Ticker

10/recent/ticker-posts

SERCHHIP DISTRICT-A INKHUAHKHIRHNA INKAIHHRUAINA TUR

Serchhip | July 18, 2021: Mizoram sawrkar, Disaster Management & Rehabilitation Department chuan Mizoram chhunga COVID-19 dona atana inkhuahkhirhna order No. B. 13021/101/2020-DMR/Vol-V dt.16.07.2021 hmangin nimin khan  a chhuah a.


He order-in Deputy Commissioner/DDMA-te thuneihna a pek angin Serchhip District-a COVID-19 dona atana inkhuahkhirhna hman tur a hnuaia tarlan ang hian a siam a. He inkaihhruaina thupek hi ni 18 July, 2021 zing dar 00:00 hrs atanga ni 24 July, 2021 zanlai dar 12:00 thleng chu Serchhip District chhungah thahnemngai taka zawm vek tur a ni. Heng a hnuaia tarlan lohte chu a chunga tarlan Mizoram Sawrkar Order inkhuahkhirhna thupek anga kalpui tur a ni.


1. Zirna in -Hawn phal loh
2. Board Exam, recruitment exam, adt - Sawrkar phalna la tan chauh phal
3. Sakhaw Biak In leh Inkhawm - Inkhawm phal loh. Zing leh tlai tawngtai neih phal a ni
4. Inneih inkhawm leh Mitthi Vuina - Mi 30 aia tam lo. Ei leh in sem phal a ni lo.

5. Public park, Picnic spot, adt - Hawn phal loh

6. Sports practice (indoor & outdoor) - Sports practice phal (Indoor ah mi 10 aia tam lo leh Outdoor ah mi 25 aia tam lo) Sports Association hruaitu theuh ten mipui phal zat bak aia tam an pungkhawm lo tih an enfiah ang.

7. Zing/Tlai walking leh cycling exercise - Phal a ni.
8. Sports inelna, tournament, adt. (indoor & outdoor) - Phal loh.
9. Mipui punkhawmna anniversary, birthday, adt. - Phal loh.
10. A huhova pawn chhuah (Lui kal, trekking, hiking, adventure sports, adt.) - Phal loh.
11. Construction works (mimal leh sawrkar hnathawh) - Phal a ni.
12. MGNREGA, MPLAD, MLALAD, SIPMIU, adt. - Phal a ni
13. Quarry, tui lak, kawng laih, lei dawh, etc - Phal a ni
14. Huan, lo, sangha dil, ran vulh, adt. - Phal a ni
15. Hospital, nursing home, clinic, laboratory, blood donation leh blood bank - Phal a ni
16. COVID-19 vaccination leh immunization programme dangte, ambulance - Phal a ni
17. Animal disease control programme, Veterinary hospital, dispensary, clinic, zoo, hatchery, Feed mill/Ran chaw leh Slaughter House - Phal a ni
18. Bank, Non-banking financial institutions, insurance, ATM, post office leh postal services - Phal a ni
19. Petrol/Diesel filling station leh LPG distribution/storehouse - Phal a ni
20. Fair price Shop (ration dawr) te leh FCS&CA Department/FCI hnuaia godown -Phal a ni
21. Child and women helpline service, OST center, OSC, ART center - Phal a ni
22. Nu naupai, nausen pawmlai leh naupangte hnena nutrition (chaw tha) sem bakah nutrition sem tur godown atanga phurh chhuah leh sem darh - Phal a ni
23. Bawnghnute sem leh lakkhawm, chanchinbu sem - Phal a ni

24. Private owned company/office-consultancy servises, adt.:
District Hqtrs.Thawhtanni atanga Zirtawpni thleng hawn phal a ni. Hei hian Kohhran Office, Counselling Centre leh a dangte a huam ang.
District Hqtrs. pawnInkhuahkhirhna a awm lovang.

25. Private security service, septic tank service (ek paih) - Phal a ni.
26. Print & Electronic media, telecommunication,internet service, broadcasting leh cable service - Phal a ni.
27. Sanitation & Solid waste management (hmunphiat leh bawlhhlawh paihte huamin) - Phal a ni.
28. Power & Electricity, water supply (mimal tui chawite huamin) - Phal a ni.

29. Bungraw load leh unload hna
District HqtrsTlai dar 5:30 atanga zing dar 4:00
District Hqtrs. pawnInkhuahkirhna a awm loving.

30. Kawng laka lirthei chhia siamtute. Hei hian automobile dealer leh workshop hnathawkte a huam ang. - Phal a ni. ID card an keng tur a ni
31. Courier service, e-commerce leh home delivery. State pawn leh State chhunga dawrkai leh sumdawngte bungrua, State chhunga thar/siam chhuah tiamin, online emaw phone hmanga order lawk sate pek (home delivery) leh e-commerce/home delivery - Phal a ni. Hemi kaihhnawih a hna tul thawk tura an inhawn phal a ni bawk.
32. Ina thil siam (home based industry) carpentry, steel fabrication, bakery, puan thui, puan tahna, adt. - Phal a ni.
33. Lirthei workshop leh tyre works - Phal a ni.
34, Damdawi dawr - Ni tin

35. Eichawp dawr
District Hqtrs. - Nitin zing dar 5:00 atanga tlai dar 5:00 thleng hawn phal a ni.
District Hqtrs. pawn - Inkhuahkhirhna a awm lovang

36. Thlaichi dawr -Nitin
37 - Gym/Spa - Phal loh
38. In sakna hmanrua hrang hrang- Cement/Balu/Iron rod/hardware/rawng/electric, adt. dawr
District Hqtrs. - Nitin zing dar 5:00 atanga tlai dar 5:00 thleng hawn phal a ni.
District Hqtrs. pawn - Inkhuahkhirhna a awm lovang
39. Restaurants leh Thingpui dawr
District Hqtrs. - Home delivery/Take away-in nitin hawn phal a ni. A hmunah ei leh in phal a ni lo.
District Hqtrs. pawn - Phal a ni.
40. Bazar leh Dawr hawn dan
District Hqtrs. - Thlai leh thei- Nitin zing dar 5:00 atanga tlai dar 5:00 thleng hawn phal a ni. Hei hian Bazarpui a thlai leh thei zawrhna pah a huam ang.
Dawr dangte- Kar khatah zing dar 5:00 atnga tlai dar 5:00 thleng ni li (4) theuh hawn phal a ni. Dawr hrang hrangte inhawn chhawk dan tur hi VLTF theuhten an vangah an ruahman ang.

District Hqtrs. pawn - Inkhuahkhirhna a awm lovang. Inkhuahkhirhna khauh zawk a tul chuan VLTF ten DC ah ruahmanna an thlen thei ang.

41. Mizoram Sawrkar Office-te
- Office kal vek tur a ni. Head of Office ten CAB khauh takin an kengkawh ang.
42. Commercial Vehicles
District Hqtrs. - Taxi-te chu nitin an service thei ang
Aizawl leh District danga tul bik thila phalna neite veivahna turin Maxi Cab neituten VLTF phalna lain an service thei ang.
Serchhip District chhunga khaw hrang hrang maxi cab-te chu Serchhip district chhungah service phal an ni ang.
Auto-rickshaw te chu a hnuaia tarlan ang hian an service thei ang.
Even No.- Thawhtanni, Nilaini, Zirtawpni
Odd no. – Thawhlehni, Nilaithawhtanni, Inrinni
District Hqtrs. pawn - Serchhip District chhunga Serchhip Town area pawn lam khaw dangahte chuan inkhuahkhirhna hranpa a awm lovang.


Serchhip District Headquarters pawn lam khuate-ah chuan inkhuahkhirhna hi SDO(C)  leh BDO ten an huam chhung theuhah khauh takin an kengkawh ang.

He thupek zawm lote chu Disaster Management Act, 2005 Section 51 atanga 60 the Mizoram (Containment & Prevention of the Spread of COVID-19) Act, 2020 leh IPC Section 188 hmangin hrem theih an ni.


- DIPR
Post i hmuh dan

Post a Comment

0 Comments