Bonovy - Mizoram Clothing Brand thar, Mizo ta, Mizo tan

Aizawl | May 24, 2019: Mizoram a Clothing Brand thar, Bonovy hi i lo hmelhriat ve tawh em?

Zamzami Bonovy T-Shirt nen

He Clothing Brand hi Bilkhawthlir (Kolasib District) tlangval Chuaungurpuia Pachuau leh a u Lalnunpuia Pachuau ten March ni 26, 2019 khan an din a ni.

- Exploremizoram.com

Bonovy hming put chhan hi a dintute tunu, Bawihnovi a ni. A dintu Chuaungurpuia leh Lalnunpuia te inkara an farnu hian fanu Bawihnovi a nei a, chu chuan a hming Bawihnovi chu lam thiam lovin 'Bonovy' tiin a lam a, chumi hming chawi chuan Bonovy Clothing Branch hi din a lo ni ta a ni.

"Ka tunu bawihpuiin a hming hi Bonovy tiin a lam tlat , chumi hming chawia din kan ni," tiin Bonovy Founder Chuaungurpuia Pachuau chuan exploremizoram.com a hrilh.

Bonovy logo

Bonovy hian Sportswear leh Streetwear lam kawr an siam ber a. Bul ṭan chauh niin,  sum tlemtea bulṭan mah nise mi hriat an hlawh a, ngaihven an hlawh tawh hle a ni.

- exploremizoram.com

Mamuantei - Bonovy T-Shirt nen

Tunah hian Mizoram brand hlawhtling tak nih tumin ṭan an la mek a. An thawkrim hle a ni.

Bonovy hian sum dawnna mai bakah khawtlang ṭhatna atana inhman an tum nasa hle a, infiammite tan leh ṭhalaiye tan an theih chin chinah tha thawh an tum mek a ni.

Bonovy Mzoram Clothing Brand thar hi Mizo ta, Mizo tan tiin kan rawn chhawpchhuak a. Hmasawn zel turin dubsakna kan hlan e.