SHC sawrkar lailawk thla 4 atan pawtsei leh; Mipuiin an pawm em?

Aizawl | July 5, 2019: Sinlung Hills Council (SHC) sawrkar lailawk (interim period) chu thla 4 atan pawhsei leh a nih thu, sawrkar thuneitute chuan an sawi.

General Adminstration Department a deputy secretary Pu Lalṭhazuala chuan, "SHC interim period hi thla 4 emaw election neih hun (a hmasa zawk ) thleng atan pawhsei a nih thu The Telegraph a hrilh.  

SHC member erawh tihdanglam a awm dawn lo niin a sawi bawk.

*** I Hun awlah website a fakna hi lo click ve rawh le. ***

Interim period pawhseina order hi nimin (4 July, 2019) khan chhuah a ni.

Pu Lalṭhazuala chuan interim period hmasa chhung khan election neih hman a nih loh vanga sawrkar lailawk hun pawtsei leh a nih thu a sawi a, GAD department chuan election puang turin State Election Commission a hriattir tawh thu a sawi bawk.

SHC election nei tur hian sawrkar aṭangin area  delimitation leh election rules pawh peihfel a ni tawh in notified a nih tawh thu Pu Lalṭhazuala chuan a sawi bawk.

April ni 2, 2018 a Mizoram sawrkar le hHPC(D) te'n inremna an ziah vanga lo piang SHC council hi nikkum July ni 9 khan sawrkarin notification chhuahin thla ruk chhung atan sawrkar lailawk hi din a nia, July ni 13, 2018 khan sawrkar nen inbiak laia HPC(D) palai team leader leh spokesperson ni bawk Upa Lalṭhalien chu CEM hmasa ber atan lak luh a nia, ani bakah hian member dang 13 pawh lâklûh an ni.

Mahse, interim period chhung han election neih hman a nih tak loh vangin kumin January ni 18 khan Sawrkar chuan notification chhuah lehin January ni 8, 2019 aṭanga thla ruk or election neih hma atan pawtsei lehin CEM atan Pu Lalthlamuana Hmar bakah member atan  mi dang 13 te chu February ni 7, 2019 khan lakluh leh an ni.

Tuna mi nen hian 2018 a inremna neih a nih hnuin SHC sawrkar lailawk chu ṭum hnih lai pawhsei a ni ta a ni.

Hetihlai hian vawiin khan 'Save Sinlung Hills Council' te chuan Aizawl Press Club ah chanchinbu mite kawmin, interim period pawhsei duh an duh loh thu tarlangin, interim period pawtsei lova arang thei anga election huaihawt tura sawrkar nawr an tum thu, Save SHC convener Pu Lalremruata chuan a sawi.

- Zoram Chronicles

*** I Hun awlah website a fakna hi lo click ve rawh le. ***