KS VIRGIN 9

Chapter - 9

GiC: Hriati

Ziaktu: Peter Rinfela

Mumbai ah chuan karhnih ka cham a, chumi hnuah ngaihtuahna buai nuai chungin ka haw leh ta a, thlawhna ka chuan lai chuan ka in ngaihtuah nasa mai.. Test ka ti nawn leh a, engmah fel lo na ka neilo tih min hrilh a, chu chuan min ti hlim em em a, ka hma lam hunah beiseina min pe bawk. Mahse chutih lai chuan engtin nge kum 5 liam ta khan min test sual theih zawk le, kha doctor kha hmuh leh a sawisak hrep mai ka chak et et a, ka hringnun atih chhiat nasat zia leh kan nupa in kar hial a ti chhia a, kum 5 chhung mi ang ve lo ang maiin ka lo awm phah tawh ani. Sangtein ka fa lo pai hlauh lo phei se chuan ka dam chhungin fa nei thei lo anga ka awm ka in rin hial ka ring ani.
Aizawl ka thlen chuan ka chau hle mai a, in ka thlen veleh Sangteii ka call nghal a.
"Hello..?"
"Hi... Ilo dam em?"
"Umm, dam ani mai,"
"Ka lo haw tawh a"
"Ava lawmawm ve, i tluang maw?"
"Tluang ni mai! Ka fapa enge alo an a?"
A ngawi deuh ta vang vang a, phone ah chuan a thawhalh ri ka hre thei!
"I fapa ah i ngai ami?"
"Umm.. Ani sia lawm"
"Kar hmasa khan an haw phei a, an school luh a hun leh tawh a" a rawn tih chuan ka thla hi a muang em em mai a, Ka fapa chu hmuh leh chakna in ka khat bawk, chuan a nu pawh!!
"Mumbaiah test chu ka ti nawn leh a!" kan ti leh a,
"Enge chanchin?!"
"hehh... I sawi kha alo dik a!"
"Umm.."
"Chuan thuthlukna ka siam tawh bawk a"
"Eng?!"
"Nun bul tan that leh ka tum a"
"Umm... a tha alawm"
Sangtei nena kan inbiak zawh chuan ka inbual fai ta a. Ka nunah ka fapa leh anu Sangteii chu ka lalut tawh anga, ka nun chu nuam takin ka hmang tawh ang! Sangteiin min lo duh lo pawh nise Messiana Pa ka nih avangin min hnar theih loh chin chu a neih ka ring ani, ka bei anga, ka bei zel bawk ang! Engpawh nise tunah chuan kha doctor, ka nun zawng zawng ti chhe tu doctor laktlak loh zet kha ka hmuh phawt angai ani. A thil tih pawi sual atthlak tak avang khan kei leh ka nupui, ka chhungte leh Sangtei hialin an tawrh phah si a.
Ka mut hmunah chuan ka chet lak dan tur ka ngaihtuah roh roh a, doctor chu ka pan nghal ang nge, ka nupui hlui Sangpuii ka hrilh hre ve phawt ang?hrilh phawt a, ka nupui nena chu doctor chu khin dun mai tha in ka hre ta a, thu hretu atan Sangpuii hi a tangkai thei dawn ani!!
Atukah chuan ka test na hlui doctor lehkha vel chu ka enkual a, Dr. Lalramliana leh a signature te, a phone no.te nen alo la awm vek a, kum 5 lai aliam tawh a, a phone no.hi a thlak tawh angem? Hospital no.hi chu la thlak awm lo tak aniahh! an veng chu ka en thuak a, thil hriat chhuah ka nei tlat mai, ka nupui hlui Sangpuii te nen an veng alo in ang reng lehnghal!! ava remchang reuh ve mawni le, kal kual duah ngai lo tur chu ka lawm ru khawp, Sangpuii ka hrilhfiah anga, min pui hrehin ka ring lo ani, amah pawhin mak ati ve ngei ang!!
Sangtei te dawr lamah ka inkhalh phei phawt a, kan office ah ka chawlh dil ka la hman ral loh avangin office kal loh pawh ala pawi vak chuang lo bawk nen, ka buaina chinfel nana hman ral chu a pawina vak ka hre lo ani.
Sangtei te dawra ka luh chuan Amy chuan mak tih hmel zetin min rawn en a, min rawn pan pah chuan a nui var var bawk..
"Ohh Lalpa..! I zin daih amaw ka tia.."
"Nia, nizanah ka rawn thleng a"
"Enge min lo hawn?"
"Oin.. enge min chah a?!"
"Hmm... chah kher i ngai mi?"
"Haha.. Khawnge Sangtei?"
"Restroomah a awm aniang"
Amy in a sawi zo chiah chu Restroom atanga Sangtei leh mipa pakhat Sangtei kum rualpui awm vel chu an rawn chhuak ta mai, ka tang at mai!!
"Kan dawr neitu fapa ania, phai lamah a awm char char thina, a rawn haw hi Sangtei hi a care tawp a, kan pi te pawh hian an inkar hi an hriatpui tawhin ka hria" Amy chuan arawn ti leh a, ka thinrimna leh chupa ka thikna chu a in zat reng mai, ngaihtuahna fim ka pu thei lo a, ka tiril chu a khur ngawt ngawt!!
Ka kut chu ka hum ruh teuh a,khapa bawk kha ani, Sangtei a thlah haw a, an inngaizawng bawk maw?! Chupawh a thawhpui te leh an pi ten an hriatpui tawh bawk, thil theih ani lo! Rang takin ka va pan vata, ka thinrimna chu thup hram hram angai tih ka hria a, pangai taka lan chu harsa ka ti si..
"Sangte.." tih pahin a kutah ka va vuana, ka lamah ka pawt hnai nghal baek, ani chu alo tang nasa mai, Sangtei awmdan a hriat veleh chu tlangval chu a rawn che vat a, mi rawn hnaih chilh nghal! ava che Romeo ve mawni le!!
"Tunge i nih a?" a rawn ti nghal a, Sangtei lah a kun tlat, chupa chu kei aia naupang daih nimahse ka ngeiin ka huat tawk a tling em em mai a, Sangtei a in ti ta tu lutuk chu ka helh bawk..
Chutia min tih chuan sawi mai tur ka hre lo deuh a, mahse ka zawldawh chuan Sangteii hi ka chan thei dawn tih ka in hre bawk si..
"Sangtei fapa, Messiana Pa ka nih hi..!" ka ti ta a..
Boruak chu a reh nghal tlawk tlawk mai, Sangteii ka vawnna chu ka hmer nghet zual sauh a, chupa chu a nui haka, a ka a ang zuau zuau a, sawi mai tur a hre lo anih hmel.
Chumi hnu darkar chanve a ral chuan Sangteii nen coffee kan dawm dun rana, an dawra ka thil tih atthlak tak khan min la chiah piah bawk nen, boruak a nuam viau lo, khatia ka Sangtei ka ta anga ka sawi hnu khan khapa kha a kal ta anih kha.. ka hlim ru leh deuh angreng hle a, ka nui vur vur mai!!
"Enge i nuih a?!" Sangteiin a rawn tih chuan ka harh chhuak deuh zawk a.
"Hehh... Engmah!" ka la nui deuh a,
"Mi ti zah zia kha... khatiang thil kha ka lo beisei lo"
" Enge i beisei loh? Nizanah ka hrilh che kha nunbul ka tan tha dawn ka tih kha"
"i duh leh tan tha la, enge min tihbuai ve kher a!"
"Ngah nge ka tihbuai loh ang che, i tello in engtin nge ka tan theih ang, ka fapa ka mamawh alawm"
"I fapa ani tawh lo ka tih kha m, nang chyan pawisa i....."
"Kha pawisa kha sawi tei vet suh, ka fapa man anih lo, ka mawl man anih kha"
"Ks angah choh alawm nang chuan min ngaih! Johnny kha chuan ka nih na ang angin min pawm asin!!"
Hreptaka, khapa bawk kha a sawi leh tawh.ka thikna chu a rawn chhuak leh deuh tan ta mai a, engtia han tih chi nge mani?
"Enge khapa bawk kha i sawi leh a, i duh viau ami?!" ka ti chhuak thawt mai a, dawr chhunga lo awm ve midang te chuan mun rawn en deuh hrek hrek tawh mai a, Sangtei chu a in pet ruh deuh a, a hmel sen deuh awp awp danah chuan a zak ve tih ka hre thei bawk!!
"Min zahthiam asin, nangmah angin engtik laipawn min tawngkhumin min tih el ve ngai lo" a rawn ti sak mai a, ka ngawi roh roh mai, ka kal tir chuan ka fapa ka chan ani mai dawn si a, anu lah chuan min haw si, ava buaithlak tak em!!
"Ni khat chiah hun min pe rawh" ka ti ta ngawt mai a.
Lunch ei dawn tepah chuan ka nupui hlui Sangpuii te doorbell chu ka hmet ri ral ral a, ka buaina hi chinfel vat angai ani, zalen taka ka fapa leh anu kianga hun hman ka chak tawh ani! Sanngpuii hian min lo pui duh rm ang chu maw?! kawngkhar chu a rawn in hawng a, ka hma a rawn ding ka hmuh chuan ka khawng deuh zawt mai!!
"Aw hawww... Remruata chu ilo kal ve teh miala" khawvela ka doctor huat berin a rawn tih chuan ka nui tawi tak mai! Sangpuii address chu ka en nawn leh ngat a, a dik, kawngkhar luchunga Dr. Lalramliana tih in tar pawh a dik! enge thil awmzia hi...
?!
"Duhtak.. tunge a.." chu Aw pawh chu Sangpuii aw ngei ani, in chhungah chuan ka luta a, ka hawi kuala, an in bangah chuan chu doctor dawheh zet leh ka nupui hlui ngei mai inneih thlalak lo in tar chu ka en tlawk tlawk a, Sangpuii chu mipa naupang kumthum mi awm vel pawm chung chuan room atangin alo chhuak bawk!! hei hi ENGE..?

chhunzawm tur...

Chapter 1

Chapter 2

Chapter 3

Chapter 4

Chapter 5

Chapter 6

Chapter 7

Chapter - 8