UPC HI......!

- K Vanlalruati

Mizoramah hian Kohhran hrang 103 vel awm niin an sawi. Mahse fiamthu thawh nan hian UPC hi mitin mai hian in han hmang ngat zel mai a! Kohhran dang nuihzatthlak tak tak an tam nen, in mak hi ka ti! 

A hming hi in nuihzat han ti dawn ila UPC- a U lai United tih te chu Manchester United Football Club, Kohhran pawh ni hlei lo in ngaisang em em a! Pentecostal tih lah Kohhran tin hian Pentecost Ni in serh ve tho bawk si. Church tih lah Presbyterian pawh Church in ni tho va, Salvation phei chuan awt ve in Army atangin Church pawl hial an din hrang a nia, a  nuihzatthlak loh! Hming nuihzatthlak dang - Lalkawchhung tih te, IKK Sen leh Var te hi sawi ve tawh rawh u plizz in....

Kan lukhum hi em ni han ti dawn ila Roman Sister ho hian keini aiin an khum hmasa a, an nei sei zawk bawk. In nuihzat ve chuang si lo! A chang leh Tipper hnunga kan chuang lai thlalak in post a, driver an chhaihkawlh a, an chhuk dawnah a bun ruih mai te in ti thul! A bun lovangggg!

'UPC chuan tui tla a thi te hi vanram an kai an ring, baptisma thihchilh an nih avangin an ti' te in ti a, kan ti ngai lauuuu.....Sunday nurse te in ti thul! Hospital a 4th Grade Worker hriat zatve pawh kan hre lo! 'UPC leh buhherkhawl chu daipawnah awm rawh se' te in ti, veng hulum laiah kan awm ve chak tho! 'Inhmun duhthusamah UPC biak in hnaih lo se' te in lo ti, in zakthei lo! Nei malek rawh u!

Zu ngawlvei leh mi awm ṭha duh lo takngial pawh hian UPC nih ai chuan, te hi an la ti ve fan a! 'Hei chu mihring ek emaw ka tia UPC ek lek anih hi' han intih te hi chu ramsa emaw kan inti dawn takngial alawm le! 'Sakhmel chauh tha si a mahse UPC' han intih te hi a na asin! Kan sawi duh lo mai mai alawm! Mi anglo takngial pawh hian min han zuk hmusit tha duh lo aaaa!

Silpoulin in tui an khuap a, baptisma an chantir a, 'Jordan luikamah ka ding a' tih hla an sa a, te in ti. Jordan lui kam tak tak a ding emaw kan inti bik loooo! Hla a nia kan sa ve a ni mai! Khawilai kawrte kam emaw, Tlawng dungah pawh ni raw sek sek, Jordan lui kamah ka ding kan ti zel dawn!

Kan lak atang hian engnge in beisei? In duh chu sawi tlang pawp r'u!

(Kan dilna ngai pawimawh a thuziak hlui min zawn hmuhsak a, phal taka min petu K Vanlalruati chungah kan lawm e. - Editor/Admin)