General PYD Conference-in Thalaite'n zirna leh enzawnna tha zawk an neih theih nan foreign a intir chhuak tam tura hmalak rel

Aizawl | Nov 1, 2026: Rajput Fieldd, Thenzawla neih mek, General PYD Conference-in Thalaite'n zirna leh enzawnna tha zawk an neih theih nan foreign a intir chhuak tam tura hmalak an rel.

UPC North East India Thalai pawl Pentecostal Youth Department (PYD) General Conference vawi 48-na chu October ni 30 atanga November ni 1, 2026 chhung khan, Rajput Field, Thenzawl, North Mizoram District-ah neih a ni a, UPC NEI General Secretary, Rev. Lalmalsawma Sailo chuan inkhawmpui hi a hawng a ni.

Inkhawmpui thupui atan 'Thih thlengin rinawmin lo awm rawh' Thupuan 2:10 chu hman a ni a, October ni 31, Inrinni chawhma dar 10:30 khan Field Veng UPC Biak in, Thenzawlah Inkhawmpui rorel neih a ni.

Rorel pawimawh zualte:

1. Kum 2028 UPC North East India General PYD Conference chu Golden Jubilee kum niin, Inkhawmpui hi Aizawl East District ah neih a ni ang.

2. North East India Ṭhalai ten Pathian thu ah tuina thar an neih theih nan Bible chhiar uar beihpui thlak nise tih a ni.

3. Asia Region ah UPC North East India atanga Missionary tirh chhuak tura hmalak nise tih a ni.

4. Thalai te'n zirna leh enzawnna tha zawk an neih theih nan foreign a intir chhuak tam turin General PYD in hma lase tih a ni.

General PYD Conference, Thenzawl ah hian Conference Palai 6500 in report awm tawhin, Mizoram pawn atangin member enge mawzat an kal bawk, Conference hi Novemver ni 1, Pathianni zanah a tiak ang.

General PYD hnuaiah hian District 12 leh Missions Field 9 awmin, Section 145 ah Local 668 a awm a, PYD Member 30571 (Mipa 18384, Hmeichhia 12187) an awm mek a ni.