F Lallawmawmi: MZU B.Com Gold Medalist 2019

Mizoram University (MZU) in June 21, 2019 a Under Graduate result 2019 a tichhuah tak, Bachelor of Commerce Gold Medalist F Lallawmawmi leh Exploremizoram.com founder H Zate inkawmna chu kan chhawp chhuak ta e.

Bachelor of Commerce Gold Medalist F. Lallawmawmi hi Govt Hrangbana College zirlai niin,  8.710 hmuin Gold medalist a ni.

Awmawmi emaw Awmi emaw  a hriat ṭhin F Lallawmawmi hi  Tlangruala leh Ramthianghlimi te fanu niin, 1998 October 25 khan a lo piang a. Armed Veng south, Aizawl-ah an cheng.

F Lallawmawmi hian Pawl 10 hi Govt. Pianghleia High School, Electric Veng, Aizawl lah 1st Division in a pass a, Pawl 12 chu Govt.Mizo Higher Secondary School, Aizawl  atangin Distinction in a pass a, Economics subject ah topper a ni bawk.

A duhzawng leh ngainat zawngte:---

Rawng - Gray, Black, Maroon & Navy Blue

Chawhmeh  - Dal

Incheina - T-shirt, Jeans& Sneaker

Rimawi – Pop

Mizo Ziaktu zingah - C. Hrekima 

Hla- Famkimlohna Khawvel

Hla phuahtu - Pu Rokunga

Mize ngai nat loh zawng
 - Mi rinawm lo leh mi chapo te.

Hobby-

#Comic/Fiction chhiar

#Drama/Movie en

#Lemziah (Pencil sketch )

Relationship status - Single

Kawppui atan duhzawng - Innghahna tlak,mi rinawm.

Nih tum: Professor

MZU UG 2019 Result chhuakah Gold Medalist i nih hi i inring sa reng em?

- Ring sa tho e. A chhan chu kan mark lo khawl tawh sa aṭangin a inchhut/hriat theih vek a.

MZU UG 2019 Result chhuakah Gold Medalist ni turin i zir nasa em?

- Zir nasa e. 1st sem aṭangin result ṭha tak nei turin ka zir ṭhin.

MZU UG 2019 Result chhuakah Gold Medalist i ni tih i hriata i awm dan?

- Pathian hnenah lawmthu ka sawi nghal a,ka hlim lutuk a, zing chaw pawh ka ei ṭha thei lo. 😂

I lehkha zir dan tlangpui:

- Lehkha hi zan lamah ka zir ṭhin a,ka zir rei zawng hi chu ka sawi thei lo,a ṭul dan a zirin ka zir reiin ka zir lo ṭhin.

# Class-ah ṭha takin zirlai ka ngaithla ṭhin, chu chuan revise naah leh exam hall-ah min pui nasa hle.

# Class a notes emaw chawh chi kan chawh hi rough a ka ziah vek avangin, zan lamah fair notes ah ka copy lut leh ṭhin a, chu chuan thiam a tichiang.

# Test dawn leh Exam dawn hian zanah ka zir nasa a, a ṭul chuan ka tlaivar mai ṭhin.

Zirna atan hian i chhungten an tuipui che em?
- Tuipui tehreng mai, ka tuina zawng a nih chuan min tuipui vek.

Zirtirtute aṭangin thlawpna in dawng ṭha em?
- Aw, dawng e.
Tiang dinhmun ka thlen theihna chhan hi an mahni vang liau liau a ni. 

In department faculty hi ṭha tawkin i hria em?

- Aw, a ṭha tawk viauin ka hria.

(He post i chhiar mek lai hian Website a fakna awm hi lo click ve ta che.)

Zawhna dang:

 1. A tel lova i awm theih loh: 
- Pathian

2. I nun kaihruaitu: 
- Pathian

3. Hringnuna i hlauh ber:  
- Pangang🐛

4. I tih ngai miah loh tur:

- Ruihlo tih ka tum ngai lo ang.

5. Mizo Tualzal nuna ṭha i tih: Tlawmngaihna

6.  Quote i duh ber: 
- "Nothing is impossible with GOD"

7. Mizoram leh Mizo tualzal nuna Mizo hmeichhiate dinhmun:

- Kan zalen

8. Hnam hmingṭhat leh hmingchhiat kawngah Hmeichhiate'n mawhphurhna:

- Kan inchei dan leh kan khawsak danah te kan tihmingchhiain kan tihmingṭha thei a, kan nun dan kawngah mawhphurhna sang tak kan nei a ni.

9. Hnam ziarang chawinun kawnga Hmeichhiate mawhphurna:

- Kan nitin nuna rinawmna leh tlawmngaihna lanchhuah tir hi kan mawhphurhna a ni.

A bik takin tlawmngaihna hi kan hnam chawisang tu a ni a, mithi buhfai khawnte, mitthi lumen leh khawhar in kal te hi kan phak tawk tawka kan tih makmawh a ni.

10. Mizote tan 'Fa neih tlem' inzirtir hi a ṭulin i hria em?

- A ṭul ka ti lem lo.

A chhan chu kan hriat angin Mizo mipui kan la tlem em em a, mi khawsa thei leh awm thei tan chuan neih tam a ṭha ka ti, an chawm zawh dawn tho avangin.

11. Khawtlang, Kohhran leh nangmah:

- Zirlai ka nih avangin active tak chuan khawiah mah ka la inhmang lo, mahse member chu ka ni vek tho.

12. Social Media leh Nangmah:

- Social Media chu rual pawl nan leh thu thar hriat nan te ka hmang ve nasa.

13. Mizoram ṭhalai tam tak tlakchham:

-  Taimakna kan tlachham

14. Mizo ṭhalaite hian ngaihsan tur dik an ngaisangin i hria em?

- Mizo ṭhalai ngaihsan zawng hi a inang vek lo a, chuvangin a mimal ngaihsan zawng a zirin a dikin, a dik lo thei.

15. Ngaihsan tur dik nia i hriat:

- Mi dik(rinawm) leh huaisen

16. Hlawhtlinna tura pawimawh:

- Rinawmna leh taimakna

17. I nuna hloh i hlauh ber:

- Ka nunah Pathian leh ka chhungte hloh ka hlau ber.

18. Thalaipuite hnena chah duh:

- Kan thil tih a piang Pathian malsawm tlaka rinawm leh taima taka ti ṭeuh turin ka sawmin, ka chah duh a ni.

www.exploremizoram.com i hmuh dan:

- A ṭhain a bengvarthlak ka ti. 


### He post hi hmun daaga copy chhawn kan phal lo.