TUALPUI RAWLTHAR LALMUANKIMA TUALTHIH THUAH MZP ṬAWNG CHHUAK, RAL TURIN A CHENNA INAH NGEI KAL TUM

Aizawl | March 18, 2019: Mizo Zirlai Pawl (MZP) general headquarters chuan an zirlai pui, March 17 tlaia Khawzawl Mualvawm hmuna mi kut tuara boral ta, Lalmuankima tualthihna chu pawi a ti tak zet a. A kalsan tak a chhungte chu thinlung taka an tuarpui tak zet thu an pawl thuchhuah chuan a tarlang.

Tarlan tawh angin, Khawzawl a pawl sawm exam bei mek Tv. Lalmuankima, Kum 16, S/o H. Lalnunthara Tualpui khua chu a tlai leng mi tu tih hriat loh ten sualrawnin a nunna a chan phah a ni.

( Report kimchang hetah )

 "Hetiang buaina Mizo leh Mizo inkara pawikhawihna rapthlak tak Mizoram chhunga a thleng hi thil tha lo leh kan chhehvel hnamdang hmuh leh hriatah pawh hnam anga kan mualpho theihna a nih thin avangin, tun hnuah MZP chuan thleng tawh lo hram se a duh hle a. Pawikhawihna leh buaina chhuahfo lohna tur pawhin, tuna nunna hial inlaksaknaa in hnamhnawih leh mawhphur tute zawng zawng chu an phu ang tawk hremna leh dan anga na taka hrem an nih theih nana hmala turin MZP chuan thuneitute a ngen tak meuh meuh a ni." tiin a tarlang bawk a. ( MZP Presss Release hetah )

MZP General Headquarters, Aizawl chu an zirlai pui pawi sawi lo mi kut tuara nunna chan ta, Lalmuankima chu hun remchang hmasa berah an chenna in ngeiah ral turin kal an tum bawk a ni.