Kraws Thu

Kraws Thu

1 Korinth 1:18-21

- Vanlalthansanga

Kan tunlai khawvel hi i ngaihtuah ngai em? Ramri buaina in bul lo ṭan ila. Assam lam chuan ramri kha drone leh satellite hmangin an vengin an lo thlithlai dim diam tawh a ni tih a rin theih a. Thiamna leh finna a nasa tawh em em a, chu chuan technology lamah hma min sawn tir hle a ni. Internet leh media hrang hrang avangin Euro 2020 leh Copa America Football Final pawh Live in kan en thei a. European-pa leh zopa ti ti pawh a in ang reng. South American-pa ti ti leh zopa ti ti a dang chuang lo. Las Vegas-a Donald Trump-a ten a hmuna UFC match an en pawh live-in kan lo thlir pui ve thei reng mai a lo ni. Chutiang zelin mihring thiamna leh finna sang tak mai avang chuan Covid-19 vaccine an siam chhuah pawh kan hmang chur chura, a hretu te kan  ni e. Chuti khawpa thiamna leh finna in khawvel min tuam vel mek laia, ‘Kraws Thu’ lo sawi chu, a atthlak hle dawn mai. Engpawh nise Paulan a lo sawi angin ‘kan at leh Pathian tan, kan fin leh nangni tan’ kan ti a ni mai ang chu.

Korinth khaw chanchin tlangpui

Korinth khaw hlui leh Korinth khaw thar an tih a awm a, tuna kan sawi Bible-a kan hmuh hi chu Rome hun laia Korinth khawp pui a ni. Korinth hi Greek ram khawpui Athens aṭanga khawthlang lam Mel 51 ahla a ni. Kha tih lai khan mi nuai 4 (400,000) vel an awm tawh a sawi a ni a. Rom sawrkarna hnuaiah khan khawpui lian ber 4 a ni pha an ti bawk, sumdawnna hmun pui a ni bawka. Ringlomite khawpui, sualna chi hrang hrang awmna  a ni a. AD  52/53 velah Paulan Korinth khua a Kohhran hi a din a ni.

 

Korinth khuaa Kohhran mite dinhmun

Hnam hrang hrang awm khawm anni a. Hnam hnih lian deuh deuh kan sawi anga. Juda leh Greek mite kan sawi dawn a ni. Juda mite hi sakhaw mi tak (well trained), nun invawng uluk (moral lifestyle nei ṭha) an ni. Greek mite hi Philosophy (well trained, Aristotle leh Plato atangin) a sang tak leh nundan mawi (moral living) lama hniam, nun bawlhhlawh taka hmang thung si. An sakhuana chuan an nungchang (moral life) a chhe zawngin a kaihruai a ni a tih theih ang.

Khawtlang dinhmun

Finna (Philosophy)  lamah hian Athenian philosophy (Tirhkohte 18) hi an in nghahna ber a ni a.

Hnialtu (Debater – trained orator leh professional debater) mumal tak an lo awm daih tawh a ni.

Hriatna leh finnaa tuihalna leh thil thar hriatchakna a nasa em em a, chutiang a thil thar lo sawite chu mumal taka platform-te neiin inhnialna (Philosophical debate) kha anlo neih daih tawh ṭhin a ni. Hnialtu (debater) an awm daih tawh a ni tih kan hmu (He khawvela hnialtu chu khawiah nge? 1 Kor 1:20)

Paula sawi – Kraws thu kha

Isua chanchin a ni - Juda mi thingremsiamtu carpenter chanchin maia kha a ni a hril a ni.

Hmuh tum dan annei -Greek mite leh Judate khan hmuh tum dan an neia, an dawng sawng fuh thei ta lo a ni

Daltu a ni - Chu chu Judate tan chuan daltu (stumbling block) a ni – chhinchhiahna (Sign, miracle) an phut avangin

Atthlak tak a ni - Greek te tan chuan a atthlak (foolish) a ni – finna hmangin an zawng si a.

 

Kraws thu chu

Thufinga hril a ni lo (v-17 – Paulan chanchin tha chu thufinga hril lovin ati a ni)

Atthlak takin an hril a (trained orator leh professional debater-te ang lovin)

Thuchah kengtute an a/mawl/hmuhsitawm a ni (v. 27)

Thuchah ken chu a atthlak a ni (a philosophy ken kha a mawl a ni)

Thuchah hrildan (method) pawh a mawl a ni – mihring finna leh thiamna chawk tho zawnga hril a nilo

 

Pathian finnaah chuan, khawvelin finna hmanga Pathian an hriat theihloh hnuin, thuhril atthlak hmanga a ringtute chhandam chu Pathianin ṭha a ti hle si a. (v.21)

Paulan tu te nge a cho chhuah kha?

Paulan heng mi te hi a cho hle a ni tih kan hmu bawk?

Mi fing chu khawiah nge? Philosopher kan tih chu Greek mite anni tlangpui.

Lehkhaziaktu chu khawiah nge? Scribe-te chu Juda mite anni.

He khawvela hnialtu khawiah nge? Debater-te chu Greek mite nia ngaih anni.

 

Mihring chapona leh finna hian Pathian a hmu theilo

Ngaihtuahna fing leh tha tak nia kan hriat hian thlamuanna kim min pe theilo

Finna ril leh sang tak tak hian hripui leng karah hian beiseina tak tak min pe theilo

 

Chuvang chuan Pathian chu khawvel finna hmangin an hretheilo va

Thuhril atthlak hmangin a mite a chhandam ta a

Chu Pathian lawmzawng tak a ni a, ṭha a ti hle a ni

Pathian atna chu mihring aiin a fing zawk a, Pathian chaklohna pawh chu mihring aiin a chak zawk bawk si a. (v.25).

 

Kraws thu inpuanna chu a tlawma, mihring hian kan hrethiam theilo a ni.

Keini chhandam mek ten kan hriatthiam chuan Pathian thiltihtheihna a nia

Ala hrethiam ve lo tan chuan at tulh tulhna a ni dawn a ni, engtikah mah hriatthiam ni an nei lo vang

 

A tawp berah chuan he Covid-19 hrileng karah ngei pawh hian Kraws Thu lo keng tute leh tlangaupuitute chu mi finglo leh mi tlawm te te an ni zawk a sin. Chapona tlang atanga lo zawna, lo hriatthiam i tum chuan i hmu thei lovang. Kraws-a Pathian inpuanchhuahna chu a tlawm si a. Chu Kraws chu i tan damna leh thiltiheihna a nih ve theihna turin lo pan rawh le.

 

Krista-Kraws thu chu Pathian finna leh thiltihtheihna a ni tih kan pawm chuan, keini a ringtu tan pawh finna leh thiltihtheihna ani nghal a ni.    

images sources: internet