72nd National Wildlife Week hmang

Aizawl | Oct 7, 2026: Govt T Romana College (GTRC) National Service Schem3 (NSS) leh Save Environment Association (SENVA) General Headquarters, Aizawl te huaihawtin vawiin khan Govt T Romana College-ah 72nd National Wildlife Week, 2026 hman a ni.

He huna khuallian Environment & Forest, Climate Change Minister Lalthansanga chuan, Mizoram-ah Ramngaw 1.26 (semi forest) chauh kan nei tawh a. Thing leh mau neih that a pawimawh thu uar takin a sawi a. Mitinin engnge ka tih ve theih ti a kan environment tih pun zelna atan hma kan lak a pawimawh thu a sawi.

Minister chuan nungcha humhalh na atan vawiin kan prog hi a bul tanna chauh a ni a. Thing leh mau humhalh a, ramngaw siam tura kan hmalakna te avangin vawiin niah hian nungchate an zalen tan mek a ni tih thu a sawi bawk a ni.

He programme pawimawh tak hi SENVA President K Biakthianghlima'n a kaihruai a. TRC Principal Dr Jenifer Lalbiakdiki chuan inlawmna thuchah a sawi a, TRC NSS Programme Officer Dr Lalchhuanmawia'n lawmthu a sawi a ni.