Aizawl | June 03, 2020: Donald Trump kaihhruai US Sorkar chuan Chinese passenger phur thlawhna te U.S thlawh luh khap a tum. He khapna hian, Air China, China Eastern Airlines Corp, China Southern Airlines Co leh Hainan Airlines Holding Co te a huam ang tih Reuters thu dawnna chuan a sawi.
He khapna hi June thla lai hawl vel (June 16) ațanga hman țan beisei a ni. Mahse President Trump hian a ni hi a la sawn hla thei bawk. Hei hi US in China ram chu U.S. thlawhnate an rama thlawh chhunzawm phal tura a karna hmanrua a ngaih a ni tih U.S airline official te chuan Reuters an hrilh.
He thu hi (an rama) Nilaini hian puan a ni ang. Hei hi China hrekna tur a ni. A chhan chu Beijing hian ram pahnih te inkara thlawhna thlawh dan chungchanga an lo inrem tawh ang a zawm duh loh vang a ni. Tunhnai thla rei lo te chhung hian ram pahnih te inkar boruak hi a chhe sawt hle a, hri pui leng karah an boruak a țang chho tial tial tih loh theih a ni lo.
Delta Air Lines leh United Airlines hian tun thla chhung hian China rama thlawh chhunzawm leh tawh an duh avangin an dil a, phalna thu engmah an la hmu lo. Chinese thlawhna te erawh chu hri pui leng karah pawh US ah an thlawk chhunzawm zel thung a ni.
US rama China thlawhna luh khapna hian Air China, China Eastern Airlines Corp, China Southern Airlines Co, Hainan Airlines Holding Co te a huam ang.
White House leh Transportation Department te erawh chuan hemi chungchang hi engmah an la sawi zui duh lo thung. Washington-a Chinese embassy pawh hemi hi sawi tura ngen a ni a, engtin mah a chhang duh lo bawk.
May 22 khan Trump's administration hian Chinese Sorkar chu US thlawhna te China rama thlawh chhunzawm phalsak lo hulhualah a puh a, hetih lai hian Chinese thlawhna Airlines pali te chu US rama an thlawh chhunzawm a remti thung a ni.
US thuneitute chuan Chinese passenger airline ten charter flights an dil pawhin phalsak an beisei tur a ni lo, tiin an vaukhan lawk bawk. Administration official te chuan charter flights hi Chinese Sorkar hian thlawhna thlawh phalsak chin bak pehhelna atan an hmang țangkai țhin a ni an ti bawk. Kumin Jan 31 ațang tawh khan U.S. Sorkar chuan US khua leh tui ni ve lo te, China ram chhunga ni 14 cham tawh te chu an rama thlawh luh a khap tawh a. Hetih lai hian Chinese flight te chu a khap chuang lo thung. U.S airlines /carriers lian te chuan China rama thlawk lut passenger flights chu February ațangin anmahni duh thuin an ti tawp vek thung a ni.
Source :
Economic Times
June 03, 2020
@ 9:29 PM IST
====03==06===20 ==
- Huna Kawlvawm
Post a Comment
He post chungchanga i ngaihdan lo sawi ve rawh: