FEATURE | ICFAI University Mizoram Miss 2021 Golden Rozampuii

ICFAI University Mizoram Miss 2021 Golden Rozampuii in tan kan belchiang e.

Goldie tia koh thin Golden Rozampuii hi Lalhlimpuii leh PC lalrinzuala te fanu niin, May 25-ah a piang a, Tuikual South, Aizawl-ah chengin an khawsa a, Kohhran lamah chuan Salvation Army a lawi an ni.


Goldie  te hi unau pathum niin, amah hi an unau zinga upa ber niin, nuta pahnih a nei a ni.
Goldie hi Mizo hmeichhia-ah chuan a sang pawl a ni a ft 5'6 a sang a ni.


Goldie-in EXPLORE MIZORAM zawhna a chhanna i lo thlir ang hmiang
Zirna lam:
- Pawl 10 hi Oasis Higher Secondary School atangin ka pass a, pawl 12 hi Saviour Higher Secondary School atangin ka pass leh a, B.A (English) hi Govt Aizawl North College atangin ka zova, tunah hian ICFAI University Mizoram ah M.A (English) ka zir leh mek a ni.

Hobby: Thil eng pawh min motivate/ inspire thei chhiar, en emaw ngaihthlak hi nuam Ka ti. Hla ngaihthlak hi nuam ka ti em em bawk.


I duhzawng leh ngainatzawng hrang hrangte:
• Lehkhabu: Ka nei nual mai a; Beloved by Toni Morrison, The catcher in the Rye by JD Salinger, The Alchemist by Paulo Coelho
• Zaithiam: Pensy, Rosy, Stacy, leh TBC-a 
• Chawhmeh: Artui,Alu leh Dal 
• Hla: Engtik lai pawha nalh Ka tih; One of us - Joan Osborne leh The story - Brandi Carlile
• Hmun: Mahni ina awm hi nuam ka ti ber mai 😀
• Rawng: pastel colours hi mawi ka ti deuh vek 
• Ziaktu: Vanneihtluanga, Mafa-a Hauhnar (L), Mary Wollstonecraft, Ralph Waldo, George Eliot, Jane Austen, Emily Brontë leh Chetan Bhagat  etc 


📌 Mize ngainat zawng: Rilru zau leh tha, mi hlim thei tak 

📌 Mize ngainat loh zawng: Rilru thianghlim lo.

📌 Kawppui tura duhzawng: Pathian hria chu chiangsa ni ta se, rilru chhungril tha em em, mi hrethiam thei tak.

📌 AIL: Professor!


📌 ICFAI University Mizoram Miss 2021 thlanna i tel chhan:
- ICFAI University Miss/Mister contest hi chu rinloh tak maiin department tan tlawmngaia tel tura ruat ka nih liau liau vangin ka tel ve.

📌 ICFAI University Mizoram Miss 2021 nih hi i inring reng em?
- Winner nih hi ka inring hran lo, a zei lo ve chi hi ka ni a, Ka inring chhin lo hrim hrim.


📌 ICFAI University Mizoram Miss 2021-in i nuna nghawng a neih?
- ICFAI University Mizoram Miss 2021-in ka nuna nghawng a neih chu Mi chi hrang hrang kalkhawm kan nih angin, lehkha thiam tak tak leh taima tak tak hlawhtlinna nei thei tura an beihna te ka hmuh tam phah a, Chu chuan keimahah hian an taimakna te, an thiamna te ka hmuhin bei tang tang turin min fuih a, min nawr bawk a, challenge tha tak min pe bawkin ka hria.


📌 Modelling lam hi i tui reng em?
- Thil reng reng hi kan tuina lam a nih chuan kan thil thiam lam hi ni deuh tlangpui hian Ka hria a, chuvangin modelling lam te pawh hi a tui na na na chu a zei te pawh an zei zawk a, keimah bikah hi chuan Ka zeiloh lampang tak mai a ni a, a ti mi ve deuh te hi an awm ve a tiangah hi chuan Ka tui lo bur chu K ati lo ang a, mahse, Ka tuina lam a ni hran lo.


::ZAWHNA DANG::
📌 A tel lova Ka awm theih loh: Ka chhungte tello in Ka awm theilo Pathian Chu Thu hran nise. 

📌 I nun kaihruaitu: Pathian leh Ka chhungte 

📌 Hringnuna I hlauh ber : Hlimlohna


📌 I tih ngai miah loh tur: Mahni mihring puite hmuhsit hi ka tih ngai miah loh tur lianber a ni.

📌 Mizo tualzal nuna tha ka tih: Mitinin Kan phak tawk theuha tanpui ngai te kan intanpui tawn zel hi a tha Ka ti hle.

📌 Quote - I hnate chu LALPA kawltir rawh;Tichuan , ithil ruahmante Chu tihnghehin a awm ang. Thufingte 16: 3


📌 Mizoram leh Mizo tualzal nuna Mizo hmeichhiate dinhmun:
- Tun dinhmunah hian Mizo hmeichhia-te dinhmun hi tha thawkhat viau-in ka hria. Mizo Customary Law leh kan sawrkar dan siamna hnuaiah pawh mipa leh hmeichhe intluktlanna te, hmeichhiate humhimna leh hamthatna tur atana hmalakna hrang hrangah pawh hmeichhe dinhmun chawisan leh anmahni tihchakna tur a hmalakna tam tak hmuh theihin a awm a ni.


📌 Hnam hmingthat/hmingchhiat kawnga hmeichhiate mawhphurhna:
- Mizo hnam nunphungah hian Mizo hmeichhiate hian dinhmun pawimawh tak kan chelh rualin, hnam hmingthat/hmingchhiat kawngah hi chuan hmeichhia chauh Ka sawi theilo, hnam a nih chuan Mizo hnam zawng zawng, mi puitling ina mizo ka ni inti chuan gender thliar hi a tul Ka ti lo a, chuvangin, Mizo hnam, Mizo mipuite zawng zawng hian mawhphurhna sang tak kan nei theuhin ka hria.


📌 Hnam ziarang chawinun kawnga hmeichhiate mawhphurhna:
- Hnam ziarang chawinun kawngah hian hmeichhiate hian mawhphurhna sang tak kan nei a, a bikin nu te hian an fate hnam nunphung leh tihdan te an hrilhin an zirtir thin tur a ni.

📌 Mizo te tan, 'Fa neih tlem' inzirtir hi a ṭulin i hria em?
- Mizote hi hnam tlemte kan la nih avangin,'fa neih tlem' inzirtir hi a tul ka ti lo.

📌 Mizo hnam thanmawh bawk ni a i hriat:
- Mizo hnam thanmawh bawk ni a ka hriatte chu, thamna te, eirukna te, thatchhiatna te,  ruihhlo kan duh lutuk te hi niin ka hria.


📌 Mizo hnam damna  atana kawng awm ni a i hriatte:
- Taima taka hna sang sang tak leh chhuanawm tak heng, IAS tih te IPS, IFS etc ni thei tura lehkha kan zir thiam hi a pawimawh ka ti. Hei bakah hian, thalaiten eng hna pawh thawhhreh nei lova kan thawh ngam hi a pawimawh ka ti tel bawk.

📌 Hnam chhan nana hmeichhiate tangkaina leh mawhphurhna:
- Kan hnam chhan nana hmeichhiate tangkaina leh mawhphurhna ni a ka hriat ve chu, hnamdang mi ni lovin mahni hnampui ngei pasal a neih  leh mahni hnam chawikanna kawng hrang hranga theihtawp chhuah hi a ni.

📌 Zirna, khawtlang leh kohhran hi
- Zirna hi kan ngaipawimawh ber tur a ni a. Chutihrual chuan, kohhran leh khawtlangah, zirna tibuai lo tawkin kan phak tawkah kan inhmang ve tur a ni.


📌 Social Media leh nangmah:
- Tun dinhmunah chuan ka zirlaiah hian ka hun tam tak pek a ngaih avangin social media hi ka khawih tam hman lo hle. 

📌 Mizoram thalai tam tak tlakchham:
- Mizo thalai tam tak hian mahni inthunun theihna leh insum theihna kan tlachham niin ka hria.

📌 Mizo thalaite hian ngaihsan tur dik an ngaisangin i hria em?
- Ngaihsan tur dik  ngaisang tawk kan awm anga, ngaihsan tur dik lo ngaisang pawh kan awm tho anga, a pumpui chuan sawi thiam har ka ti.

📌 Ngaihsan tur dik ni a i hriat:
- Pathian tih mi, mi dik leh mi huaisen, taima leh rinawm bawk si, retheihna paltlanga mi hlawhtling takte hi an ngaihsanawm ka ti.


📌 Hlawhtlinna tura pawimawh:
- Kan nih tum/thil tum chiang tak a hriat hmasak phawt a, chu chu tumruh tak leh taima tak a bawhzui.

📌 Hloh i hlauh ber:
- Pathian malsawmna dawngsawn thiamloha mahni nun hlolh Ka hlau ber.


📌 Zohnam inpumkhat na hi a thlen theih i ring em?Thleng thei turin enge pawimawh ni a i hriat?
- Zo hnam hrang hrang hian tradition leh culture hrang theuh kan nei a, heng kan tradition leh culture hrang hrangte hi kan inpawmpui thiam vek chuan inpumkhatna tha tak a thlen theih ka ring.

📌 Hnam dang nupui pasal neih hi
- A tha ka ti ber lo.


EXPLOREMIZORAM.COM i hmun dan:
- Digital world ah Kan Cheng tawh avang hian news hrang hrang a chhia/a tha kan lo hmuh zung zung theih tawh vang hian thu thang dik lo, information rintlak loh leh belhchian dawllo tam tak kan lo chhiar bawk a, chumi karah chuan EXPLOREMIZORAM.COM belhchian dawl, information rintlak leh news pawimawh tak tak bengvar thlak tak hmuh theih leh chhiar theih a awm hi tha Ka ti em em a, Ka support ngar ngar 👍 a ni.
EXPLOREMIZORAM.COM hi i lo la hmelhriat lo emaw lo la belchiang tawk lo chuan lova tlawh ve ngei ngei rawh u, tichuan information dik lo  thehdarh kawngah pawh i fihlim thei ngei ang Ka'n ti bawk ang e. Ka lawm e!








Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]





(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post