"CM-in Mizoram GST collection tlakhniam chhan chu Indian ram pumpui a GST collection a tlakhniam vang anga a sawi hi thu dik tawk lo a ni," ~ Dr K Beichhua

Aizawl | Sept 1, 2026: Mizoram BJP President Dr K Beichhua chuan, "Tun hnai a interview pakhat a kan CM in Mizoram GST collection tlakhniam chhan chu Indian ram pumpui a GST collection a tlakhniam vang anga a sawi hi thu dik tawk lo a ni tih mipui te'n kan hriat a ṭha," tiin Facebook-ah post a siam.

""India ram pumah GST collection hi a thla telin a sang zel a, July thla phei chuan 15.4% lai niin, ₹2.1 trillion a tling hial a ni," a ti bawk.

"Indian economy hi PM Narendra Modi kaihhruaina hnuai ah a ṭhang nasa hle a, nimin mai pawh khan 7.8% laiin a ṭhang chho anih kha. Hemi rual hian India ram pumah GST collection hi a thla tel in a sang zel a, tun kum July thla phei chuan 15.4% lai mai niin, ₹2.1 trillion lai mai total alo ni ta a ni," a ti a.

"BJP Mizoram chuan CM in thudik tawklo a Indian economy dinhmun chungchang a sawi mai hi a pawi kan ti a. Narendra Modi sorkar in Indian economy khawvel huap a ṭhangchak bera a siam lai mek a, thudiklo hmanga mipuite hmaa thuchhuah a siam mai hi kan la serious hle a ni. Mizoram GST collection tlakhniam nachhan diktak chu ZPM sorkar financial mismanagement (sum leh pai hman khawlohna) ani a, mipui ten thudik hi kan hriat a pawimawh hle a ni tih hi Bharatiya Janata Party (BJP) te kan dinna a ni," a ti bawk.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]