Birla Fertility and IVF te'n Nau neih kawnga harsatna tawk te MUHCS hnuaiah enkawl thei tawh!

Aizawl | Oct 23, 2026: Birla Fertility and IVF chu tunhnai khan Mizoram Universal Healthcare Scheme (MUHCS) hnuaiah an inziak lut a, Nau neih kawnga harsatna tawk mek te MUHCS hnuaiah enkawl theih an ni tawh dawn.

Aizawl, Mizoram, 23 October 2026: Ramchhunga nau neih kawnga harsatna nei enkawlna lian berte zinga mi Guwahati khawpuia Birla Fertility leh IVF chu tunhnai khan Mizoram Universal Healthcare Scheme (MUHCS) hnuaiah an inziak lut a, Birla Fertility leh IVF Guwahati centre ah mithiam hrang hrangten hetiang lama harsatna nei te MUHCS hnuaiah an enkawl thei dawn a. inremna ah hian Aizawl khawpuiah inenkawlna awlsam zawk a theih nan buatsaih tum niin OPD kaltlanga Mithiam rawn theih tura ruahman a ni.

Birla Fertility and IVF Guwahati centre Fertility Specialist Dr Kalpana Jain chuan, Mizoram leh hmarchhak biala nupa harsatna tawk tam tak an enkawl tawh tih sawiin MUHCS nen an inzawmna chuan damlo tan kawng awlsam zawk a hawn sak dawn tih sawiin harsatna nei ten Guwahati hmunpuiah enkawlna ṭha zawk an dawng thei dawn a ti a, Synod Hospital nen inzawmin OPD hawn ṭhin ani tiin tunhnaiah erawh OPD hawn na tur ngaihtuah mek a ni tiin Thla 3 dan emaw ah mithiam an kal ṭhin dawn a ti a, damlo in entir tam dan a zirin thla tin pawh an kal thei tih an sawi bawk.

Birla Fertility leh IVF Guwahati center ah hian tunlai thiamna hmanfa laboratory changkang tak leh damlo enkawlna tur khawl ṭha rak tak dah a ni a, IVF, intrauterine insemination (IUI), intracytoplasmic sperm injection (ICSI), mipa leh hmeichhia naupai theih lohna enkawl leh nakin zel a nau neih theihna tur atana puih kawngah damlo hrang hrang an enkawl thei a ni.