HIV / AIDS do nana trainer-te puala intuaihriamna hun buatsaih

Aizawl | Oct 7, 2026: Young Women Christian Association (YWCA) of Aizawl leh General Sunday School Dept. UPC North East India-te ṭangkawp buatsaih Faith Based Organizations' Response to HIV/AIDS-in Mizoram chungchangah UPC NEI, Aizawl East District Conference Hall, Ramhlun South-ah October ni 7, 2026 (Nilaini) chawhma dar 11:00 khân TRAINING OF TRAINERS PROGRAMME neih a ni.

He Programme hi Julie Vanlalsawmi chuan kaihruaiin UPC North East India, Aizawl khawpui chhung atangin Sunday School hruaitu leh rawngbawltu thlan bik mi 40 vel an kal khawm a ni.

Chawhma lam hunah hian Rev. Biaksangzuala, Director, General Sunday School Dept. UPC NEI chuan kalkhawmte lawmna thu sawiin ṭawngṭaina hun a hmang a, Er Lalhmingliani Hmar, Treasurer YWCA hnen aṭangin Introductory speech ngaihthlak a ni bawk. Training Manual on HIV/AIDS hman dan tur chung changah Lalremruati Tlau chuan Powerpoint Presentation neiin, Kohhran mite hnena HIV/AIDS chungchang inzirtirna leh thuk zawka hriatthiamna an neih theihna tur hrang hrangte ngaihthlak a ni. Dr A Lalchhandami, President YWCA kaihhruaina in HIV/AIDS dona hmalakna tur Activities hlawk thlak tak tak neih a ni bawk.

Chawhnu hunah Dr Jane Ralte, Director MSACS buatsaih HIV/AIDS chungchang Mizoram dinhmun Video thlir ho a ni a, Rev. JH Zahluna, Secretary, Gen. Sunday School Dept. UPC NEI chuan Compassionate Church tih thupui hmangin zirtirna hun a hmang a ni.

He mi hnu hian Lalmuanpuii, UNAIDS, Sub-Committee Chairperson kaihhruaiin Discussion hlawk thlak tak neih leh a ni a, Christina Malsawmkimi, General Secretary, YWCA chuan Commitment and Evaluation tih thupui hmangin thusawina hun a hmang bawk. Program te tluang taka hman a nih hunah Rev K Vanlaldika, Director, North Mizoram District chuan tawngtaina in hun a khar a ni.