BREAKING NEWS: SUAL RAWN VANGIN BORAL

Aizawl | March 17, 2019: Lalmuankima (16) s/o H Lalnunthara Tualpui chu, vawiin tlaill lama Khawzawl Mualvawm Field/Helipad a an leng chu, tu tih hriat lohte nen intibuaiin mi pasarih in an sual rawn a, a hliam tuar zo lovin a boral niin thu kan dawng.



Tunah hian Khawzawl Damdawiinah Investigation tih mek a ni.

Lalmuankima, Kimkima tia koh hi Khawzawla HSLC Exam bei mek niin, Khawzawl Vengthar a Pi Kaphmingthangi (Upa K Roliana kawmchhak) te In aαΉ­anga exam a ni.

Kan thu dawnna in a sawi danin, he thil thleng vang hian Tualbung khawtlang mipui an nain an thin a rim hle a, a chinchang ngaihven turin Khawzawl pan tum thawm a awm nia hriat a ni. Thu chiang zawk kan nghak mek e.


Thu kan dawn zel danin, Lalmuankima kutthlaktu nia puh mi 6, Khawzawl Zaingen veng mi vekte chu Police ten manin Champhaiah phurh chhoh an ni tawh a, mi 2 dang la zawn mek an ni. Heng an man tawh mi 6 te hi kumtlinglo vek an ni a; kum 17 mi 2, kum 16 mi 2, kum 15 mi 1, kum 14 mi 1 te an ni.

He tih lai hian Khawzawl Group YMA leh Khawzawl Joint YMA chuan thuchhhuah siamin he thilthleng duhawm loh tak hi an dem takzet thu leh pawi an sawi nghal a. A rang thei ang ber pawikhawihtute hremna pe turin an ngen bawk a ni.

He thuchhuah hi Khawzawl Group YMA secretary K Lalnunsanga leh Khawzawl Joint YMA secretary Saithangpuia Sailo ten hming an ziah hnan a ni.







- WhatsApp Group

2 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post