Aizawl-ah diesel heh lo, Eicher Motor zawrhchhuahna hmun hawng

Aizawl | Oct 23, 2026: India ram chhunga LMD (Light and Medium Duty) motor hralh chhuah tam ber Eicher Trucks & Buses Aizawl chuan Sales, Service & Spares hmunpui, Joseph Automobiles, Tuirial chu ni 23, October 2026 tlailam dar 3 khan hawnna inkhawm an nei. He hunah hian Eicher Senior Vice President Sumit Dewan chu khuallian niin hawnna a nei a, Eicher Motor in dawr bungrua phurhkualna tur bik atana an duan vailiamna hun a nei nghal.

Hawnna inkhawma chanchinbumite a kawmnaah, Eicher Senior Vice President Sumit Dewan chuan Eicher Motor chu Mizoram tan motor rintlak ber a nih thu a sawi a. "Servicing lamah kan tha a, India ram state tinah Eicher motor neituten harsatna tawk mahse, servicing hnai berin a buaipui thei nghal zel a, hei hian customer-te tan awlsamna nasa tak a thlen a ni," a ti.

Eicher hian company dangin an neih loh 'On Board Diagnostic' a nei bik a. Hei hian motor chhunga sensor leh line dik lo lai awlsam takin a hmu chhuak thei a, motor siamthat a ti awlsam hle a ni, a ti bawk. Eicher company in an chhuan ber chu Volvo technology a thuam a nih avangin MBooster+ technology a nei a, diesel a heh lo a, company dang motor aiin a tlan thui thei zawk a ni, a ti.

Eicher hian motor variant a nei kim hle a, 5 Ton atanga 18.5 Ton thleng rit phur thei motor a nei a, Eicher Pro 2000 leh Pro 3000 series te chu khawpui chhunga bungraw sem kual nan hman a ni nasa hle. India ram chhungah tunah hian LMD market leader a ni mek.

Eicher hian 'My Eicher App' a nei bawk a, India ram chhunga truck nuai 4.6 chuangin an hmang mek a. He application hmang hian motor awmna hmun dik tak hriat theih a ni a, diesel awm dan te, motor khawl chhunga part chhe mai tur hrilh lawkna te a nei a, App atangin service a book nghal theih bawk. Bak ah, motor khalhtuin kawng dik lova a tlan em tih te, motor enkawltu tan motor enkawl dan tur te a hrilh thei bawk.

He hunah hian Eicher Dealer Principal Joseph K chuan Eicher motor leitu thar hnenah motor chahbi hlanna a nei a. Tarlan a nih danin, Eicher motor hi kum 2025 khan Mizoramah dealership hawn a ni a, chu mi atangin vawiin thlengin motor 115 chuang hralh chhuah tawh a ni.