School 12 telna Ayush MZP Inter - High School Quiz 2019 ṭan; Nakzanah chhunzawm ang

Aizawl | November 25, 2019: Ayush leh Mizo Zirlai Pawl (MZP) ṭangkawpin an buatsaih Inter High School Quiz 2019 chu zanin khan Ignite Studio, Aizawl-ah ṭan a ni.


Zanin hian match hnih awmin match khatnaah hian Living Water School - 65, Govt. Mizo H/S - 35 leh Sihphir Venghlun H/S - 35 te intumin, Living Water School hian hnehna an chang a ni

Match hnihna-ah St. Joseph HSS - 60, Adventist English School - 40, Neuhof E/M School - 10 te intum lehin, St Joseph HSS hian hnehna an chang bawk.

Nakzan hian match hnih awm lehin Royal Standard School, Kids Care School leh Springfield HSS te an intum ang a, an ni zawhah hian St. Paul's HSS, Brighter HSS leh Mount Carmel School te an intum thung ang.

November 28, 2019 a final khelh hman tura ruahman, Ayush MZP Quiz 2019 hi co - Sponsor chu Mizoram Tourism Deptt nijn, he Quiz ah hian School sawm pahnih(12);  Royal Standard School, Mount Carmel School, Govt. Mizo HS, Springfield Hr. Sec. School,  Living Water School, Neuhof English Medium School, Kids Care School, St.Pauls Hr.Sec School, St. Joseph Hr. Sec. School, Brighter HSS, Aizawl te bakah Sihphir Venghlun H/S, leh Adventist English School, Lunglei,  te an tel a ni.

Intihsiaknaa tel turte hi Group li(4) ah then niin group khat (1)ah School pathum (3) zel an awm a, Group tina pakhatna leh Best looser pahnih(2) ten Semi-final an lut nghal dawn ani. Intihsiakna hi ni 25th November, 2019 (Thawtanni) zan dar 8:00-ah tan ani anga,  ni 28th November 2019 (Ningani) ah final neih tura ruahman a ni.

📺AYUSH MZP Inter - High School Quiz 2019 hi IGNITE STUDIO atanga pek chhuah a ni a, Zonet Bawhbel ah Nakzan dar 8:00 atangin Live a entheih a ni.

Post a Comment

0 Comments