. rei ngial kan nghak leha, min la test thei silo. ka va kal leha “ tinge kan lo kal hma daih aṭangin kan hrilh lawk che u a, hei kan lo thlen khalha, kan nghak reng tawha, kan thawk a har tawh lutuk ania” mangang takin ka va ti leha, “a rawn thleng ṭêp tawh ang” an ti leh a. kan nghak leh vang vanga, a thawin awmzia anei tawhlo. Rilru harh reng siin thawchhama a awm chu hmuh a va har êm! ka va kal leha, “kan pa saw, a thaw tawhlo eng nge a awmzia?”  ka tih chuan an buai ta hle a, oxygen bur nen an rawn tlan chhuaka, an fit taa, oxygen level pawh  an check tirh chuan hmuh pawh an hmu thei lo a ni.  covid test tu alo thlenga kan nupa chuan min test a, kan lut thei ta.

oxygen level pawh an hmu theia 60 bawr vel ani awm e. A hnu deuh chuan “a up leh”  an tia, mahse kan thi mek zel chu ani. Doctor chuan an checka “lung lam ṭhalo”  a tia. “Nimin piah lawkah aṭha vek civilah an tia enge awmzia? ” ka tia. civila min checkna chu ka entir ta a. He tah hian alawm kan nupaa kan hriat chak em em kan pa natna chu kan hriat tak ni. Doctor chuan civil a kan tihna chu min hrilhfiaha  “Hei i hmuh ang hian a tir lam hi chu a ṭhaa, a laihlawl aṭang hian a mumal tawho hrim hrima, a report in ziakah pawh a chian reng hi”  tiin a chunga inziak chu a kawk ta a. Theih tâwp chhuahin kan pa nunna chhan tumin an beia, doctor aw pawh azaidamin min thlamuan hle. 

Ti chuan kan pasal duhtak, tuarchhel leh mifel tak chuan “ Tebawih, i hah emai, dinhmun ṭha leh nuama ka dah hma che chu i tan ka nung reng ang” min ti ṭhintu ka pasal hmangaih em em mai  chuan ka tana nun leh tumin a theih tâwpin thawk luih tum mahse  a tlin ta nganglo ani. Dar 11:15 chuan min kal san hreh tak chungin thihna kut vawt chuan a hruai lui ta! ka lainat tâwp thei ngai lovang.

ka hriatthiam theih loh chu. Tinge civil ah khan lungna tih report awm reng si kha a ṭhat thu  min hrilhin  a karleh daiha phychiatriest pan tura min tih le? 

Chuan Nazarget hospital, ka pasal tuarchhel em em khan nghakhlel takin rei tak a nghak che u tih in hriaa, in damdawi inah khan covid test na hman tur in dah theilo em ni?  Covid test hma chu a chhunga luh in phal lova, enkawl lovin pawn lerah thih hun nghakin mi dang hi lo awm tawh lo hram rawh se. In chungah hian ka thin a rim veklo ania aw... A chhan chu, min lak luh kha tlai deuh tawh mahse, min lak hnu chuan theih tawp in chhuaha, inzarah liau liau kan nupa hriat chak ngawih ngawih kan natna kan hria hi ka dam a sin ! kan pa natna hriat chak reng reng hian ka awma. Kan pa chu anatna hre hman lovin aboral taa, kei erawh chuan kan pa natna tal ka hria hi ka dam a sin! 😥😥

- Zobiakremi Pautu (Tebawihi) 



Piansualna hnehtu Hmangaihna chu:

Post a Comment

0 Comments