Mizoram University (MZU) in June 21, 2019 a Under Graduate result 2019 a tichhuah tak, Bachelor of Arts Gold Medalist Teresa Lalnunpuii leh Exploremizoram.com founder H Zate inkawmna chu kan chhawp chhuak ta e.
Bachelor of Arts Gold Medalist Teresa Lalnunpuii hi Pachhunga University College zirlai niin, Sociology subject a la a, 9.090 hmuin Gold medalist a ni.
A thianten, Tere tia an koh thin Teresa Lalnunpuii hi AD Lalhmingliana leh Lalrammawii te fanu a ni a. 1997 September 27 khan a piang a. Republic vengthlang, Aizawl ah an cheng
Nih tum: Civil Service.
Teresa Lalnunpuii hi Pawl 10 chu Home Missions School, Aizawl atangin Distinction ah a pass a, English ah subject topper a ni nghe nghe a. Pawl 12 erawh Oikos Higher Secondary School ah Arts stream ah Distinction ah pass in 4th rank a hauh bawk.
(He post i chhiar mek lai hian Website a fakna awm hi lo click ve ta che.)
A duhzawng leh ngainat zawngte:---
Rawng - Black
Chawhmeh - Alu
Incheina - Black color outfit
Rimawi – Blues, Jazz, Indie, Psychedelic rock and Classical music ka ngaithla nasa. Norah Jones, Lana del rey leh The weeknd te hla hi chu a zavaiin ka ngaina thei zel.
Mizo Ziaktu zingah - Zikpuii pa leh Vanglaini column a thursday apianga ziak thin Zara tih kha.
Hla- Shoot the moon by Norah Jones.
Hla phuahtu - Amy Winehouse, Lana del rey leh Zirsangzela Hnamte.
Mizia - mizia a ka ngaihsan zawng chu integrity nei mihring, principle nghet tak nei, leh mi inngaitlawm tak te.
Mize ngainat loh zawng
- Mahni hmasial lutuk leh chapo tak te bula awm hi a hrehawm ka ti.
- Mahni hmasial lutuk leh chapo tak te bula awm hi a hrehawm ka ti.
Hobby- Reading, Watching movies, and writing fictions.
Relationship status - Forever Single
Kawppui atan duhzawng
- Lehkhabu chhiar peih, rilru zau ve tak/ cosmopolitan outlook nei, zaidam, inngaitlawm leh a pawimawh ber ah--Pathian tih mi ni se.
MZU UG 2019 Result chhuakah Gold Medalist i nih hi i inring sa reng em?
- Ist semester atanga 6th semester thleng hi Pathian zarah a ti tha ber pawl ka ni ve thin a, a ruk chuan nih chu ka inbeisei ve a, mahse Gold medalist em han nih chu vanneih ve a ngai viau in ka hria, Pathian malsawmna liau liau ani ka ti lo thei lo.
MZU UG 2019 Result chhuakah Gold Medalist ni turin i zir nasa em?
- Exam dawna bye heart a zir vak ang chi kha ka ni lo a, class a lecture kan ngaihthlak te hi in lamah ka ennawn thin a, ngaihnawm ti takin zir ka tum thin. Chutiangin lehkha zirin ka inkhung chawt lova, kan zirlai ka tui bakah ka revise thin na hian min pui hle.
MZU UG 2019 Result chhuakah Gold Medalist i ni tih i hriata i awm dan?
- Sawi tak ang khan gold medalist em ni tur chuan 'luck' a awm ve a ngaiin ka hria a, phur vak lovin whatsapp ka lut a, gold medalist zingah ka hming ka hmu thut a, message tam tak nen...ka hlim takzet a, rilru tawngtaina ka nei nghal mawlh mawlh mai a ni.
I lehkha zir dan tlangpui:
- Ni khat ah a tam berah darkar 3 vel ka zir ziah thin ang a ni mai. Exam dawnah erawh chuan zan dar 2 dawn te ka meng thleng thin. Kan syllabus pawn hi ka chhiar nasa zawk mah, hei hian kan zirlai ah clarity of concepts min pe nasa.
Zirna atan hian i chhungten an tuipui che em?
- Ka chhungte hi ka engkim a ka engkim takmeuh meuh an ni. Lehkha ka zir theihnan hah takin hna an thawk a, ka zirlai in a tihbuai ai chuan a chang chuan ka hnathawh te an phal lo hial thin, chutiang khawp chuan min support tha a ni. Ka nu leh pa mai bakah ka nau pali te hi ka tan an pawimawh hle, lehkha zir ngawrh deuh chang ka neih chuan thleng te min sil chhawk a, chutiang chuan lehkhazir ngaih pawimawhna environment tha tak ka nei thei a ni.
Zirtirtute aṭangin thlawpna in dawng ṭha em?
- Dawng tha tehreng mai. Kan zirtirtu te hian min tuipui in, kan tih that theihnan an duty ni kher lo test te kan tan an conduct ngun thei hle. An
chungah hian lawmthu sawina tur kan ngah hle.
In department faculty hi ṭha tawkin i hria em?
- A tha tawk khawp mai. Head of department ah experience ngah em em, Father of MCS an tih hial Sir Muantea kan nei a. Ani mai bakah lecturer inpe zo tak leh thiamna lama sang tak tak ten kan department hi an enkawl a ni.
Zirna atan hian i chhungten an tuipui che em?
- Ka chhungte hi ka engkim a ka engkim takmeuh meuh an ni. Lehkha ka zir theihnan hah takin hna an thawk a, ka zirlai in a tihbuai ai chuan a chang chuan ka hnathawh te an phal lo hial thin, chutiang khawp chuan min support tha a ni. Ka nu leh pa mai bakah ka nau pali te hi ka tan an pawimawh hle, lehkha zir ngawrh deuh chang ka neih chuan thleng te min sil chhawk a, chutiang chuan lehkhazir ngaih pawimawhna environment tha tak ka nei thei a ni.
Zirtirtute aṭangin thlawpna in dawng ṭha em?
- Dawng tha tehreng mai. Kan zirtirtu te hian min tuipui in, kan tih that theihnan an duty ni kher lo test te kan tan an conduct ngun thei hle. An
chungah hian lawmthu sawina tur kan ngah hle.
In department faculty hi ṭha tawkin i hria em?
- A tha tawk khawp mai. Head of department ah experience ngah em em, Father of MCS an tih hial Sir Muantea kan nei a. Ani mai bakah lecturer inpe zo tak leh thiamna lama sang tak tak ten kan department hi an enkawl a ni.
Zawhna dang:__
1. A tel lova i awm theih loh: Pathian
2. I nun kaihruaitu: - Ka nu leh pa leh ka unau te, ka bul vela awm mi ngaihsanawm tak tak te leh ka lehkhabu ngainat ber JANE EYRE
3. Hringnuna i hlauh ber:
- Keimaha thatna awm ve te hloh thak khawpa hringnun hman.
- Keimaha thatna awm ve te hloh thak khawpa hringnun hman.
4. I tih ngai miah loh tur: Ruihtheihthil etc.
5. Mizo Tualzal nuna ṭha i tih:
- State dangte nen tehkhina kan mizo tualzal nuna tha ka tih te chu hmeichhe dinhmun hniam bik lo te, chhiat ni that nia kan intawiawm dan te leh tlawmngaihna te.
- State dangte nen tehkhina kan mizo tualzal nuna tha ka tih te chu hmeichhe dinhmun hniam bik lo te, chhiat ni that nia kan intawiawm dan te leh tlawmngaihna te.
6. Quote i duh ber:
"In the dust of defeat as well as the laurels of victory there is a glory to be found if one has done his best." - Eric Liddell.
"In the dust of defeat as well as the laurels of victory there is a glory to be found if one has done his best." - Eric Liddell.
7. Mizoram leh Mizo tualzal nuna Mizo hmeichhiate dinhmun:
- State dangte nen tehkhin chuan Mizo hmeichhiate dinhmun hi a tha ve thawkhat hle chuan ka hria a, amaherawhchu kawng tam takah langsar chiah si lo hian hmeichhia leh mipate dinhmun hi a la inthlau deuh chuan ka hria. Entirnan, kan society chu patriarchal society ani a, ka mimal ngaihdan ah chuan hei hian kan dan siam ah te pawh nghawng tam tak a neiin ka hria. Hmeichhia in hnam dang pasal a neih chuan ST nihna hloh tir an tum a, mipa in hnam dang nupui a neih chuan ST nihna hloh tir dan siam tum a ni ve lo. Hnam dang neih ka chawi sang ani miah lova, amaherawhchu Hmeichhe thisen kha Mipa thisen aiin a tak lo zawk em ni? tih te hian ka rilru a kap thin hle, sawi tur a tam khawp mai. Chuan, kan Mizo hmeichhia te hian Mizo mipate thiamna leh theihna ah tluk tawk lo anga inhriatna kan nei lian hle in ka hmu thin bawk. Work place a ni emaw khawi hmunah pawh hian traditional gender role kan la vuan nghet hle, mipa role leh hmeichhe role nasa takin kan la thliar hrang niin ka hria.
- State dangte nen tehkhin chuan Mizo hmeichhiate dinhmun hi a tha ve thawkhat hle chuan ka hria a, amaherawhchu kawng tam takah langsar chiah si lo hian hmeichhia leh mipate dinhmun hi a la inthlau deuh chuan ka hria. Entirnan, kan society chu patriarchal society ani a, ka mimal ngaihdan ah chuan hei hian kan dan siam ah te pawh nghawng tam tak a neiin ka hria. Hmeichhia in hnam dang pasal a neih chuan ST nihna hloh tir an tum a, mipa in hnam dang nupui a neih chuan ST nihna hloh tir dan siam tum a ni ve lo. Hnam dang neih ka chawi sang ani miah lova, amaherawhchu Hmeichhe thisen kha Mipa thisen aiin a tak lo zawk em ni? tih te hian ka rilru a kap thin hle, sawi tur a tam khawp mai. Chuan, kan Mizo hmeichhia te hian Mizo mipate thiamna leh theihna ah tluk tawk lo anga inhriatna kan nei lian hle in ka hmu thin bawk. Work place a ni emaw khawi hmunah pawh hian traditional gender role kan la vuan nghet hle, mipa role leh hmeichhe role nasa takin kan la thliar hrang niin ka hria.
8. Hnam hmingṭhat leh hmingchhiat kawngah Hmeichhiate'n mawhphurhna:
- Mizo hmeichhiate hian hnam hmingthatna turin anmahni a theihna tam tak awm te haichhuak zel se, legislature leh top office ah te lang tam thei deuh deuh turin tang lehzual se. Fa enkawl chungchang ah pawh ram leh hnam tan tan la ila. Hnam hmingchhiatna turin nun inthlahdah lo ila a duhawm ngawt ang.
- Mizo hmeichhiate hian hnam hmingthatna turin anmahni a theihna tam tak awm te haichhuak zel se, legislature leh top office ah te lang tam thei deuh deuh turin tang lehzual se. Fa enkawl chungchang ah pawh ram leh hnam tan tan la ila. Hnam hmingchhiatna turin nun inthlahdah lo ila a duhawm ngawt ang.
9. Hnam ziarang chawinun kawnga Hmeichhiate mawhphurna:
- Hnam ziarang/Culture hi chu inchhungkhur atangin zir hmasak ber theih a ni a, a bik takin nu te hian an fate zirtirna kawngah mawhphurhna sang tak an nei a ni.
- Hnam ziarang/Culture hi chu inchhungkhur atangin zir hmasak ber theih a ni a, a bik takin nu te hian an fate zirtirna kawngah mawhphurhna sang tak an nei a ni.
10. Mizote tan 'Fa neih tlem' inzirtir hi a ṭulin i hria em?
- Kan la tlem si a, fa neih tlem policy hi chu a tul em em in ka hre lo. Amaherawhchu naupang taka nupui pasal neih hmaa nau neih mai mai te, rethei tak leh an mamawh pawh pe thei lo chhungkuaa ,thanglian tura fa neih teuh teuh erawh ka thlawp lo thung.
- Kan la tlem si a, fa neih tlem policy hi chu a tul em em in ka hre lo. Amaherawhchu naupang taka nupui pasal neih hmaa nau neih mai mai te, rethei tak leh an mamawh pawh pe thei lo chhungkuaa ,thanglian tura fa neih teuh teuh erawh ka thlawp lo thung.
11. Khawtlang, Kohhran leh nangmah:
- - Inhman chu a tha takmeuh mai. Zirna leh hetiang tikawp thei chu an awm ngei mai. Mahse a tam zawk hi kan ni si lo a. Kei chu kal ngei ngeina tur nia ka hriat ah bak ka kal meuh lo.
12. Social Media leh Nangmah:
- Social media ah chuan whatsapp bak ka active lo.
13. Mizoram ṭhalai tam tak tlakchham:
- Purpose/ tum mumal tak leh principle nghet.
14. Mizo ṭhalaite hian ngaihsan tur dik an ngaisangin i hria em?
- A khawvel/materialistic lam zawngin ka duh ai chuan kan kal nasa ka ti thin. Kan mi ngaihsan tam tak te hi a glamour lai chauh kan en a, a phena hlawhtling tura an beihna kan en kan/hmaih thin a, hei hi a fuh lo hle. Tu pawh lo ngaisang ila, Kardashian anni emaw rapper an ni emaw hlawhtling tura an thawhrimna te entawn zawk thin ila a tha ngawt ang.
15. Ngaihsan tur dik nia i hriat:
- Mahni intodelh, mahni mai bakah mi dangte tanpui thei khawpa mi hlawhtling te.
16. Hlawhtlinna tura pawimawh:
- Vision mumal tak neih, chumi tihlawhtling tura harsa tak chung pawha beih hram hram na nun neih leh in control theihna.
- Vision mumal tak neih, chumi tihlawhtling tura harsa tak chung pawha beih hram hram na nun neih leh in control theihna.
17. I nuna hloh i hlauh ber:
- Midangte hmangaih theihna.
- Midangte hmangaih theihna.
18. Thalaipuite hnena chah duh:
- Mi kan inang lova, a then chu football thiam deuh te, lehkhathiam deuh te, fiamthu thiam deuh te etc. kan awm thei. A then phei chuan engmah thiam bik pawh ka nei ve lo in ti thei, mi dangte nen in compare a, lungngai em em te pawh kan awm thei. Ka thalaipui te ka chah duh chu, tu pawh hi kan hlu veka, khawvel tikimtu te kan ni. Kan nunah erawh Pathian tih tlat ila. Pathian kan tih chuan zelthelna, dawihzepna, thatchhiatna, dawihzepna etc kan hneh thei dawn a lo ni. Nitinin hma lam pan ila, kan theihna zawn theuhah theihtawp chhuah zel ila, chhungkua, khawtlang, ram leh hnam tan mi tangkai tak nih i tum theuh ang u.
www.exploremizoram.com i hmuh dan:
- Hetiang ang website tha tak mai Mizo te tan in chhawpchhuak hi a ropui ka ti hle. In kal zelna turah duhsakna sang ber ka hlan a che u. Inkawmna hun tha tak min pek avangin ka lawm em em bawk.
### He post hi hmun danga copy chhawn kan phal lo.
### He post hi hmun danga copy chhawn kan phal lo.
_________________
TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 450 in lei tur a awm bawk e.
TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 450 in lei tur a awm bawk e.
Call/ WhatsApp +919615332721
Tha hlawm hle mai
ReplyDeleteHmeltha si fel si
ReplyDeleteȚha hle mai. A ngaihsanawm.
ReplyDeletePost a Comment
He post chungchanga i ngaihdan lo sawi ve rawh: