Hmun hrang hrangah Police-in dan phalloh thil man

Aizawl | Oct 27, 2026: Mizoram Police chuan, Mizoram hmun hrang hrangah dan phalloh thil an man.

Mizoram Police thuchhuah tarlan dan;

October 26, 2026 khan Aizawl DEF hnuaia Bawngkawn PS team-te chuan Zemabawk Forest Check Gate, Aizawlah Eco Van (B/R No. MZ01AE8001) atangin Methamphetamine Kg 1 an man. Lirthei khalhtu Lalhmangaiha (28), Kahrawt Veng, Champhai nia inchhal chu man a ni.

October 26, 2026 khan Zero Point, Seling-a naka checking neihah Aizawl DEF hnuaia Seling Outpost team-te chuan Tata Sumo (B/R No. MZ-03-7043) lo tidingin, a khalhtu Lalruatliana (33), Champhai Zote kut atangin Foreign cigarette Patron Nano White bawm (cardboard box) 13, a hlutna cheng nuai 8 vel nia chhut chu an man. Thil mante hi dan anga hma lak chhunzawm turin Joint Controller, Legal Metrology, Aizawl kutah hlan a ni.

October 23, 2026 khan Aizawl DEF hnuaia Seling Outpost team-te chuan Maruti van (B/R No. MZ-01-AB-1877), Chawnghmingliana (30), Bualpui H, Hnahthial District nia inchhal khalh atangin Royal Stag Whisky case 30 (bottle 360), cheng 3,60,000 man hu chu an man.

October 21, 2026 khan Siaha Police-te chuan Siaha khaw daifem, km 7 vela hla ramhnuai hmun thumah rakzu siamna factory a neitu hriat loh an hmu chhuak a, tihchhiat nghal a ni. Rakzu tihchhiat tak hlutna hi cheng 4,50,000 hu vel nia chhut a ni. Zu siamna hmangruate pawh seized nghal a ni bawk.