BJP Membership Drive – 2019 Campaign tan a ni ta

Aizawl | July 6, 2019:  BJP Mizoram Pradesh chuan vawiin khan an office-ah BJP Membership Drive -2019 campaign hawnna hun an hmang. 

Hemi chungchangah hian BJP Mizoram General Secretary Vanlalhmuaka chuan thuthar thehdarhtute kawmin an kalphung hetiang hian a sawi," BJP Membership Drive -2019 campaign hian 6th July  atanga 11th August, 2019 chhung a awh dawn. He Membership Drive –ah hian mi tupawh BJP member ni duhte chuan he Number 89 80 80 80 80 ah hian Missed Call pek tur a ni a. Missed called pek hnu hian Call chu automatic in a in cut nghal a, Hindi leh English in message I dawng nghal ang. Chu message ah chuan SMS thawnna tur number a lo pe ang che ang a. Chutah chuan heng mahni hming, Address, Email , Pin Code,  Phone number chu SMS tur a ni a.  Phone  nei lo tan Membership Registration Form hmang pawhin BJP Membership hi a nih theih a. Membership Registration Bu hi Membership Incharge te hnenah State ah emaw, Dstrict ah emaw, Block ah emaw, Polling Booth /Local Unit Committee ah emaw ngaihven theih a ni."

He Membership  buaipui tur bik hetiang hian inruat a ni: National Level ah chuan National Membership Incharge chu Pu Shivraj Singh Chauvan, National Vice President a ni a. Mizoram State ah chuan State Membership in-charge ah Pu Vanlalhmuaka, State General Secreatry  leh Co-incharge  atan Pu R. Vanram Chhuanga, State Secretary te ruat an ni a. Anni pahnih hian District tinah District Membership Incharge and Co-incharge, Block tinah Block  Membership Incharge and Co-incharge , Polling Booth/ Local Unit tinah Incharge leh Co-inchage turte, mi inpe te atangin leh tha an tih angin an ruat leh a. Heng incharge leh Co-incharge te  kaihhruaina hnuaiah BJP Memberhsip Drive -2019 hi kalpui  a ni dawn a ni.

Tin, Hemi bakah hian 30th May -  1st July, 2019 ( Thla khat) chhunga Pu Modia Sorkar hmalakna thenkhatte he hunah hian a tarlang a.

Modi sorkar in,sorkarna a siam atanga ni khatnaah – thuthlukna a siam hmasak ber chu,  ram mipuite veng him tura nun thap a inpe te tan a sorkar chu a hlan a. NDF atanga PM Scholarship Armed Forces martar fate tana an pek thin chu a tipung nghalin, tun hma a he scheme in a huam loh Police hel kut tuara thi fate  te pawh a huam tel tir nghal a ni. Hei hian Pu Modia sorkarin Ram venhimna chu top priority a pek zia a tilang chiang hle a ni.

A cabinet meeting hmasa berah hian Pu Modia sorkar chuan PM-KISAN scheme chu ti thar lehin, he scheme dawng thei turte ram neih auh zawng a sawi chu a huang a tih zauh belh a;  Loneitute tan Pension Scheme thla tin Rs 3000/- an dawn theihna tur a puang nghal a ni. PM-KISAN scheme hi Ist Installment-ah mi 3.11 Crore farmers in an dawng tawh a. 2nd Installment hi mi  2.66 Crore hnenah pek a ni tawh a ni. 

 Sum dawngtute tan pawh Pu Modia sorkar chuan pension scheme siam sakin, an ni pawh hian thla tin Rs 3000/- kum 60 an tlin hnuah pension an hmuh theihna tur kawng a hawn sak a. Hei hian small shopkeepers leh retail traders te a huam a; mi 3 crore vel tan ruahmanna hi siam chhin a ni.

BJP Vision Documents-2019 lo lang, Pu Modian election campaign laia a lo promised, “Nal se Jal for All,” “ In tin hnena  pipe hmanga tui thianghlim in tur pek” chu a taka a lo thlen theihna atana thawktu tur Ministry- Jal Shakti Ministry chu Cabinet meeting hmasa berah hian Pu Modia sorkar chuan siam nghalin, a taka a chan chho dan tur I hriat duh chuan Budget for New India-2019 Har Ghar Jal ah hmuh theih a nih thu a sawi bawk.

*** I Hun awlah website a fakna hi lo click ve rawh le. ***

BJP leh Pu Modi-in General Election -2019 a an  manifesto –a an commitment – Making India a Five Trillion Economy chu a tak a chan theihna atan Pu Modian Cabinet Committee pahnih- Committee on Economy and Committee on Employment chu amah kaihhruaina hnuaiah a din nghal a. Chumi nena inkaihhnawih tho, High Leve Committee for Agricultural Reforms pawh NITI Aayog meetingah a din nghal.

Modi kaihhruai BJP sorkar  chuan  surgical strike hmangin Pakistan ramah helte a bei a.  sorkar a lo pian atanga thla khat ral hmain Surgical Strikes Against Corruption neiin, IRS Officer/Top Tax Officer rual 12 chu n hna atangin a chawlh tir rap mai a, Custom Central Excise Officer 15 an hna atangin a ban hmiah bawk a ni. Corruption hi hmasawnna daltu a ni a, a titute dahbo mai hi a kawng a ni tih  a hre chiang hle a, tiin,  Heng officer ho hi Corruption, Mipat hmeichhiatna lama  hminghliauna nei,  an thil neih leh an sum lakluhna inmil lo te an ni). Pu Modia hian Pu Hawla angin Corruption titute hrem chu Court lam hna tiin a in sawi fihlim lem lo a; Kan CM zahawm tak Pu Zoramthanga angin hnathawk tha duh lo te chu hrem ngam turah kan in ngai a ti ve lem lo ; Pu Modia chuan a chawlh luih tir a, a ban mai hi kan state CM ni tawhte leh ni mekte hian entawn se kan duh khawp mai. a ti bawk.

BJP Election Manifesto a lo lang leh Thlakhat chhunga Pu Modia hmalakna zawng zawng hi a tihpuitlinna tur chu Unon Budget-2019 ah  hian hmuh tur a awm vek a. A thil sawi leh a thil tih hi a tak a bawhzui zel a ni a. Hei hian kan PM leh a sorkar rintlakzia a tilang a ni, a ti.

Modi thla khat sorkar leh a Foreign Policy langsar zual leh a nghawngte tarlang bawkin, Pu Hmuaka chuan, Pu Modia hi khawvel ram hruaitute zinga helho in Easter Sunday a  Sri Lanka a hmun hrang hrang bomb hmanga an beih hnua tlawh hmasa bertu a ni. Pu Modian Sri Lanka a tlawh tum hian a programme a tel miah lo Easter Sunday a hel kut tura thi mi 285 te sunna hun  St Anthonys Church ah a hmang a. Hei hi Sri Lanka a tlawh tuma a thil tih hmasak ber leh a ngaihpoimawh hmasak ber a ni. Mitthi te sunna leh an tana tawngtaisakna  urhsun taka Kristian puithiam te nena St Anthonys Church a hun an hmang chuan Sri Lanka Kristianten  Pu Modia hi an fak  hle a ni. Sri Lanka a Province 9 ah chhum lo chat lo a, a tul anga an hman tur Emergency Ambulance a pek chuan Sri Lanka mipuite rilru a hneh hle. Sri Lanka President chu Thih leh ruam khatah, dam leh tlang khatah tiin Pu Modia hian a thlamuan a ni, a ti a.

Pu Modia hian thla khat a sorkar chhungin heng Maldives Island te, BIMSTEC leaders meet te, Sri Lanka te, Shanghai Cooperation Organization summit – Kyrzakistan ah te, G-20  Summit Japan ah te kal in amah avang hian India chu khawvel mit fukna a ni chho mek a ni. India rama a hma lak dan heng:- Ayushman Bharat ( World largest health programme)- chhungkua tinin an dam loha inenkawlna atan Rs 5 lakh an hman theih te, Pawisa note 500 leh 1000 tih thih a, Black Money a do dan te, India leh khawvel corruptin free a awm theihna atana a beih dan te, Tax pe tha leh Sumdawng rinawmte a hum tlat dan te, hmeichhia dinhmun a taka dan hmanga a chawisan dante, Swachch Bharat Abhiyan mipui vantlang chenna hmun a tihthianghlim dan, Beti Bachao Beti Padhao policy hmanga mipa leh hmeichhia ration inthlau lutuk a siam that dan te hian International Forum ah India agenda chu  – Global Agenda ah  chang chho mek a. Hei hian  BJP sorkar Pu Modia kaihhruai hian ram chhung (Domestic) ah leh ram pawn ( International) ah nasa takin India mipui leh khawvel rin kaiin hna a thawk a ni tih a ti lang a. BJP Mizoram Pradesh chuan kan Prime Minister Pu Naredndra Modi hi Sabke Sath Sabke Vikas a taka a chantir avanga tun General Election ah khan Sabke Viswas kan party in kan  nih phah ta hial hi kan chhuang tak zet zet a ni, a ti.