Blessino Nursing School-in 8th capping leh 5th graduate day hmang

Aizawl | Oct 27, 2026: Blessino Nursing School, Maubawk chuan vawiin khan BSI Hall, Bible house khatla-ah 8th capping, lamp lighting and 5th graduate ceremony an hmang a, Higher & technical Minister Dr Vanlalthlana'n a hman pui.

Minister hian dam lo tan nurse te hmel ahmuhnawm zia leh damlo enkawl na kawng a an pawimawh zia sawiin, nurse te chu inti paukhauha rilru huaisenna nen pen chhuak tura fuihin zirlai zawng zawng te mi dang tan a malsawmna ni zel tura duhsakna hlanin zirlai ti tha zualte chawimawi na a hlan nghal a ni.

Zoram Medical College & Hospital (ZMC&H) Nursing superintendent K Laltlanpuii'n Capping leh lamp lighting hman tan a nih dan leh a awmzia te sawiin Zirlai thar te capping leh lamp lighting hun a hmang bawk.

Blessino Nursing School hi kum 2019 ah din niin, tunah hian batch 8 na kal pui mek a ni a. He sikul atanga zir chhuak 150 chuang awm tawhin, tunah hian zirlai 93 an awm mek a, Indian Nursing Council leh Mizoram Nursing Council hriatpui leh pawm nurse zirna in a ni.

Vawiin hian, Blessino Nursing School-a nurse zir thar tur mi 30 te Capping leh lamp lighting hman hmanpui an ni a, Blessino Nursing School atanga nurse zir chhuak tawh mi 28 te graduation day / ceremony hmanpui an ni.