"Mizoram a Zofate tan MZP in a thawhhlawk zia leh Mizoramin remna leh muanna kan neih theih nan a theihtawp chhuaha hma latu an ni a, kan inhung bikna ILP chungchangah te, Ramri humhalh kawngah te nasa taka Jail tan leh mahni nunna pawh chan hial huam a hmala thin tu pawl ropui tak a ni, MZP hruaitu a tam zawk hi Politics a lut lo an ni a, mi tam takin Politics kailawn a an sawi hi a dikl o a, he pawl lo hruai tawhtute zawng zawng hi zah an phu hle a ni"

Aizawl | Oct 27, 2026: Mizo Zirlai Pawl (MZP) General Headquarters buatsaihin, vawiin khan Multipurpose Hall, Berawtlang-ah 'Zirlaite Ni' leh MZP kum 91 tlin lawmman hun hman a ni a. School Education Dept. changtu Minister Dr Vanlalthlana chu Khuallin niin, Vice President Sanghmingthanga kaihhruaina in hun hi hman a ni.

Education Minister Dr Vanlalthlana chuan, "Mizoram a Zofate tan MZP in a thawhhlawk zia leh Mizoramin remna leh muanna kan neih theih nan a theihtawp chhuaha hma latu an ni a, kan inhung bikna ILP chungchangah te, Ramri humhalh kawngah te nasa taka Jail tan leh mahni nunna pawh chan hial huam a hmala thin tu pawl ropui tak a ni, MZP hruaitu a tam zawk hi Politics a lut lo an ni a, mi tam takin Politics kailawn a an sawi hi a dikl o a, he pawl lo hruai tawhtute zawng zawng hi zah an phu hle a ni" a ti.

School Education Minister chuan he hunah hian thusawiin, "MZP hi sorkar lo khalh ngil tawhtu a ni a, remna kan neih theih nan te, zofate inpumkhat nan te, ramri humhalh nan te, hnamdangte chimrala kan awm loh nan te, Mizo faten technical seat kan hum theih nan te an thawhhlawk hle a, hma lam hunah pawh tha thawh zela theih tawp chhuah zel a ngai a ni a ti. Zirlaite hi Zoram hmabak an ni a, danglamna siamtu, thil thar hmuchhuaktu, ram hruaitu an la.awm dawn, tuna awm mekte hi nakin lawkah kan ral zel dawn a, he ram hi kan inhlanchhawng zel a ni. Kan mi hmasaten an hun laiin an lo humhim tawh a, kan hun țheuhah kan humhima, țhangtharte chenna tlaka kan siam zel a ngai," a ti.

Khuallian chuan, "He khawvel kan awm mekna hi Digitalized vek a ni tawh a, kum naupang tete pawhin AI ka bia an ti a, an duh duh danin an hmang thei tawh a, engtin nge vawiin a zirlaite hian heng technology thil hrang hrangte hi kan hman tangkai thiam a tul hle a ni " a ti.

Mathlana chuan, "Vawiin a zirlaite hi nakina kan ram la rawn hruaitu turte in ni a, rilru nghet tak pu tur leh huaisen tak, dik tak leh rinawm taka he ram rawn hruai turin a fuih a. Rail a rawn lut a, chhim lamah Sittwe Port a rawn awm tawh a, Mizoram hi kudam ah hnam dangte hian an rawn hmang mai mai a nga, a pu lut leh chhuaktu ringawt kan ni ang tih a hlauhawm hle a, heng zawng zawng ngaihtuah chung hian ram kan vei a hun tawh takzet a ni" a ti.

MZP President Dr C Lalremruata chuan, "MZP chu kum 1935 atanga din a nih atangin, zirlaite, ram leh hnam tana ke penna kawngah harsatna hrang hrang tawkin hruaitu hmasate zarah a kal hram hram a, he pawl hian kawng hrang hrangah ke pen in Zofate kan inpumkhat theih nan te, MPSC hnuaia hnalak chungchangah te, kan inhung bikna ILP chungchangah te, Education Dept. enkawl bik tu tur Mizoram Education Services(MES) kan neih theih nan leh thlaite hna zawnna kawnga puitu tur Mizoram Youth Commission (MYC) kan neih theih nan nasa takin hma a la a, kawng hrang hrangah a hlawhtlinna kan hmu chho ve zel a, a lawmawm hle a ni" a ti.

Heng bakah hian, Hnam dangin kan zirna in hrang hranga kan quata neih min chuhpui na kawngah theihtawp chhuaha hmalak a lo ni tawh thu a sawi bawk.

MZP President chuan, Zirlaite ah midang ngaihsan lohna trend a kal nasat thu te, fing, thiam leh thei bik ni a in hriat te, heng hi in nu leh pa, in Pi leh Pute'n a an lo dai vek tawh a nih avangin, Mizo thufingin a aia upa zahthiam tur leh aia upate hmusit lo a an hriat loh zawng a nih pawhin a hrilh fingtu ni zel turin zirlaite a chah.

'Zirlaite Ni' leh MZP din champhaphak vawi 90-na lawmna kharna hunah hian "MZP Souvenir" buatsaih a ni a, Khuallian chuan tlangzarhna hun a nei nghal bawk a ni.

MZP PRESS RELEASE

ZIRLAITE NI leh MZP RAISING DAY KUM- 91na HMAN A NI

"Zirlaite Ni" October ni 27, 2026 (Thawhlehni) hian Mizo Zirlai Pawl (MZP) General Headquarters buatsaihin, Multipurpose Hall, Berawtlang-ah hun hman a ni a. School Education Dept. changtu Minister Dr. Vanlalthlana chu Khuallin niin, Vice President Pu Sanghmingthanga kaihhruaina in hun hi hman a ni.

MZP President Dr. C. Lalremruata chuan, "MZP chu kum 1935 atanga din a nih atangin, zirlaite, ram leh hnam tana ke penna kawngah harsatna hrang hrang tawkin hruaitu hmasate zarah a kal hram hram a, he pawl hian kawng hrang hrangah ke pen in Zofate kan inpumkhat theih nan te, MPSC hnuaia hnalak chungchangah te, kan inhung bikna ILP chungchangah te, Education Dept. enkawl bik tu tur Mizoram Education Services(MES) kan neih theih nan leh thlaite hna zawnna kawnga puitu tur Mizoram Youth Commission (MYC) kan neih theih nan nasa takin hma a la a, kawng hrang hrangah a hlawhtlinna kan hmu chho ve zel a, a lawmawm hle a ni" a ti.

Heng bakah hian, Hnam dangin kan zirna in hrang hranga kan quata neih min chuhpui na kawngah theihtawp chhuaha hmalak a lo ni tawh thu a sawi bawk.

Education Minister Dr. Vanlalthlana chuan, "Mizoram a zofate tan MZP in a thawhhlawk zia leh Mizoramin remna leh muanna kan neih theih nan a theihtawp chhuaha hma la tu an nih thu a sawi a, kan inhung bikna ILP chungchangah te, Ramri humhalh kawngah te nasa taka Jail tan leh mahni nunna pawh chan hial huam a hmala thin tu pawl ropui tak a nih thu leh MZP hruaitu a tam zawk hi Politics a lut lo an ni a, mi tam takin Politics kailawn a an sawi hi a diklo a, he pawl lo hruai tawhtute zawng zawng hi zah an phu hle a ni" a ti.

Pu Mathlana chuan, "Vawiin a zirlaite hi nakina kan ram la rawn hruaitu turte in ni a, rilru nghet tak pu tur leh huaisen tak, dik tak leh rinawm taka he ram rawn hruai turin a fuih a. Rail a rawn lut a, chhim lamah Sittwe Port a rawn awm tawh a, Mizoram hi kudam ah hnam dangte hian an rawn hmang mai mai a nga, a pu lut leh chhuaktu ringawt kan ni ang tih a hlauhawm hle a, heng zawng zawng ngaihtuah chung hian ram kan vei a hun tawh takzet a ni" a ti.

" Zirlaite Ni" leh MZP din champhaphak vawi 90-na lawmna kharna hunah hian "MZP Souvenir" buatsaih a ni a, Khuallian chuan tlangzarhna hun a nei nghal bawk a ni.

Sd/-

(C. LALHMINGSANGA)

General Secretary

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]