Miss Chapchar Kut 2019 Top 10 zinga mi, Farkawn Fahrin 'Bawihpuii Chenhrang' tia hriat thin, Lalhriathlui hi Rony C Zosangliana leh V Darengmawii te fanu niin, 2000 October 13 khan Aizawl Civil Hospital-ah a piang.
Farkawn khua an ni a,a pa hnathawhna avangin hmun hrang hrangah an awm kual thin a, Tunah hian a pa te Thenzawlah an awm a, a ni hi zirna avangin Republic Veng, Aizawlah a awm mek.
Bawihpuii hian HBC ah B.A 3rd Semester a zir mek.
Zai hi a nuam tih ber a ni.
A ngainat zawng leh duh zawng hrang hrang:
Lehkhabu: Bible
Actor: Amitabh Bachchan
Zaithiam: Vanlalsailova
Chawhmeh: Mizo bai/ a nu chawhmeh siam.
Hla: Nangin min ngaihtuah thin (KHB 430)
Hmun: Hmun fianrial lam
Ziaktu: Mafaa Hauhnar
Rawng: A pawl (blue)
Mize ngainat zawng: Nuih duh ve tak leh rilru zau tak hi a mi ngainat zawng an ni.
Mize ngainat loh zawng:
- Mi chapo, mi thatna aia mi chhiatna hre thei leh mi rilru kawi hi a mi ngainat loh zawk tak an ni.
Kawppui atana duh zawng:
- Pathian tih mi, Mi invawng, ka thil tih leh duhzawng min tuipui a min support thei tu tur, mi rinawm leh țjian anga ka kawm theih tur. Hi mipa ah a duh zawng a ni.
Nih tum:-
- Midang tan malsawmna nih hi a tum ber a ni a, Midangtana Malsawmna nih hi Christianna nena a in kumkaih tlat avangin, mi dang tan Malsawmna ni țheuh turin A țhalai pui te a chah bawk a ni.
Diktawn Miss Chapchar Kut 2019 Top 10 zinga i tel ve mai kha?
- Miss Chapchar kut top 10 ah hian ka lan phak ve ka inring ngai lo a, ka lang ve a ni tih ka inhriat pawh khan mak ka tiin phulo ka inti hle a Pathian malsawmna liau liau ah ka ngai. Hetiang dinhmun sang hi chu tute pawn chak chang kan neih theuh ka ring mahse ka phulo leh ka phak loh turah ka ngai mai thin.
Miss Chapchar kût in a nun ah nghawng a nei em?
- Nghawng em em a neih awm ka hrelo a mahse ka la tawn ngai loh thil tam tak ka tawn phah a Pathianin min hmangaihna leh a malsawmna ka hmuh fiah phah viau in ka hria.
Modelling lam hi i tui em?
- Kan tet lai kha chuan kan ti ve nasa thin a, mahse tun hnuah hi chuan ka ti ngai ta lem lo. Ka tui em em hran lo.
*** I Hun awlah website a fakna hi lo click ve rawh le. ***
Miss chapchar kut a an thlan dan tlangpui :-
- Khatia Sipai Lammual, Aizawl a Chapchar Kut hmang a kan awm kha lehkha min rawn pe a, chuan lehkha dawng ho kha Hawla auditorium ah kal in top 50 atang an thlang chho a top 10 thleng. Top10 chin erawh chu shooting te neiin vote hmang te a thlan a ni tawh thung.
Zawhna dang:
1. A tel lova i awm theih loh - Pathian, ka chhungte leh mobile phone
2. I nun kaihruai tu:
- Ka nu leh ka pa min tawngtai sakna, min zilhna leh min fuihna, nitin chhung inkhawm kan neih hian tamtak chu a kaihruai ve bawk.
3. Hringnun a i thil hlauh ber:
- Hlawhchham nih leh Pathian hrelo tu nih.
4. I tih ngai miah loh tur:
- Ka theih loh tur tih chiang sa a thutiam siam
5. Mizo tualzal nuna țha i tih:
- Kan inkawm nel nghal thei mai thin te.. Mizo Tlawmngaihna kan lantir thin te hi.
6. Quotes a I duh ber?
- I awmdan tur chu Lalpa chungah nghat la; Amah chu ring la aman ati vek ang (Sam 37:5)/ The best view comes after the hardest climb
7. Mizoram leh mizo Tualzal nuna Mizo hmeichhia te dinhmun i ngaihdan:
- Hmanlai ngaihtuah chuan hma kan sawn ve tawh viau. Hnam hmingțhat leh hming chhiat na kawnga Mizo hmeichhia te mawgphurhna i hriat- kan nun kan uluk leh kan rinawmna kawngah.
8. Mizo tan fa neih tlem inzirtir hi țha in i hria em?
- Fa neih tlem' inzirtir hi mizo te tan chuan a tul ka ti lemlo.
9. Kohhran, khawtlang leh nangmah?
- Kohhranah hi chuan ka theih ang tawkin ka in hmang ve a, khawtlangah erawh zirlai ka la nih avang hian ka thahnem viau lo thung.
10. Social media Leh nangmah:
- Social media hi nuam ka tiin ka hlawkpui khawp mai
11. Mizo țhalai tam tak tlakchham?
- Tih tak tak na, rinawmna leh taimakna
12. Mizo țhalai te hian ngaihsan tur dik an ngaisangin i hria em?
- Hrelo, ngaisan tur dik hmuh kan hian ngaihsan tur lo zawk kan ngaisang zawk tlangpui niin a lang.
13. Ngaihsan tur dik nia i hriat:
- Pathian tih mi, mi rinawm leh mi huaisen. Pathian leh ram tana dik tak leh huaisen taka ke pen ngam.
14. Hlawhtlinna tura pawimawh:
- Taimakna leh tumruhna
15. I nuna hloh i hlauh ber:
- Pathian fate kan nihna leh ka chhungkua hloh ka hlau ber.
Thalaipuite tan:
- Eng hna pawh thawkin, eng thil pawh ti ila rinawm, dik leh huaisen takin ke pen a Pathian hnaih zel .....
*** I Hun awlah website a fakna hi lo click ve rawh le. ***
Explore Mizoram a hmuh dan:
- Exploremizoram hi a tha ka ti a. News in update zung zung thei zel leh mi dang tan chhiar nuam leh awlsam taka in siam thei hi in fakawm ka tiin chhunzawm zel tlak niin ka hria.
In kal zel na turah pawh duhsakna ka hlan a che u.
(A hnuaia fakna hi lo hmet ve rawh.)
A van ropui em,,, Lalpa'n awmpui zel rawhse
ReplyDeletePost a Comment
He post chungchanga i ngaihdan lo sawi ve rawh: