Mumbai Mizo te thil tha tih Hmeichhe pakhatin hliah hneh; Tanpuina an pek aiin 'So What' lar zawk!

Cheng singruk chuang an hlan aiin, 'Mumbai lehkhathiam' leh 'So What' in internet a luah hneh zawk!

Kolasib | June 4, 2020: Nizan khan Mumbai atangin Mi 700 vel Bairabi Rel chawlhmun an lo thleng a. Mumbai Mizo Association chuan Bairabi Village Task force tanpuina atan cheng 62,580 an hlan.

Mumbai Mizo te hian pawisa mahni remchan ang tawk tawk thawhkhawmin, heng an thawhkhawm hi rim tak leh hah taka Mizoram leh Mizo mipui himna atana thawktu Bairabi khaw mipuite an zah zia lantir nan Bairabi Task Force hnenah hian an hlan  ani.


Video Footage:

Hun rei tak lockdown hnua rawn haw, harsatna tam tak paltlang hnu-a mahni ram rawn thleng, Mumbai Mizo Sum thawhtute an fakin a ropui hle a, fak an hlawh hle.

Mahse, thil pawi tak a thleng ta. Hmeichhe pakhat chuan Mizoram Journalist tha leh chhuanawm ZMP Tlau in Rel chawlhhmun atanga Hripui vanga 'Haw runpui' ground report pe a a live chu a ankhum chiam mai a. Ground report hi Live a ni si a, hmun hrang hrangah lo hmuin a video a darh ta chiam mai a. Mumbai Mizo te thil tha tih chu he hmeichhe tawngkam 'Mumbai lehkhathiam' leh 'So What' in a hliahkhuh zo ta. Mumbai Mizo te thatna leh inpekna ropui tak aiin 'Mumbai lehkhathiam' leh 'So What'  in Internet leh Social media a luah zo ta zawk a ni.

WhatsApp status hrang hrang leh Instagram lamah Mumbai Mizo fakna aiin 'Mumbai lehkhathiam' leh 'So What' hian hmun a luah zo ta.

Mi tam tak inpekna, an neih chhun atanga an thawhkhawm an hlan te chu he hmeichhe pakhat thil tih hian a hliah a, a luahlan zo ta vek a ni.

He thil thleng chungchang hi ZMP Tlau chuan heti ang hian Facebook-ah post a siam.


"SO WHAT
Mumbai DRC in min rawn bia a, a hming pawh ka hriat loh So What-i zawn chhuah an duh thu min rawn hrilh.. Zawng chhuak ta i la hlawkna a awm lo hrim hrim. Tumah hlawkpui kan awm lovang. Chuvangin, zawng chhuak lo turin la lo ngen a, ka ngenna min pawm sam ka beisei. Mumbai Welfare hminga ngaihdam min dilna erawh lawm takin ka pawm a, ngaihdam min dilna hi zahawm ka ti.
MJA kan hruaituten hmalakna neih tha an tih thu min rawn hrilhin ka thlavang hauh an duh thu min rawn hrilh leh a . A hming pawh So What ti baka ka hriat loh MJA in han khin chu kan khing te lutuk dawnin ka hria a, hmalak a ngaih loh thu ka lo hrilh leh ta mai.
I&PR Minister Pu Ruatkima'n min rawn call nghal bawk a, Minister meuh inrawlh nan chuan a tenau lutuk in ka hria a.. call ka pick up mai thei lo nen ka call back ta lo mai a.
Kan hlimpui phian a.. a tha viau alawm.. So What.."



H Zate
Founder/Editor

Explore Mizoram






(A hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. Ṭanpuina an pek pawh hi tih a lar kher angai mawnle

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post